LAL᷊ALLU 4:13 - WUKE SUSI WATTI'U AL᷊AL᷊USASSA

¹³ Arawe olangnge udde nariaddite, ana waugu rosan manga imam wuṛṛu nabi. I mangitou buatte napatuṛṛon daṛṛa, wuassu taumata apan tawe sal᷊ane.

LAL᷊ALLU 4:13 Iomraidhean Croise

YEREMIA 14:14

Arawe Mawu sinumimbakka, “Manga nabi udde mangapiddu watti'a awusu ringannu arang-Ku; i Ya'u tawe nandolokki mangitou, wuṛṛu tawe lai nangonggollu parenta ara'e naggahatto mangitou. Manga aellegga apan iwabbatti'i mangitou wal᷊ine wuassia-U; i mangitou maṛṛangngo manga inolaanna tawe gunane apan iaarangnga sassane.

YEREMIA 2:20

Mawu nabbisara, “Mal᷊annute i'o maddiri mattaṛṛamawu si Ya'u; maddiri tumuṛṛutta ara'e massubba si Ya'u. Su wowon suapan buidda apan matanggakka wuṛṛu su al᷊ungngu manga a'aluanna apan masindumunna i'o massubba manga mongannu asasuwukka.

YEREMIA 2:30

Tawe gunane I yamiu Ta'u iṛṛuumanna, ana waugu i yamiu maddiri maddaringikka tataggu. Ere singa apan tantal᷊anna tuttambo, etearoddi lai i yamiu mamate manga nabinu.

YEREMIA 5:31

manga nabi mangngawusu, manga imam mangngimbe tumuṛṛuttu apulun naungnge sassane wuṛṛu i yamiu uma-U mappulun inolaanna udde. Arawe apa apan sarun olaanni yamiu napawe nia'omante allo panginsueanne?”

YEREMIA 6:13

I mangitou sarangkanambone, timmadde dario'a, maddea'a auntunganna ringannu lal᷊anna apan tawe suṛṛinone. Ewe'e lai nabi wuṛṛu imam mammahia taumata.

LAL᷊ALLU 2:14

Apan niapasingkattu manga nabi si'o, tumba'u aawusu wuṛṛu wawahia sassane. I mangitou taambe naasi'attu rosanu, na'oman sara ana waugu udde i'o maddiri mawal᷊u. Nawal᷊i'a i mangitou tumba'u mammasingkatta si'o manga wisara awusu apan maasarootta.

YEHEZKIEL 11:6

Aroddi anambone taumata apan buatte nipaten kamiu, na'oman sara manga lal᷊annu soa napenen winal᷊unanna.

YEHEZKIEL 22:25

Manga piaṛṛangnge naal᷊ihidda singa apan mammassinga napawe tumambo wiakke. I mangitou mammate tumanangnge, mangngaṛṛo anambon darotongnga wuṛṛu pa'aala apan niasangkal᷊anni mangitou wuṛṛu naaola'a manambo wawine wal᷊u.

MATIUS 23:31

Nariaddi yamiu mangnga'u sassane manungku ete i yamiu papapulunnu manga taumata apan namate manga nabi!

WATTI'U MANGA RASUL 7:52

Apa pia sangkatou nabi apan tawe nisansarannu iupungngu al᷊amonanu? I mangitou namate daroloṛṛannu Ruata apan dorone suete namasingkatta manungku Allangngu Ruata apan atonna udde sarun rumanta. Wuṛṛu orassa indi yamiu nandal᷊eo wuṛṛu namate Allangngu Ruata udde.