LAL᷊ALLU 4:2 - WUKE SUSI WATTI'U AL᷊AL᷊USASSA

² Dorone manga saṛṛen tumuwo su Soa Sion ere wul᷊awanna apan maarega, arawe orassa indi naola'e ere wensadda wuassu leta'a.

LAL᷊ALLU 4:2 Iomraidhean Croise

YESAYA 30:14

I yamiu sarun maṛṛimunsa'a ere urinna leta'a apan napesangnga nattal᷊eṛṛonga, na'oman sara suwallattu pesangnge tateddu wotongnge ipaatta ipanganu waṛṛa wuassu sunggilla ara'e ipangabba ua'e wuassu tampane.”

YESAYA 51:18

Wuassu tumanangngu taweddu nangehetta si'o, wuassu mamamanuanu taweddu namiaṛṛangngu.

YEREMIA 19:1

Mawu nandolo'u inai niapawalli wensadda, wuṛṛu mangahe manga pira piaṛṛa'u walahanna see manga pira imam apan matatimmadde,

YEREMIA 19:11

I ya'u ṛinone mamasingkatta si mangitou manungku Mawu Apan Lembontaṛṛino nabbisara arendi, “Walahanna wuṛṛu soa indi sarun Ta'u ṛimunsaanna ma'oman sara maola'a ere wensadda apan napesangnga udde apan tate iasul᷊e apia. Taumata sarun mallabbingngu manga winal᷊unanni mangitou su Tofet, ana waugu tate tampan pallabbinganna waine.

YEREMIA 22:28

I ya'u Yeremia nabbisara, “Apa i Ratu Yoyakhin buatte naola'a ere urinna napesangnga apan niramme wuṛṛu ipa'adirite lai? Ana waugu udde i tou wuṛṛu manga anangnge nilimbuaṛṛanna wuṛṛu niramme su wanua apan awagananni mangitou?”

LAL᷊ALLU 2:21

Timmadde dario'a nate uatal᷊allada su lal᷊anna, manga saṛṛen tumuwo naten hal᷊ele. Su allo I'o masa'u, I'o naṛṛata si mangitou ringannu tawe apendamma umakkanna.

LAL᷊ALLU 5:12

Manga piaṛṛa'i yami nisametta wuṛṛu nihantonga, manga matatimmadi yami tate lai addatanna.

HOSEA 8:8

Naal᷊ihidda urinna apan napesangnga, aroddi lai Israel apan tate gunane, wuṛṛu naola'a walahanna wiasa ere manga walahanna waine.

ZAKARIA 9:13

Yehuda sarun Ta'u ipaatta maola'a anaannu atumannaṛṛanne, wuṛṛu Israel maola'a anaanna apan nasaddiate ipiti'a. Tumana'u Sion Ta'u ipaatta maola'a halele; ringannu hal᷊ele udde manga taumatan Yunani sarun Ta'u pangaloanna.”

2 KORINTUS 4:7

Arawe darotongngu surga apan maṛṛamaga udde iaapiddi yami su wadangngi yami apan tawe aregane indi apan niola'a wuassu leta'a. Ringannu aroddi nilumiatta'e manungku awawantugu taṛṛino udde su Ruata wal᷊ine si yami.

2 TIMOTIUS 2:20

Sulal᷊ummu wal᷊e apan wahewalla pia al᷊awo'u saranapa. Piaddu niola'a wuassu sal᷊a'a ara'e, wul᷊awanna, arawe piaddu lai wuassu alu ara'e leta'a. Pia ipappaatta su pandumanna apan mawantuga, wuṛṛu pia lai ipappaatta su tudda inanaramanna.