LAL᷊ALLU 3:26 - WUKE SUSI WATTI'U AL᷊AL᷊USASSA

²⁶ Nariaddi, mappianne i ite mallaṛṛado ringannu matammudda ma'oman sara Mawu rumanta mangonggollu aontolla;

LAL᷊ALLU 3:26 Iomraidhean Croise

PANDARIADDI 49:18

Oh Mawu, asasal᷊amatta apan buatte nianggola, ete udde ta'u raṛṛaddoanna.

2 TAWARIKH 20:17

I yamiu salaiwe lasa'e mapapangalo sulal᷊ummu pangalo indi. Inaite watukku tampa apan buatte nitantunna si yamiu wuṛṛu pallaṛaddote isudde. I yamiu sarun maasilo Mawu mangonggolu auntunganna si yamiu. Ei tumana'u Yehuda wuṛṛu Yerusalem, arie passinggawanga ara'e mata'utta. Suttate sulal᷊ummu pangalo udde, Mawu sarun mantul᷊ungngi yamiu!”

DARALO 119:166

I ya'u uaṛṛaddo asasal᷊amatta wuas-Si'o, Mawu, manga parenta-Nu ta'u tattuṛṛutanna.

DARALO 119:174

Naungku luṛṛintulun al᷊amatta wuas-Si'o, tita-Nu maal᷊uassa naungku.

DARALO 130:5

I ya'u uaṛṛaddo sasumbalan Mawu, paaire-Ne ta'u aantimanna.

DARALO 37:34

Pangantimpe su Mawu wuṛṛu paatuṛṛutte parenta-Ne, ne i Tou mamatunna si'o iapatahuanna leta'a udde; i'o sarun maasilo taumata lal᷊eo ṛaddaanna.

DARALO 37:7

Ṛaddoite Mawu ringannu naungnga matammuda, ṛaddoite ringannu asasabare ma'oman sara i Tou mammanara. Arie suminggawanga su taumata apan napantaingu wiakke, ara'e iapa manarane mammahia.

DARALO 52:9

“Eteudde taumatane apan tawe mattillumma su Ruata, arawe uaantimma paa'ala apan manambo wuṛṛu maddea'a atatammuda su darotongnga niaṛṛone.”

DARALO 54:6

Arawe Ruata uddewe matatul᷊ungku; Mawu uddewe mananahe'u.

DARALO 62:2

Ringannu matammuda niawa'u uaṛṛaddo Ruata, tumba'u wuassi Tou sassane asasal᷊ama'u.

DARALO 73:28

Arawe si ya'u tumaniten mapia maranin Duata, Mawu Ruata ta'u niola'a tampa pattillummangku, tadea'u i ya'u wotongnge mamasingkattu al᷊awo'u inolaan-Ne.

DARALO 92:1

Aantarin Allon Sabat.

SASABANGNGA 14:13

I Musa sinumimbakka, “Arie pa'ata'utta! Paataṛṛange! I yamiu sarun maasilo apa inolaannu Mawu ipanal᷊amatta si yamiu. Taumata Mesir apan niasiloanni yamiu orassa indi, tate asiloanni yamiu apia.

SASABANGNGA 14:14

Mawu sarun manahekki yamiu, wuṛṛu i yamiu manin tawe ma'ola'a apa-apa.”

YESAYA 30:15

Mawu Apan Atanggaṛṛanne, Ruata susin Israel, nabbisara uman-Ne, “Awal᷊ute wuṛṛu paatammudda, ne i yamiu sarun iapasal᷊amatta. Pangimante si Ya'u ringannu naungnga apan matana'a, ne i yamiu sarun tohasang-Ku.” Arawe i yamiu maddiri!

YESAYA 30:7

Tul᷊ungannu Mesir naola'a tawe gunane. Ana waugu udde Mesir nisaggo, ‘Naga apan tawe maasilaka.’ ”

YESAYA 7:4

Wal᷊oa'e su ratu manungku i tou ṛinone uasaddia, arawe sidutu paatammudda. I tou tawe wotongnge mata'utta ara'e umal᷊iwu. Aasa'un Ratu Pekah wuṛṛu Ratu Rezin ringannu tantarane manga taumatan Siria udde, tawe tumaniten maasilaka wuassu ruan bua anutungnga pia timbulle.

YEREMIA 14:22

Manga mongannu manga walahanna tawe mapanossokku uranna su runia. Langitta lai tawe wotongnge manossokku uranna ringannu taṛṛinone sassane. Tumba'u ete I'o aantimanni yami. I'o na'ola'a sarangkanambone udde nariaddi.

LAL᷊ALLU 3:27

mappianne i ite massal᷊umma maola'a maaddunna sutempo ta'e saṛṛen tumuwo.

HABAKUK 2:3

Woṛṛeta'e udde ana waugu orassa indi taambe tempone. Arawe tempone udde sarun dumanta, wuṛṛu apa apan Ta'u niapasingkatta si'o mariaddi. Salaiwe pemdamanna ta'e mal᷊annu, arawe paṛṛaddote! Tempo udde sarun dumanta wuṛṛu tawe iasoṛṛota.

GALATIA 4:18

Atonna mapia amungkangngu maṛṛimada su anambon inolaanna apan mapia, sambal᷊iate sidutu aroddi wuṛṛu arie tumba'u amungkangngu i ya'u su sambau ringanni yamiu.

IBRANI 10:35

Ana waugu udde, arie naungnga maadio'a, ana waugu amungkangu i yamiu sidutu mangngimanna, ne pia lal᷊antakke apan bahewalla su inolaannu udde!

IBRANI 3:14

I ite sarangkanambone uddewe sanggaweanna sulal᷊ummu manara ringanni Kristus, sawal᷊iate saran pangudusanne i ite uaaggasa pangangimanna apan tatahuananni ite ro'en paarorone.

1 PETRUS 1:13

Ana waugu udde, ṛinone i yamiu sidutu uariaga. Paatehamma wuṛṛu pangantimpe atonna-tonna su al᷊amatta apan sarun ionggola si yamiu su tempo Mawu Yesus rumanta apia.