LAL᷊ALLU 3:22 - WUKE SUSI WATTI'U AL᷊AL᷊USASSA

²² Tatal᷊antuppu Mawu uatatana'a sarangkal᷊o'enge, darangngu-Ne tawe masue,

LAL᷊ALLU 3:22 Iomraidhean Croise

2 SAMUEL 24:14

I Daud sinumimbakka, “Uare! Nasilakate i ya'u! Arawe wuassu i ya'u iṛṛuumannu taumata, mappianne i ite sarangkanambone iṛṛuumannu Mawu, ana waugu wahewalla darangngu-Ne.”

NEHEMIA 9:31

Arawe ana waugu darangngu-Nu tumaniten bahewalla, I'o tawe nanantangnga ara'e nakkimunsa'a si mangitou. Atonna, ete I'o Ruata apan taweddu panumandinganne; tumaniten bahewalla aakkan-Nu, napenen darangngu!

DARALO 103:10

I Tou tawe makkuumanni ite uasul᷊ungu rosan kite, ara'e mabbal᷊issa si ite uasul᷊ungu pasasal᷊an kite.

DARALO 106:45

Ana waugu i mangitou i Tou naanaungnga paaire-Ne wuṛṛu niumakkanni mangitou ana waugu darangngu-Ne apan wahewalla.

DARALO 69:17

Simbaṛṛewe i ya'u, oh Mawu, ana waugu I'o mapia wuṛṛu sidutu marangngu. Saileiwe i ya'u ana waugu wahewalle darangngu-Nu.

DARALO 77:8

“Saran mal᷊annu-l᷊annu Mawu manol᷊a'a wuṛṛu tate mandangngu si ya'u?

DARALO 78:38

Arawe Ruata mandangngu wuṛṛu nangampunga al᷊aṛṛanang-Nge, wuṛṛu tawe namate si mangitou. Masokka-sokka i Tou maṛṛaddannu asasa'u-Ne, wuṛṛu tawe mapasabbangu naung-Nge lal᷊eo.

DARALO 86:15

Arawe I'o, oh Mawu, Ruata marangngu wuṛṛu maakkanna, masabbare, napenen darangngu wuṛṛu tatuṛutta.

YEREMIA 3:12

Mawu nandolo'u inai mamasingkattu olangnge indi su Israel: “Ei Israel apan mal᷊awangnga, pabbelengke ringang-Ku! I Ya'u napenen aakkanna wuṛṛu mangke sidutu massa'u si yamiu.

YEREMIA 30:11

I Ya'u sarun dumanta wuṛṛu i yamiu Ta'u iapaasal᷊amatta. Manga walahanna, su tampa i yamiu Ta'u nisal᷊iawukka sarangkanambone sarun Ta'u pateanna, arawe i yamiu tawe Ta'u olaanna aroddi. Atonna i yamiu tawe maal᷊iu wuassu ṛuumanna arawe ṛuumang-Ku si yamiu udde matul᷊idda uasul᷊ungngu atoranna. I Ya'u, Mawu, buatte nabbisara.”

YEREMIA 31:20

Israel, i'o ana'a arangnguang-Ku, ana'a iaakkanna, tatuno naung-Ku. Suapawe i Ya'u mamakkamma si'o i Ya'u sidutu uanaungnga si'o ringannu ṛintulu. I'o sarun Ta'u olaanna ringannu ahewallu tatal᷊antuppa.

DANIEL 9:9

I'o napenen pangangampunga wuṛṛu darangngu, salaiwe i yami buatte nilumawangnga Si'o.

MALEAKHI 3:6

“Ete i Ya'u Mawu, wuṛṛu i Ya'u tawe mawalu. Ana waugu udde i yamiu, papapulunni Yakub, tawe pateanna.

LUKAS 1:50

Papapulunna sansunannu papapulunna Mawu napaal᷊iatta'u darangngu-Ne su taumata apan matta'un-Ne.