LUKAS 1:15 - WUKE SUSI WATTI'U AL᷊AL᷊USASSA

¹⁵ I tou sarun maola'a taumata mapia su aellegu Mawu, wuṛṛu i tou tawe ma'inumma anggore ara'e inumanna ma'awu'anna. Ro'en inasungkangnge i tou aintaṛṛoanten Ghaṛṛahon Ruata.

LUKAS 1:15 Iomraidhean Croise

PANDARIADDI 12:2

I ya'u sarun mangonggolla si'o papapulunna apan manambo wuṛṛu i mangitou sarun maola'a walahanna apan bahewalla. I ya'u sarun mangal᷊amatta si'o wuṛṛu arannu mabbal᷊i tumelengnga, ma'oman sara i'o maola'a al᷊amatta.

PANDARIADDI 48:19

Arawe iamangnge nanol᷊a'a, “I ya'u masingkatta, ana'u, i ya'u masingkatta. I Manasye sarun bahewalla taṛṛinone wuṛṛu papapulunne lai sarun mabbal᷊i balahanna apan bahewalla. Arawe tuarine lembon maggewal᷊anna lai taṛṛinone wuassi tou, wuṛṛu papapulunnu tuarine sarun maola'a walahanna apan bahewalla.”

1 TAWARIKH 17:8

I'o buatte Ta'u nitul᷊ungnga su anambon tampa apan amatannu, wuṛṛu anambon seennu Ta'u nipate sutempo i'o mapapangalo. I'o sarun Ta'u olaanna tumelengnga ere manga piaṛṛa'a apan ahewal᷊anne su runia.

1 TAWARIKH 29:12

Anambon pa'a'ala wuṛṛu lal᷊umanna'a darantane wuassu Mawu; al᷊awo'u riadianna I'o uataṛṛino ringannu atatohassa wuṛṛu taṛṛino apan atanggaṛṛanne; I'o uataṛṛino manenegu taumata maola'a taumata aaddatanna wuṛṛu matohassa.

DARALO 22:9

Unni mangitou, “Wala'e aroa i tou mangngasakku Mawu, tadea'u Mawu manal᷊amatta si tou, amungkangu Mawu mal᷊uassa si tou!”

YEREMIA 1:5

“Tantal᷊anna i Ya'u taambe nadiandi si'o sulal᷊ummu piolon inangngu, wuṛṛu tantal᷊anna i'o taambe nasungkangnga, i Ya'u buatte namile wuṛṛu maneneggu maola'a nabi su manga walahanna.”

YEREMIA 35:6

Arawe i mangitou sinumimbakka, “I yami tawe ma'inumma anggore. Al᷊amonang kami Yonadab ana'i Rekhab manningaddi yami wuṛṛu papapulunni yami ma'inumma anggore. Sasingadda udde iappaamatta saran mal᷊annu-l᷊annu.

IMAMATTA 10:9

“Napawe buatte na'inumma ua'e anggore ara'e ua'e ma'awu'anna, i'o wuṛṛu manga anangngu imbaṛṛangnga sumutta sulal᷊ummu Rasang-Ku. Amungkangngu i yamiu lumawangnga atoranna udde, i yamiu sarun mate. Parenta udde sarun daringiṛṛannu anambon papapulunnu.

ZAKARIA 9:15

Uman-Ne sarun onggolan-Ne passirunganna, ma'oman sara al᷊awo'u seetta wotongnge iawaddo. Naal᷊ihidda hahuressan taumata wu'anna, etearoddi hahuressan mangitou sulal᷊ummu pangalo. Naal᷊ihidda daṛṛan sasamba apan nilal᷊inna su wowon mezbah, aroddi lai daṛṛan seetti mangitou nabboso.

LUKAS 1:14

I'o sarun lembon lumuassa wuṛṛu manambo taumata lullala'a napawe ana'a udde inasungkangke!

LUKAS 7:28

“Paanaunge,” unnu Mawu Yesus, “su runia indi taambe saran sangkatou taumata maggewal᷊anna wuassi Yohanes Mananaṛṛani. Arawe taumata apan adio'anne su wallattu al᷊aṛṛana'u Ruata, magewal᷊anna wuassi Yohanes Mananaṛṛani.”

LUKAS 7:33

I Yohanes Mananaṛṛani nirumanta – i tou mappuasa wuṛṛu tawe ma'inumma anggore – wuṛṛu i yamiu mabbisara, ‘I tou niasuttannu setanna!’

YOHANES 5:35

I Yohanes udde naal᷊ihida sol᷊o apan luṛṛenggamma wuṛṛu mannemakka. Tumba'u sangkatempo i yamiu mal᷊uassa mannengkamma semakka udde.

WATTI'U MANGA RASUL 2:4

I mangitou sarangkanambone naasomba taṛṛinon Ghaṛṛahon Ruata, wuṛṛu nanattakke mabbisara sulal᷊ummu al᷊awo'u manga wisara waine. I mangitou mabbisara tumuṛṛuttu apa apan ia'onggolu Ghaṛṛaho udde si mangitou iapawisara.

GALATIA 1:15

Arawe ana waugu apapian naungngu Ruata, i Tou namile si ya'u tantal᷊anna i ya'u taambe niasungkanga wuṛṛu namago si ya'u iapa'imbe si Tou.

EFESUS 5:18

Imbaṛṛangnga i yamiu iwu'annu anggore, ana waugu udde maal᷊al᷊eo si yamiu. Arawe ṛinone i yamiu intaṛṛoannu Ghaṛṛahon Duata.

YOSUA 3:7

Mawu nabbisara si Yosua, “Manattaka allo indi i'o sarun Ta'u olaanna taumata wahewa ma'oman sara anambon ṛuangannu Israel mangaddata si'o wuṛṛu maatutukka manungku i Ya'u su sandiṛṛannu ere lai Ya'u su sandiṛṛanni Musa.

YOSUA 4:14

Allo udde Mawu na'ola'a manga inolaanna tadea'u walahannu Israel mangaddata si Yosua ere sangkatou taumata wahewa. Su al᷊o'engngu pabbiaṛṛanne i mangitou mangngaddata si tou erelai i mangitou mangngaddata si Musa.