LAL᷊ALLU 2:6 - WUKE SUSI WATTI'U AL᷊AL᷊USASSA

⁶ I Tou nakkimunsa'a wal᷊e-Ne tampan uman-Ne maammulla massubba si Tou. I Tou na'ola'a taumata maabul᷊i Sabat wuṛṛu manga allo wahewalla. Ana waugu Mawu lembon nasa'u, imam wuṛṛu ratu buatte nitol᷊ang-Ne.

LAL᷊ALLU 2:6 Iomraidhean Croise

DARALO 74:7

I mangitou nanoṛṛobba Wal᷊en-Nu na'oman sara nasue; wuṛṛu nandal᷊eo tampa passubbanna Si'o.

DARALO 76:2

Ruata tinumelengnga su Yehuda; aran-Ne niasingkatanna su Israel.

DARALO 80:12

Rannane uatondo naddatingngu Tahal᷊oangnga Tangngane, manga lal᷊uwone naddatingngu Sal᷊ukku Efrat.

DARALO 89:40

Tawe naasassu paaire-Nu su allang-Ngu, araposan araratuanne niramme-Nu sulal᷊ummu labbo.

YESAYA 1:13

Tawe gunane i yamiu mangapiddu sasambanu udde. Hal᷊urune maamuta si Ya'u. Ya'u maddantinna wuṛṛu tawe maataṛṛangnga ma'ellega si yamiu maddamean Bulanna Wakku, manga allon Sabat wuṛṛu manga allo wahewalla see lai manga pasasomban patataṛṛamawu. Sarangkanambone udde nil᷊al᷊eo manga rosanu wuṛṛu naola'a winabbawa-U; i Ya'u nallomete uapasanna.

YESAYA 1:8

Tumba'u Yerusalem nallambe, arawe naola'a soa apan lal᷊iwunanna wuṛṛu tate maa'al᷊iore, naal᷊ihidda rasanna su waillu anggore ara'e sambengessa su waillu katimu.

YESAYA 43:28

manga imammu buatte nandal᷊eo Wal᷊e-U. Ne Israel Ta'u itantilla iapal᷊obbossa, papapulunni Yakub Ta'u iwala ṛaddaanna.”

YESAYA 5:5

Arendi Ta'u paddul᷊iananna waillu anggore-U udde: Paggalla apan uapal᷊iwutta sarun Ta'u sawutanna, tanda'a apan ual᷊indumma wailla udde sarun Ta'u iṛṛa'a, ana see Ta'u iwala winatangnga mal᷊aṛṛaga mandusa wuṛṛu makkinda wailla udde.

YESAYA 5:6

I Ya'u sarun mamalane tuwoannu ahuranganna waine. Punnu anggorene tawe Ta'u tontoanna, wuṛṛu tawe Ta'u wabbasanna. Ewe'e Ta'u iwala tataapannu ahuranganna ṛoaanna wuṛṛu nannal᷊o, ewe'e lai manga winabbawa Ta'u isingadda mangema'u uranna su wailla udde.”

YESAYA 63:18

Anio niwala-Nu seetta mangke makkinda Wal᷊en-Nu, wuṛṛu manga taumata mandal᷊eo wuid-Du apan susi?

YESAYA 64:11

Wal᷊en Duata apan susi wuṛṛu mawantuga tampan al᷊amonan kami maddalo Si'o, buatte niepoddu putungnga; anambon tampa apan ipa'apulung kami naola'e winalal᷊anna.

YEREMIA 17:27

Sarangkanambone udde sarun matipussa napawe i yamiu matuṛṛutta si Ya'u wuṛṛu maṛṛaen allon Sabatta udde si Ya'u. Arie mamasanna saran sambau saranapa umamattu ngara pasallangannu Yerusalem su allo udde. Amungkangngu i yamiu lumawangnga manga parenta-U, manga ngara pasallangannu Yerusalem see manga wal᷊en araratuanne sarun Ta'u soṛṛowannu putungnga ma'oman sara masue wuṛṛu udde tawe iapaddumma.’ ”

YEREMIA 42:18

Su ereapa i Ya'u, Mawu Ruatan Israel napasabbangngu asasa'u wuṛṛu araṛṛagi-U su tumana'u Yerusalem, aroddi lai Ya'u mapasabbangngu araṛṛagi-Ku si yamiu apan inai watukku Mesir. Taumata sarun marantinna maasilo si yamiu; i yamiu sarun heloanna, wuṛṛu arannu tate ipaatta maola'a wawontoga. I yamiu tate maasilo apia leta'a niariaddiannu indi.”

YEREMIA 45:4

Ei Barukh! I Ya'u, Mawu, tantal᷊anna mapaṛṛa'an saranapa apan i Ya'u niaparisikka, wuṛṛu tantal᷊anna mangngabutta sasuanna apan Ta'u nisuanna. Ahewallu runia Ta'u olaanna aroddi abbi.

YEREMIA 50:28

Manga taumata apan tinumal᷊angnga watukku Yerusalem wuassu Babel mabbatti'a ereapa Mawu Ruatang kite mabbal᷊issa inolaannu taumatan Babel su Wal᷊en Babel.)

LAL᷊ALLU 1:4

Su manga allo wahewalla tawe saran sangkatou apan nirumanta su Wal᷊en Duata. Manga maṛṛuala mangangantari poiaroddi uatataṛṛanga susa, wuṛṛu manga imam sussal᷊ande. Tawe taumata su manga ngara wahewalla, Soa Sion papal᷊iwutannu asasusa.

LAL᷊ALLU 4:16

Mawu tate lai mannaungnga uman-Ne; i Tou sassane apan nanal᷊iawukki mangitou wuṛṛu na'ola'a manga imam tate lai iaregga; manga piaṛṛangnge tateddu umakkanna.

LAL᷊ALLU 4:20

I mangitou nanametta ratu nipilen Mawu, taumata apan iaasakki yami apan mangngonggollu wiakka wuṛṛu mallal᷊indumma wuassu seetta.

LAL᷊ALLU 5:12

Manga piaṛṛa'i yami nisametta wuṛṛu nihantonga, manga matatimmadi yami tate lai addatanna.

YEHEZKIEL 17:18

Ana waugu i tou buatte nilumawangnga sasalu wuṛṛu paairene, i tou tawe maatal᷊angngu watanganne.

IMAMATTA 26:31

manga soanu sarun Ta'u wal᷊uanna mabbal᷊i tuidda, manga tampa patataṛamawuannu Ta'u ṛimunsaanna wuṛṛu manga sasambanu tawe Ta'u seengkamanna.

ZEFANYA 3:18

Naal᷊ihidda taumata apan tantal᷊anna maandeangnga.” Unnu Mawu, “Asasilaka apan maṛṛia'a si yamiu Ta'u iapaarau. Paasiangngu buatte Ta'u nipapassa.

MALEAKHI 2:9

Ne i Ya'u sarun ma'ola'a si yamiu aaddio'annu umattu Israel ana waugu i yamiu tawe tumuṛṛutta apulu-U, wuṛṛu ana waugu i yamiu naṛṛaen taumata sutempo mannantiro uma-U.”