LUKAS 10:18 - WUKE SUSI WATTI'U AL᷊AL᷊USASSA

¹⁸ Mawu Yesus sinumimbakka, “I Ya'u naasilo Setanna nanawo wuassu langitta naal᷊ihida sawallo.

LUKAS 10:18 Iomraidhean Croise

YESAYA 14:12

Ei ratun Babel, dorone i'o anumpitanna aṛṛusuallo apan mal᷊ansiangnga, arawe orassa indi nundu'e su leta'a! Dorone i'o mammaddon manga walahanna, arawe orassa indi i'o nema'e su leta'a.

MATIUS 4:10

Mawu Yesus sinumimbakka, “Passal᷊iu i'o mamamono'a! Sulal᷊ummu Wuke Susi, uawoṛṛetta: Passubbate Mawu Ruatanu, wuṛṛu pangimbete si Tou sassane!”

YOHANES 12:31

Tempone nia'omante runia parikisanna; orassa indi tembonannu runia tate ipaatta.

YOHANES 16:11

wuṛṛu manungku Ruata mannattake maṛṛuumanna, ana waugu tembonannu runia indi suete niṛṛuumanna.

IBRANI 2:14

Ana waugu manga taumata apan nisaggon i Tou ana'a udde, eteudde sangkatou taumata apan wotonge mate, ne Mawu Yesus sassane naola'a uasul᷊ungngi mangitou wuṛṛu mabbiakka sulal᷊ummu ola'u taumata. I Tou na'ola'a aroddi, tadea'u ringannu papate-Ne i Tou wotongnge maṛṛimunsa'a Setanna apan uataṛṛino papate.

1 YOHANES 3:8

Arawe taumata apan matatana'a ma'ola'a rosa, ete i tou uddewe ana'u Setanna, ana waugu Setanna marosa ro'en al᷊amonane. Ana waugu udde Ana'u Ruata nirumanta, eteudde makkimunsa'a manaran Setanna.

SONDAPPA 20:2

See i tou nanametta naga udde, atoanna timmade, – eteudde Setanna ara'e Ghaṛṛaho Lal᷊eo udde – wuṛṛu niṛṛapussa saṛṛiwu su tonanne al᷊annune.

SONDAPPA 9:1

See mala'ekatta al᷊imane nattiuppa trompeti tou, wuṛṛu i ya'u naasilo sambau anumpitanna nanawo wuassu langitta su wowon runia.