LUKAS 10:13 - WUKE SUSI WATTI'U AL᷊AL᷊USASSA

¹³ “Nasilakate i yamiu Korazim! Wuṛṛu nasilakate i yamiu Betsaida! Unnu wisara manga al᷊aṛṛindu'a apan niola'a su pattangnganni yamiu udde suete niola'a su soan Tirus wuṛṛu Sidon, manga taumata poiaroddi mal᷊annute nawal᷊u wuassu manga rosa mangitou, wuṛṛu nalluṛṛeten laubbu asasusa see nangadon awu su pua mangitou.

LUKAS 10:13 Iomraidhean Croise

AYUB 42:6

Ana waugu udde i ya'u massili mannaungnga al᷊awo'u wisara'u wuṛṛu ringannu sussasilla i ya'u niuma'ianna sulal᷊ummu awu wuṛṛu leta'a.”

YESAYA 61:3

hunan ipangonggollu al᷊al᷊uassa wuṛṛu lal᷊ala'a su taumata apan massusa wuṛṛu lullal᷊o; hunan ipamal᷊u asasusan mangitou maola'a aantarin daralo. I mangitou sarun maola'a ere alu apan nisuannu Mawu sassane. I mangitou sarun pia pallal᷊aghu mapia wuṛṛu naṛṛino, na'oman sara Mawu sarun bantuhanna.

YEHEZKIEL 26:1

Su allo paarorone wul᷊anna sulal᷊ummu tonna mapul᷊oassa sutempo i yami niwuangnga, Mawu nabbisara si ya'u,

DANIEL 9:3

Wua'udde i ya'u inumal᷊iomante ringannu atonna-tonna su Mawu Ruata, wuṛṛu sinumal᷊ande aakkan-Ne. I ya'u lai nappuasa wuṛṛu nalluṛṛen laubba karongnga see niuma'ianna su awu.

AMOS 1:9

Mawu nabbisara, “Tumana'u Tirus masokkate ma'ola'a rosa, ana waugu udde i Ya'u sarun makkuumanni mangitou. I mangitou buatte naṛṛuwo sambau walahanna sarangkanambone watukku pamamuanganna, wuṛṛu nanantilli mangitou su Edom; i mangitou buatte nilumawangnga paaire paggahahawe.

1 TIMOTIUS 4:2

apan niapaasingkatu taumata lilangkamal᷊e'a wuṛṛu taṛṛa wahia. Lal᷊ummu naungngu manga taumata udde marandumpe.

SONDAPPA 11:3

I Ya'u sarun mandolokku ruang katou tiala-U apan ual᷊uṛṛem peddeta ilallal᷊o, wuṛṛu i mangitou sarun mamasingkatu watti'u Ruata al᷊annune 1260 su allone.”