LAL᷊ALLU 3:37 - WUKE SUSI WATTI'U AL᷊AL᷊USASSA

³⁷ Amungkangngu Mawu maddiri maapulun manga apa, taumata sarun tawe mapa'ola'a apa-apa su pandumma udde.

LAL᷊ALLU 3:37 Iomraidhean Croise

2 SAMUEL 16:10

Arawe ratu nabbisara si Abisai wuṛṛu si Yoab iaangnge, “Ariete paddaringiṛṛe. Wala'e aroddi i tou mantal᷊a'u. Ana waugu amungkangu Mawu nandolokki tou, isai apan pia taṛṛino maiwal᷊o anio inolaanni tou aroddi?”

1 MARARATU 22:34

Ringannu tawe nipattatudda sangkatou tantaran Siria namiti'u anaanne, ringannu tawe nitarangnga su tampa apan pappandumanne. Arawe anaanna udde napansakka si Ahab wuṛṛu nallappassa su laubbu pangalone su passampaanne. “I ya'u naṛṛinoanne!” aintul᷊in Ahab su mangangapiddu keretane. “Welenga'e wuṛṛu apira'e i ya'u sumabbangnga wuassu tampa papangaloanna!”

2 MARARATU 6:33

I Elisa taambe nuddussa mabbisara, ratu na'omate isudde wuṛṛu nabbisara, “Asasusa indi niema'u Mawu si ite! Nariaddi, ipa'ura lai ya'u mangantimma i Tou mangontola?”

AYUB 10:13

Arawe orassa indi i ya'u masingkatta manungku su al᷊annune udde, mal᷊anna-l᷊annabba I'o buatte nakkiinnu silaka'u.

AYUB 2:10

Sasimbakki Ayub, “I'o mabbisara naal᷊ihidda taumata longonna! Ṛatadde i ite tumba'u mappulu manengkamma apa apan apianne wuassu Ruata, wuṛṛu al᷊eoanne i ite maddiri?” Nariaddi, salaiwe i Ayub uapasanna anambon asasilaka udde, i tou tawe mapasabbangngu wisara apan lullawangnga Ruata.

SASABANGNGA 10:10

Unnu ratu, “Tawe mariaddi ya'u mamalan kamiu mangapiddu manga taumata wawine wuṛṛu manga anangngu! Apan raddoronganni yamiu udde nassul᷊ungngu ringannu mangngantimma i ya'u madorongnga Mawu mangal᷊amatta si yamiu. Nasemakke si ya'u manungku i yamiu pia pandumma lal᷊eo.

AMSAL 16:9

Taumata wotongnge manggol᷊aga, arawe Ruata apan manantunnu lal᷊annu pabbiaṛṛanne.

AMSAL 19:21

Taumata pia manambo ṛiinna, arawe tumba'u laṛṛawessu Mawu apan maola'a.

AMSAL 21:30

Tawe apapande, asasiṛṛunga ara'e ṛingiranna matakko'a apan wotongnge mataṛṛangnga su saruannu Mawu.

YESAYA 46:10

Wuassu panattaṛṛanne i Ya'u namasingkattu manga apa apan sarun mariaddi sal᷊immurine, ro'en dorone i Ya'u mabbatti'a apa apan sarun mariaddi. Manga wisara-U: Putusang-Ku sarun maola'a, apulu-U sarun Ta'u olaanna!

YEREMIA 23:32

I Ya'u, Mawu, sarun mando'appa manga nabi apan mammasingkattu manga wal᷊iawane apan napenen awusu. I mangitou mangngal᷊iwun uma-U ringannu awusu wuṛṛu wawahia mangitou. I Ya'u tawe nandolokku manga nabi udde. I mangitou mangke tawe gunane su uma-U. I Ya'u, Mawu, buatte nabbisara.”

DANIEL 4:35

Manga walahanna su runia tawe gunane. Ruata uataṛṛino mala'ekatta su surga wuṛṛu tumana'u runia. Tawe saran sangkatou apan maal᷊awangnga apulu-Ne, taweddu waṛṛani mamasingkattu apa apan niolang-Nge.”

ROMA 9:15

Ana waugu Ruata nabbisara si Musa, “I Ya'u sarun mapaal᷊iatta'u al᷊amatta su taumata apan i Ya'u maapulu mangal᷊amatta, i Ya'u sarun mapaal᷊iatta'u darangngu-U su taumata arangnguang-Ku.”

EFESUS 1:11

Ruata mammanara al᷊awo'a tumuṛṛuttu apulu-Ne wuṛṛu ṛaṛṛawen-Ne sassane. Ro'en paarorone i Tou buatte namile si ite, ana waugu i Tou maapulu tadea'u i ite maola'a al᷊aṛṛanang-Nge ana waugu uaaukka ringanni Kristus.