LUKAS 1:46 - WUKE SUSI WATTI'U AL᷊AL᷊USASSA

⁴⁶ I Maria nabbisara, “Naungku maddalo Mawu

LUKAS 1:46 Iomraidhean Croise

DARALO 35:9

Ne i ya'u lullala'a ana waugu Mawu, naungku mal᷊uassa ana waugu i Tou nanal᷊amatta si ya'u.

YESAYA 45:25

Arawe papapulunni Yakub sarun iapaasal᷊amatta, wuṛṛu i mangitou sarun maddalo si Ya'u, Mawu.

YESAYA 61:10

Yerusalem nabbisara, “I ya'u lulluassa ana waugu Mawu, naungku lullal᷊a'a ana waugu Ruata. Naal᷊ihidda ma'aawingnga esakka wuṛṛu wawine uapa'attu lal᷊oggakka mangkaṛṛansanga, etearoddi Mawu nameddetta si ya'u laubbu asasal᷊amatta wuṛṛu auntunganna.

ROMA 5:11

Wuṛṛu nangillembo wua isudde, i ite lai lullala'a ana waugu apapian Duata sulal᷊ummu Mawun kite Yesus Kristus. Ana waugu sulal᷊ummu Mawu Yesus, i ite orassa indi naapendampe paa'aukki ite apan mapia udde ringannu Ruata.

1 KORINTUS 1:31

Nariaddi ere uawoṛṛetta sulal᷊ummu Wuke Susi, “Taumata apan maapulu mamarabunga, ṛinone mammunga su inolaannu Mawu.”

2 KORINTUS 2:14

Arawe aadiangkamanna su Ruata! I Tou sidutu mangngehetta si yami tumantalongnga su amatanni Kristus ana waugu i yami mabbiakka su sambau ringanni Tou. Ruata nappaatti yami tadea'u watti'a su ola'i Kristus massal᷊iawukka naal᷊ihida hal᷊uru mawangngi su al᷊awo'u tampa.

FILIPI 3:3

Sumbal᷊i ete i ite manga taumata apan suete nanarimmattu sunatta apan tutune, wal᷊inewe i mangitou. I ite massubba Ruata ringannu aehettu Ghaṛṛahon Duata sassane, wuṛṛu i ite maadiangkamanna ana waugu i ite mabbiakka su sambau ringanni Kristus Yesus. I ite tawe uatundeeta su manga inolaanna apan a'olaannu taumata.

FILIPI 4:4

Antimanna i yamiu sidutu lulluassa ana waugu i yamiu suete nabbiakka su sambau ringannu Mawu. Paassa lai ya'u mabbisara: lalluasse!

1 TESALONIKA 5:23

Antimanna Ruata sassane mangonggolu paddarame si ite, ma'ola'a si yamiu taumata apan atonna-tonna mabbiakka hunan Duata sassane. Doronganna Ruata mallu'adda ahewallu wadangngu, mawae ghaṛṛaho, ṛimuudda, wuṛṛu lai wadangngu, ma'oman sara tawe sangkule su tempo Mawun kite Yesus Kristus rumanta apia.

1 PETRUS 1:8

I yamiu marangngu si Tou, salaiwe dorone i yamiu tawe naasilo si Tou. Wuṛṛu i yamiu mangngimanna si Tou, manimbe orasa indi yamiu tawe maasila si Tou. Ana waugu udde i yamiu lulluassa, wuṛṛu uapaendama lal᷊ala'a apan mahewa wuṛṛu tawe iawisara.