LAL᷊ALLU 4:20 - WUKE SUSI WATTI'U AL᷊AL᷊USASSA

²⁰ I mangitou nanametta ratu nipilen Mawu, taumata apan iaasakki yami apan mangngonggollu wiakka wuṛṛu mallal᷊indumma wuassu seetta.

LAL᷊ALLU 4:20 Iomraidhean Croise

PANDARIADDI 2:7

Wua'udde Ruata nanganu leta'a sangkompenga, niola'a nabbal᷊i sangkatou taumata, ana see napaasabangu singangu apan mangngonggollu wiakka sulal᷊ummu loṛṛangu ngirunne; ne nabbiakke taumata udde.

PANDARIADDI 44:30

“Ana waugu udde, Tuangku,” unni Yehuda si Yusuf, “amungkangngu allangngu mabelengnga ringannu iamangngi yami tawe uaapiddu tuarin kami udde, yami sarun mate. Niawane ete su ana'a udde, wuṛṛu i tou timmadete atonna na'oman sara asasusa apan iapiddi yami si tou sarun maawawa papatene.

2 SAMUEL 1:14

I Daud nabbisara, “Waṛṛani atonna i'o mamate ratu apan nipilen Mawu!”

2 SAMUEL 1:21

Ei manga wuiddu Gilboa, paddaringikka wisara'u; Arie ma'oman sara wal᷊angngukka wuṛṛu uranna maaṛṛolo si'o! Wala'ewe mamara wuṛṛu maṛṛasa leta'u wawail᷊annu wuṛṛu wadda'a. Ana waugu ete poiaroddi nirangkalle allungngu taumata waṛṛani. Wuṛṛu allungngi Saul nitaiante, tate lai lananna.

2 SAMUEL 18:3

Arawe manga taumata udde sinumimbakka, “Arie Tuangnga. Ana waugu amungkangu yami ṛinone tumal᷊angnga, ara'e salaiwe sambageanganna wuassi yami sarun mate, seetta taambe mal᷊uassa, ana waugu ete i Tuangnga apan raddeaanni mangitou. I Tuangnga naal᷊ihidda mapul᷊o ṛiwu wuassi yami. See lai mappianne i Tuangnga mandolokku sasumbala si yami wuassu lal᷊ummu soa.”

2 SAMUEL 19:21

Naaringikka udde i Abisai ana'i Zeruya nabbisara, “i Simei wotongngete iṛṛuumanna pateanna ana waugu i tou buatte nantal᷊an ratu apan nipilen Mawu.”

2 TAWARIKH 35:25

Nabi Yeremia namoṛṛettu sambau aantari lal᷊al᷊o si Ratu Yosia. Naddatingngu orassa indi aantari udde ta'e ipappaattu mangangantari su Israel, mawae ete esakka aroddi lai wawine, su ipannaungnga i mangitou lullal᷊on Yosia. Aantari udde buatte niwoṛṛetta sulal᷊ummu ammul᷊annu aantarin lal᷊al᷊o.

YESAYA 32:2

I mangitou sangkatou-sangkatou naal᷊ihidda tampa pattillummanna wuassu anginna wuṛṛu tandi'a. I mangitou ere sal᷊ukku apan mangngelekka su wadda'u anne, ere lumman batu wahewalla su leta'a maṛṛasa.

YEREMIA 39:5

Arawe tantaran Babel nangenggenna si mangitou wuṛṛu nanametta si Zedekia su wawal᷊annu Yerikho. Wua'udde i tou niapidda ringanni Ratu Nebukadnezar su soan Ribla su wageangngu Hamat, ana see niandangannu ṛuumanna pateanna.

YEREMIA 52:8

Arawe tantaran Babel nangenggenna si Ratu Zedekia, wuṛṛu nanametta su ratakku Yerikho. Anambon tantarane nanantangngi tou.

YEREMIA 52:9

Wua'udde i Ratu Zedekia niapidda ringanni Ratu Nebukadnezar su soan Ribla su wageangngu Hamat, wua'udde niponessu ṛuumanna pateanna.

LAL᷊ALLU 2:9

Manga ngarane niaomboannu leta'a, anambon papal᷊ene napaddi; ratu wuṛṛu tembonannu pamarenta poite su pamuanganna. Titan Mawu tate lai iaṛṛa'a; nabi tate lai manengkamma sondappa wuassu Mawu.

YEHEZKIEL 12:13

Arawe i Ya'u sarun mantaingngu soma-U ipanametta si tou. See Ta'u iapidda i tou su soan Babel, wuṛṛu poiaroddi i tou sarun nate ringannu tawe maasilo soa udde.

YEHEZKIEL 17:18

Ana waugu i tou buatte nilumawangnga sasalu wuṛṛu paairene, i tou tawe maatal᷊angngu watanganne.

YEHEZKIEL 31:17

I mangitou sarun manantuṛṛutta watukku runian taumata nate wuṛṛu maammulli mangitou apan nanawote dorone. Wuṛṛu sarangkanambone apan dorone ua'ianna su al᷊ungngu aal᷊uanna udde sarun isal᷊iawukka suwallattu manga walahanna.

DANIEL 4:12

Manga rongngane nangelomma wuṛṛu wuane mangke nabbelle'a, mattiudda annanannu anambon tumana'a su ahewallu runia. Manga winatangnga matengnga ual᷊lowangnga su al᷊ungnge wuṛṛu manga manu'u winalanganna massal᷊akka su manga rananne. Wuṛṛu al᷊awo'u riaddianna mabbiakka wotongnge umanna wuane.

HOSEA 13:10

I yamiu maddorongnga ratu wuṛṛu piaṛṛa'a, arawe suapate i mangitou sarangkanambone orassa indi? Wotongngewe i mangitou manal᷊amatta tumanangngu?

MAL᷊AṚṚUUNGNGA 9:15

Aputta ṛoaanna udde sinumimbakka, ‘Amungkangu i yamiu atonna-tonna maapulu i ya'u maola'a ratunu, wette passirungke su al᷊ungku. Amungkangngu i yamiu maddiri, ne wuassu manga ranna'u apan pia ṛoangnge indi sarun sumabbanga putungnga apan mangepoddu manga aaluanna aras su Libanon, ma'oman sara masue.’ ”

1 SAMUEL 12:3

Orassa indi, ya'u uarisikka su saruanni yamiu! Amungkangu ya'u buatte na'ola'a al᷊al᷊eo, ansilete ya'u su saruannu Mawu wuṛṛu su saruannu ratu apan nipile-Ne. Apa ya'u buatte nanna'o sapi ara'e keledain taumata waine? Apa ya'u buatte nallinga ara'e mannansara ara'e mannengkamma roitta aonggolla? Wal᷊oa'e, tadea'u sarangkanambone apan ta'u nianu wotongnge iapawelengku.”

1 SAMUEL 12:5

Ana see i Samuel nabbisarate, “Su allo indi Mawu wuṛṛu ratu apan nipile-Ne maola'a tatiala manungku ya'u tawe sal᷊a'u sarangkadio'a.” “Ore, atonna, Mawu maola'a matatialang kite,” sasimbakki mangitou.

1 SAMUEL 16:6

Napawe i mangitou naammulle wuṛṛu i Samuel naasilo si Eliab ana'i Isai, i tou naṛṛingidda, “Asinungka i tou indi sarun pileannu Mawu.”

1 SAMUEL 24:10

I Saul nanaile liudde, ne i Daud niumal᷊intudda ringannu addatta ana see nabbisara, “Anio i Tuangnga maddaringikka watti'u taumata apan namasingkatta manungku allangngu manilaka si Tuangnga?

1 SAMUEL 24:6

Arawe wua'udde, i Daud naapendamma nassal᷊a ana waugu i tou buatte na'ola'a inolanna udde.

1 SAMUEL 26:16

I'o tawe maapasanna mappaamattu manaranu, Abner! Sulal᷊ummu arannu Mawu apan biakka, i yamiu sarangkanambone ṛinone mate, ana waugu tawe naariaga mawunu, ratu apan nipile Mawu. Ellehete suapate sambeangngu ratu? Suapa tampan ua'e apan tanginna uaraddo su samba'an puane?”

1 SAMUEL 26:9

Arawe i Daud nabbisara, “Arie pa'indinge i tou! Mawu sarun makkuumannu taumata apan inolaanne lal᷊eo su ratu apan nipile-Ne.