LUKAS 10:27 - WUKE SUSI WATTI'U AL᷊AL᷊USASSA

²⁷ Taumata udde sinumimbakka, “ ‘Pandangngute Mawu Ruatanu ringannu ahewallu naungngu wuṛṛu ringannu ahewallu apendammu, ringannu al᷊awo'u auatannu, wuṛṛu ringannu anambon apandenu,’ wuṛṛu ‘Pandangngu sansul᷊ungngu ere lai i'o mandangngu wadangngu sassane.’ ”

LUKAS 10:27 Iomraidhean Croise

IMAMATTA 19:18

Imbaṛṛangnga mabbal᷊issa a'une wuṛṛu maddantinnu taumata waine, arawe pandangngute sansul᷊ungngu ere lai yamiu mandangngu watangannu sassane. Ete i Ya'u Mawu.

MATIUS 19:19

pangaddatta iamangngu wuṛṛu inangngu; wuṛṛu pandangngu taumata sansul᷊ungngu ere i'o mandangngu wadangngu sassane.”

LUKAS 10:26

Mawu Yesus sinumimbakka, “Apa udde uawoṛṛetta su Wuke Susi? Ereapa su ṛingiṛṛannu matataṛṛino su olangnge udde?”

ROMA 13:9

Ana waugu titan agama Yahudi eteudde: Imbaṛṛangnga sumandaga, imbaṛṛangnga mamate, imbaṛṛangnga manna'o, imbaṛṛangnga numemman sarannapan taumata waine; sarangkanambone udde niammulle ringannu tita waine, suete nisari tumbau naola'a tita sambau eteudde, “Pandangngu sansul᷊ungngu taumata ere lai i'o mandangngu ririnu sassane.”

GALATIA 5:13

I yamiu suete niwagoanna maola'a taumata apan napallose. Arawe arie mappaattu apapallosi yamiu udde sidutu ma'ola'a apulun naungngi yamiu sassane. Arawe ṛinone i yamiu sidutu uaa'akkana wuṛṛu sidutu uaa'imbe.

TAHIUL᷊E 10:12

“Orassa indi manga tuṛṛangnga, paddaringikke apa darorongngu Mawu Ruatanu wuassi yamiu: Pangaddate Mawu Ruatanu wuṛṛu paatuṛṛutte su al᷊awo'u parenta-Ne. Pandangngute si Tou wuṛṛu pattaṛṛamawute si Tou ringannu ahewallu lal᷊ummu naungngu.

TAHIUL᷊E 30:6

I yamiu wuṛṛu papapulunnu sarun onggol᷊annu naungnga matuṛṛutta, ma'oman sara i yamiu marangngu Mawu Ruatanu ringannu ahewallu naungngu wuṛṛu wotongnge sidutu matana'a su wanua udde.

TAHIUL᷊E 6:4

Tuṛṛa-tuṛṛangnga, naungete! Tumba'u Mawu, wuṛṛu Mawu sassane Ruatan kite!

TAHIUL᷊E 6:5

Pandangngute Mawu Ruatanu ringannu ahewallu naungngu: Papal᷊iattaa'e udde sulal᷊ummu pabbiaṛṛannu wuṛṛu sulal᷊ummu inolaannu.

IBRANI 8:10

Arawe orassa indi, ete indi paaire apan sarun olaangku su walahannu Israel su miallo-miallo apan sarun dumanta unnu Mawu: I Ya'u sarun mantaṛṛon tita-U sulal᷊ummu ṛingiṛṛanni mangitou wuṛṛu iwoṛṛeta su naungngi mangitou. I Ya'u sarun maola'a Ruata mangitou, wuṛṛu i mangitou sarun maola'a pabbawala-U.

YAKOBUS 2:8

I yamiu ma'ola'a su ṛinone, amungkangu i yamiu tumuṛṛutta titan Araratuanna sulal᷊ummu wageangu Wuke Susi indi, “Pandangngu sansul᷊ungu ere i yamiu mandangngu watangannu sassane.”

1 YOHANES 3:18

Al᷊aṛṛana'u! Arie i ite umakkana tumba'u su moṛṛonga ara'e tumba'u ringannu wisara. Ṛinone i ite umakkana ringannu aakkana apan tutune, apan niapaal᷊iatta'a ringannu inolaanni ite.