LAL᷊ALLU 2:8 - WUKE SUSI WATTI'U AL᷊AL᷊USASSA

⁸ Mawu buatte nakkawessa manungku manga darandungngu Sion ṛinone iṛṛa'a. Manga darandungnga udde buatte niuuṛṛan-Ne, tadea'u sarangkanambone wotongnge iṛṛa'a-Ne. Manga darandungnga wuṛṛu manga candi, orassa indi nabbal᷊ite tuidda abbi.

LAL᷊ALLU 2:8 Iomraidhean Croise

2 SAMUEL 8:2

I Daud lai namaddon taumatan Moab. I tou nandolokki mangitou iapal᷊allowanga su leta'a, ana see i tou namate ruan katou suwallattu suapan siri tallu su atoune. Nariaddi, taumatan Moab nassuṛṛubbawa si Daud wuṛṛu mammaekka wose si tou.

2 MARARATU 21:13

Yerusalem sarun Ta'u iṛṛuumanna ere lai Ya'u nakkuumannu Samaria wuṛṛu i Ahab ratun Israel see lai papapulunne. Yerusalem sarun Ta'u waresianna ere lama'a apan buatte niukkassa wuṛṛu nilaabba.

AYUB 13:21

illol᷊oa'e manansara si ya'u, wuṛṛu ariewe i ya'u mandantan araṛṛagin-Nu si ya'u!

YESAYA 22:5

Atonna, Mawu Apan Lembonmatanggakka wuṛṛu Lembontaṛṛino buatte nanantunnu allo indi maola'a allon patatiakka, atata'utta wuṛṛu pabbawawul᷊o su Wawal᷊annu Sondappa. Manga tanda'u watun soa buatte niṛṛa'a. Aintul᷊i ma'iontolla nunnalunna su manga wuidda.

YESAYA 28:17

Atatul᷊idda Ta'u olaanna tal᷊i auukka, wuṛṛu apapia Ta'u olaanna tal᷊in passaranna.” Uranna watu sarun mamaresi anambon bawahia apan pangngartimanna ara'e ia'asakki yamiu. Manawangnga sarun mangonoddu tampa pa'imbuniannu.

YESAYA 3:26

Su manga pasallangannu soa taumata sarun lumal᷊o wuṛṛu lumuai, wuṛṛu soa udde sassane sarun maola'a ere wawine apan nitantol᷊ete wuṛṛu ua'ianna su leta'a.

YESAYA 34:11

Manu'a tamingnga wuṛṛu landak sarun mamanua isudde, mammeo wuṛṛu gagak sarun matana'a poiaroddi. Mawu sarun ma'ola'a leta'a udde al᷊iba'ukka wuṛṛu tawe loṛṛone ere taambe niriaddi paarorone.

YESAYA 5:5

Arendi Ta'u paddul᷊iananna waillu anggore-U udde: Paggalla apan uapal᷊iwutta sarun Ta'u sawutanna, tanda'a apan ual᷊indumma wailla udde sarun Ta'u iṛṛa'a, ana see Ta'u iwala winatangnga mal᷊aṛṛaga mandusa wuṛṛu makkinda wailla udde.

YEREMIA 14:2

“Yehuda naungnge massusa manga soane maranite mate. Manga taumatane ual᷊allowangnga su leta'a wuṛṛu sussal᷊iomanna. Yerusalem mangngintul᷊i ma'iontolla.

YEREMIA 5:10

I Ya'u sarun mandolokku seetta inai iapahohakku waillu anggori mangitou, arawe wal᷊ine iapaamussa abbi. I Ya'u sarun mandolokku seetta udde mamaresi manga rannan anggori mangitou, ana waugu manga ranna udde wal᷊ine pussa'a-U.

YEREMIA 52:13

I Nebuzaradan nanoṛṛobba Wal᷊e Mawu, wal᷊en araratuannu ratu, wuṛṛu anambon bal᷊en taumata mapiane su soan Yerusalem.

LAL᷊ALLU 2:17

Mawu buatte napaamattu wawansa-Nge apan dorone niṛṛiinna wuṛṛu niapanaung-Nge si ite. I ite niṛṛimunsa-Ne ringannu tawe aakkanna, seetta nionggol᷊an-Ne auntunganna. I Tou na'ola'a si mangitou lulluassa naasilo ananawon kite.

LAL᷊ALLU 2:18

Ei manga darandungngu Yerusalem, sal᷊andete su Mawu! Paturoa'e allon mata ere sal᷊ukka apan mangngelekka allo ṛabbi. Lalluaite sidutu, arie pangillol᷊o ma'oman sara watangannu mallome!

LAL᷊ALLU 2:2

Suapan wadda'u nannal᷊o su wanua Yehuda, nihohakku Mawu ringannu tawe napau. Sulal᷊ummu asasa'u-Ne i Tou namela'a sara naṛṛa'a manga tanda'a watu apan ual᷊indumma wanua udde. Araratuanna udde suadio'a ringannu manga piaṛṛangnge niemang-Nge na'oman sara nabbal᷊i addio'a.

LAL᷊ALLU 2:5

Mawu nabbal᷊i ere seetta; i Tou namuulla Israel sara naṛṛa'a. I tou nakkimunsa'a manga tanda'a watu wuṛṛu wal᷊en araratuanna, wuṛṛu nanamba asasusa su tumana'u Yehuda.

YEHEZKIEL 20:22

Arawe i Ya'u tawe na'ola'a tadea'u arang-Ku tawe lobbosannu manga walahanna apan naasilo si Ya'u nangapiddu Israel sinumabbangnga wuassu Mesir.