LAL᷊ALLU 4:21 - WUKE SUSI WATTI'U AL᷊AL᷊USASSA

²¹ Ei walahannu Edom wuṛṛu Us, ore lallagete, lalluasse, suapawe ta'e wotongne! Asasilaka sarun rumanta lai ringannu wuṛṛu ana waugu wu'anna i'o nanantol᷊e watangannu.

LAL᷊ALLU 4:21 Iomraidhean Croise

PANDARIADDI 36:28

I Disyan al᷊amonan ṛuanganni Us wuṛṛu i Aran.

2 TAWARIKH 28:19

Ana waugu i Ahas ratun Yehuda nanantangngu Mawu wuṛṛu tawe mamarenta tumanangnge ringannu mapia, ne Mawu nandantan asasusa su Yehuda.

AYUB 1:1

Su leta'u Us uatana'e sangkatou esakka aranne i Ayub. I tou massubba Ruata wuṛṛu satia si Tou. I tou taumata apan pallal᷊aghune mapia wuṛṛu tawe ma'ola'a al᷊al᷊eo sarangkadio'a.

DARALO 137:7

Oh Mawu, naungewe inolaannu taumatan Edom sutempo Yerusalem nihohakka. I mangitou nabbisara, “Ṛaa'e, ṛaa'e maddatingngu manga rapappakke!”

MANNANASE 11:9

Paata'e temponu dario'a, ei umbasanna! Lalluasse tantal᷊anna i'o ta'e saṛṛentumuwo. Loṛṛoite al᷊awo'u hol᷊aggu ṛimuuddu, amata'e anambon apulun naungngu. Arawe naunge, Ruata apan su surga, sarun makkuungngu anambon manaranu.

YEREMIA 49:12

Taumata apan ṛinone tawe iṛṛuumanna, aṛṛiaannu ṛuumanna lai, ṛatadde i yamiu tawe? I yamiu natantunte sarun iṛṛuumanna!

YEREMIA 49:7

Eteindi apan niwisara Mawu Apan Lembontaṛṛino su ola'u Edom, “Apa taumatan Edom tawe maaṛṛingidda ringannu asingkatta? Apa manga mananantirone tate mangonggollu tatantiro apia? Apa nawul᷊ite asingkatti mangitou!

YEHEZKIEL 25:6

Mawu Apan Atanggaṛṛanne nabbisara, “i yamiu mattal᷊o'appa lapiddu massal᷊aingnga lulluassa. I yamiu mangngadio'a leta'u Israel.

YEHEZKIEL 25:8

Mawu Apan Atanggaṛṛanne nabbisara, “Moab mabbisara manungku Yehuda udde nassul᷊ungngu manga walahanna waine.

YEHEZKIEL 26:2

“Ei taumata apan mattate, tumana'u Tirus buatte naggio lapiddu mabbisara, ‘Yerusalem naṛṛimunsa'e! Auatanne sulal᷊ummu madagangnga nawul᷊ite! I tou tate maola'a ro'appi ite lai!’ ”

AMOS 1:11

Mawu nabbisara, “Tumana'u Edom masokkate ma'ola'a rosa, ana waugu udde i Ya'u sarun makkuumannai mangitou. Ringannu tawe umakkanna, i mangitou buatte namangalo taumatan Israel, manga tuṛṛangngi mangitou. I mangitou sidutu mandona wuṛṛu mangke mangngunne.

OBAJA 1:1

Eteindi laṛṛangngon Obaja; i tou namasingkattu tanatan Mawu Apan Atanggaṛṛanne su ola'u walahannu Edom: Mawu buatte nangirimmu daroloṛṛan-Ne ringannu manga walahanna, wuṛṛu i ite buatte naringikka tanata apan buatte niapidde ere indi, “Pandiahite inai mapapangalo! Wette i ite inaite mamangalo Edom.”

MIKHA 1:11

I yamiu tumana'u Safir, roote watukku pamamuanganna ringannu tawe laubba wuṛṛu ringannu apendamma massili! Manga taumatan Zaanan tawe waṛṛini sumabbangnga wuassu soan mangitou. Aintul᷊in tumana'u Bet-Haezel mapal᷊iatta'a si'o manungku poiaroddi taweddu pattallindumanna lai.

HABAKUK 2:16

Orassa indi nia'omante i'o pansilianna, wuṛṛu wal᷊ine tadea'u aadatanna. Aadannu sarun mawal᷊u mabbal᷊i aal᷊uandaga. Mawu sarun mamatangngu ma'inumma wuassu cawanna apan lal᷊oṛṛoannu ṛuumanna si'o. I'o sarun ma'inumma wuṛṛu sumassedekka.

SONDAPPA 16:15

“Daringiṛṛete! I Ya'u rumanta ere taṛṛa ta'o! Al᷊al᷊uassa su taumata apan sidutu uataṛṛapa wuṛṛu uariaga peddene, ma'oman sara i tou tawe umamatta tantol᷊e wuṛṛu masili su saruannu awadaalla!”