LUKAS 1:6 - WUKE SUSI WATTI'U AL᷊AL᷊USASSA

⁶ Rua sangkawinganna udde, mabbiakka ma'al᷊uassa naungngu Ruata. Itarua matuṛṛutta anambon parenta wuṛṛu tita Mawu ringannu ahewallu naungnge.

LUKAS 1:6 Iomraidhean Croise

PANDARIADDI 17:1

Napawe i Abram uukke sioten pul᷊o sio su tonnane, Mawu naipasilon batanganne si tou wuṛṛu nabbisara, “Ete i Ya'u Ruata Apan Lembontaṛṛino. Paatuṛṛutte si Ya'u wuṛṛu sidutu pa'ola'e apulu-U.

PANDARIADDI 6:9

Ete indi watti'u pinabbiaṛṛanni Nuh. I tou pia ana'a esakka siri tallu, eteudde i Sem, i Yafet wuṛṛu i Ham. I Nuh tawe na'ola'a pasasal᷊a, wuṛṛu ete i tou sangkatou su wallatu taumata apan ma'ola'a apapia su tempo udde. I tou mabbiakka uaaukka ringannu Ruata.

PANDARIADDI 7:1

Ana see Mawu nabbisarate si Nuh, “I ya'u naasilo manungku tumba'u i'o sangkatou apan tuttuṛṛutta apulu-U. Nariaddi, suttate sulal᷊ummu apalla udde suadio'a ringannu anambon amonannu.

1 MARARATU 15:5

Mawu na'ola'a olangnge udde ana waugu i Daud buatte nalluassa naung-Nge. I Daud tawe saran paassa tawe maddaringikka manga parentan Mawu, tumba'u su hatton Uria taumatan Het udde.

1 MARARATU 9:4

Amungkangngu i'o mangngimanna si Ya'u ringannu naungnga mal᷊uassa wuṛṛu matul᷊idda ere iamangngu Daud, wuṛṛu i'o matuṛṛutta su manga tita wuṛṛu matul᷊idda ere iamangngu Daud, wuṛṛu i'o matuṛṛutta su manga tita wuṛṛu manga parenta-U,

2 MARARATU 20:3

“Mawu, naungewe manungku i ya'u indi buatte tinumuṛṛutta Si'o ringannu maadunna wuṛṛu ringannu ahewallu lal᷊ummu naungku. I Ya'u sidutu maddea'a tadea'u maatuṛṛutta apulu-Nu.” Ana see i Hizkia nilumuai ringannu massusa.

2 TAWARIKH 17:4

ewe'e tumba'u mattaṛṛamawu Ruata. I tou matuṛṛutta manga parentan Duata, wuṛṛu i tou mabbiakka wal᷊ine ere manga ratun Israel.

AYUB 1:1

Su leta'u Us uatana'e sangkatou esakka aranne i Ayub. I tou massubba Ruata wuṛṛu satia si Tou. I tou taumata apan pallal᷊aghune mapia wuṛṛu tawe ma'ola'a al᷊al᷊eo sarangkadio'a.

AYUB 1:8

Ana see Mawu naiwal᷊o, “Apa i'o buatte nanutukka allang-Ku i Ayub? Su ahewallu runia tawe taumata aroddi atuṛṛunne wuṛṛu apiane ere i tou. I tou massubba si Ya'u wuṛṛu tawe saran paassa ma'ola'a al᷊al᷊eo.”

DARALO 119:6

Amungkangu i ya'u manutukka anambon parenta-Nu, ne i ya'u tawe pansilianna.

LUKAS 1:7

Itarua tawe ana'a ana waugu i Elisabet tinna wuṛṛu itarua timmaddete.

LUKAS 16:15

Arawe Mawu Yesus nabbisara si mangitou, “Ete i yamiu taumata apan su saruannu taumata waine ellehanna mapia, arawe Ruata masingkattu lal᷊oṛṛo naungngu. Ana waugu apa apan sassunnannu taumata matanggakka, su aellegu Ruata udde mawawo.

LUKAS 2:25

Tempo udde su Yerusalem pia sangkatou taumata aranne Simeon. I tou taumata mapia, apan matta'uttu Ruata wuṛṛu tantal᷊anna uaraṛṛaddo tempone Ruata manal᷊amatta Israel. Ghaṛṛahon Ruata uaṛṛundinganna si tou,

WATTI'U MANGA RASUL 2:25

Su ola'u Mawu Yesus indi i Daud suete nabbisara, ‘I Ya'u sidutu ua'ellega Mawu su saruangku; I Tou uaammungnga si ya'u, tadea'u ya'u tawe awono'anna.

WATTI'U MANGA RASUL 23:1

I Paulus nanutudda manga mallaṛṛuungnga udde see nabbisara, “Manga tuṛṛangku! Na'oman sara allo indi ya'u tawe naapendamma sal᷊a su saruannu Ruata sulal᷊ummu naungku su ola'u i ya'u mabbiakka.”

WATTI'U MANGA RASUL 24:16

Ana waugu udde i ya'u sidutu ma'ola'a apapia, tadea'u naungku waresi su saruannu Ruata wuṛṛu waresi su saruannu taumata.

WATTI'U MANGA RASUL 8:21

I'o tawe maatantalongnga sulal᷊ummu manarang kami, ana waugu naungngu wengkola su saruannu Ruata.

ROMA 8:4

Ruata na'ola'a udde tadea'u apulu-Ne apan niapaal᷊iatta'a sulal᷊ummu titan agama Yahudi udde wotongnge olaanna sulal᷊ummu wadangngi ite apan mabbiakka tuttuṛṛutta Ghaṛṛahon Duata wuṛṛu wal᷊ine tuttuṛṛutta pallal᷊agun taumata.

1 KORINTUS 11:2

I ya'u maddalo si yamiu ana waugu i yamiu sidutu mannaungnga si ya'u wuṛṛu tuttuṛṛutta al᷊aṛṛa'a apan ta'u nionggola si yamiu.

2 KORINTUS 1:12

I yami lulluassa, ana waugu lal᷊ummu naungngi yami mangngonggolu antimma si yami manungku wiakki yami su runia indi – nangillembo paa'aukki yami ringanni yamiu – suete niapaamatti yami ringannu naungnga matul᷊idda wuṛṛu waresi. Yami na'ola'a udde, wal᷊ine ringannu apanden taumata, arawe ringannu atatohassa apan nionggolu Ruata.

TAHIUL᷊E 5:33

Ola'e sarangkanambone apan nititan Mawu Ruatanu si yamiu tadea'u i yamiu su lal᷊umanna'a wuṛṛu sidutu mattatana'a su wanua apan sarun atanaanni yamiu.”

FILIPI 2:15

Ringannu aroddi yamiu mapaal᷊iatta'a manungku eteudde i yamiu al᷊aṛṛana'u Ruata apan tawe angngone, mabbiakka ringannu matul᷊ida wuṛṛu naṛṛino su pattangnganu taumata lal᷊eo wuṛṛu marosa. Wuṛṛu su tempo i yamiu namasingkata si mangitou watti'a apan mangngonggolu wiakka, ṛinone i yamiu maola'a ere semakka apan lullansiangnga mannemakka runia. Amungkangu i yamiu mabbiakka ereudde, ne i ya'u pia pangiananne maapendamma al᷊al᷊uassa su ola'i yamiu su tempo Mawu Yesus rumanta apia. Udde maola'a tatialane manungku manara'u pia gunane wuṛṛu pia gessine.

KOLOSE 1:22

Arawe orassa indi, ringannu papaten Anang-Nge, Ruata na'ola'a paa'aukki yamiu ringanni Tou maola'a mapia apia. Ringannu olangnge udde i yamiu wotongnge iapidda sumaruanna Ruata sulal᷊ummu asasuungnga, atatul᷊idda wuṛṛu tawe sal᷊ane.

1 TESALONIKA 3:13

Ringannu aroddi Mawu sarun manohassa naungngu, na'oman sara i yamiu ma'ukkasa wuṛṛu tawe sal᷊ane su saruannu Ruata Iamangngi ite, su tempo Mawun kite Yesus rumanta suadio'a ringannu anambon taumata apan naola'a pussa'a-Ne.

2 PETRUS 3:14

Ana waugu udde, manga tuṛṛangnga apan arangnguanna, tantal᷊anna i yamiu uaṛṛaddo Allo udde, pappandumpe atonna-tonna mabbiakka susi wuṛṛu tawe pasassal᷊a su saruannu Ruata. Wuṛṛu paddul᷊ianete paa'aukka apan mapia ringannu Ruata.

1 YOHANES 2:29

I yamiu masingkatte manungku Kristus mabbiakka tuttuṛṛuta apulun Duata. Ana waugu udde i yamiu ṛinone masingkatta lai manungku suapan taumata apan mabbiakka tuttuṛṛuta apulun Ruata eteudde lai ana'u Ruata.

1 YOHANES 2:3

Amungkangu i ite matuṛṛutta su manga parentan Duata, udde tatialane manungku i ite maaillal᷊a Ruata.

1 YOHANES 3:7

Manga al᷊aṛṛana'u, arie mamalan taumata mamono'a si yamiu. Taumata apan tuttuṛṛutta apulun Duata, uddewe ana'u Ruata ere lai Kristus Ana'u Ruata.