LAL᷊ALLU 2:4 - WUKE SUSI WATTI'U AL᷊AL᷊USASSA

⁴ Naal᷊ihidda seetta, i Tou nangannatta darangean-Ne wuṛṛu nantarangngu anaan-Ne si ite. Anambon taumata apan maal᷊uassa naungngi ite, nasue nipate-Ne. I Tou nanossokku asasa'u-Ne ere putungnga sulal᷊ummu soa Yerusalem indi.

LAL᷊ALLU 2:4 Iomraidhean Croise

2 TAWARIKH 34:21

“I yamiu roote paiwal᷊o Mawu, su ola'u i ya'u wuṛṛu manga taumata apan ta'e uatana'a su Israel wuṛṛu Yehuda su ola'u lal᷊oṛṛon buke indi. Mawu nasa'u si ite ana waugu al᷊amonan kite tawe napaamattu manga parenta apan uawoṛṛetta sulal᷊umme.”

2 TAWARIKH 34:25

I mangitou buatte nanantang-Ku wuṛṛu nangonggolu sasamba su manga mawu waine. Sarangkanambone apan buatte niola'i mangitou mangke naasa'u si Ya'u. I Ya'u nasa'u su Yerusalem, wuṛṛu asasa'u-U tawe umompo'a.

AYUB 19:11

Asasa'un Duata si ya'u mangke lukkenggamma; i ya'u aellehan-Ne ere seen-Ne.

AYUB 6:4

Anaanna wuassu Apan Lembontaṛṛino nallappassa su wadangku; pasangkadde niumalinna su ahewallu wadangku wuṛṛu ṛimuu'u. Al᷊aṛṛaubbu Ruata mangke maata'utta, wuṛṛu mammangalo si ya'u naal᷊ihidda ammul᷊annu seetta.

DARALO 37:14

Taumata lal᷊eo mannawutta hal᷊ele wuṛṛu mammiti'u anaanna ipamate taumata asiangnga wuṛṛu su awussa, ipakkata taumata apan mabbiakka matul᷊idda.

DARALO 7:13

Amungkangu pallal᷊aghun mangitou tawe mawal᷊u, I Tou uasaddiate ringannu ahidda apan maapate. I Tou nangagassa hal᷊el᷊e-Ne wuṛṛu nangannata al᷊ati'an-Ne, ana see namiti'u manga anaan-Ne apan pia putungnge.

YESAYA 42:25

Ne i Tou na'ola'a si ite maapendamma asasa'u-Ne apan bahewalla, wuṛṛu uatataṛṛangnga susa ana waugu pangalo apan masaddatta. Asasa'u-Ne mannoṛṛobba su Israel naal᷊ihidda putungnga, arawe i ite tawe maatutukka, wuṛṛu tawe mapangurumma wuassu ola'u pabbiaṛṛanni ite.

YESAYA 63:10

Arawe i mangitou nilumawangnga wuṛṛu napaasusan naungngu Mawu. Ne i Tou nawal᷊elongnga naola'a seetti mangitou i Tou sassane napapangalo nando'appa si mangitou.

YESAYA 63:6

Sulal᷊ummu asasa'u-U apan lukkenggamma, Ta'u niṛṛinda manga walahanna; Ta'u niṛṛadda'a i mangitou, wuṛṛu daṛṛa mangitou Ta'u niwoso su leta'a.”

YEREMIA 10:20

Rasanni yami nahohakka, manga tal᷊ine nabassutta abbi. Tateddu lai apan botongnge mapararisikku rasanna wuṛṛu mangele manga mal᷊aṛṛenenge, ana waugu al᷊aṛṛana'a inaite aroddi.”

YEREMIA 21:5

I Ya'u sassane sarun mamangalo si yamiu ringannu ahewallu auatanna ringannu asasa'u apan nangillembo.

YEREMIA 30:14

Anambon hawenu arangnguannu naabul᷊inute; i mangitou maddirite maṛṛingiddu watangannu. Naal᷊ihidda seetta i Ya'u buatte namangalo wuṛṛu nakkuumanni yamiu ringannu maṛṛagissa, ana waugu tumanite manambo rosanu wuṛṛu wahewalla pasasal᷊anu.

YEREMIA 36:7

Asinungka ana waugu udde i mangitou sarun umal᷊iomanna su Mawu, wuṛṛu mawal᷊u wuassu manga inolaanni mangitou apan dal᷊eo. Mawu mangke nasa'u atonna si mangitou wuṛṛu mammansaggi mangitou.”

YEREMIA 4:4

Agasse pa'airenu si Ya'u, Mawunu, wuṛṛu ṛaea'e watangannu tumba'u huna-U, ei tumana'u Yehuda wuṛṛu Yerusalem. Amungkangngu tawe, ne asasa'u-U sarun ṛumopa wuṛṛu manoṛṛobba ere putungnga apan tawe iapaddummu isai-sai. Sarangkanambone udde sarun maṛṛia'a su watangannu ana waugu manga inolaannu apan dal᷊eo.”

YEREMIA 42:18

Su ereapa i Ya'u, Mawu Ruatan Israel napasabbangngu asasa'u wuṛṛu araṛṛagi-U su tumana'u Yerusalem, aroddi lai Ya'u mapasabbangngu araṛṛagi-Ku si yamiu apan inai watukku Mesir. Taumata sarun marantinna maasilo si yamiu; i yamiu sarun heloanna, wuṛṛu arannu tate ipaatta maola'a wawontoga. I yamiu tate maasilo apia leta'a niariaddiannu indi.”

YEREMIA 7:20

I Ya'u, Mawu Apan Atanggaṛṛanne, sarun mangema'u asasa'u-U apan bahewalla su wal᷊en patataṛṛamawuanna indi, su taumata wuṛṛu su winatangnga, see lai su manga aaluanna wuṛṛu hessin bawail᷊anna. Asasa'u-U sarun ṛumenggamma ere putungnga apan tawe iapaddumma.”

LAL᷊ALLU 1:13

Wuassu langitta i Tou nanossokku putungnga apan manoṛṛoba sara lal᷊ummu naungku. I Tou nantaingngu sedda su saruangku na'oman sara i ya'u nul᷊ussa. Ana see niwala-Ne i ya'u sassane uatataṛṛangnga su al᷊o'engngu allo.

LAL᷊ALLU 2:5

Mawu nabbal᷊i ere seetta; i Tou namuulla Israel sara naṛṛa'a. I tou nakkimunsa'a manga tanda'a watu wuṛṛu wal᷊en araratuanna, wuṛṛu nanamba asasusa su tumana'u Yehuda.

LAL᷊ALLU 3:3

I ya'u nipuulla masokka-sokka, ringannu tawe aakkanna su al᷊o'engngu allo.

LAL᷊ALLU 4:1

Wul᷊awanna apan lullendappa naola'e mawol᷊a manga watun Wal᷊en Duata uasal᷊iawukka su lal᷊anna.

LAL᷊ALLU 4:11

Mawu napasabbangngu asasa'u-Ne wuṛṛu nanoṛṛobba Soa Sion na'oman sara naddatakku leta'a.

YEHEZKIEL 13:13

Mawu Apan Atanggaṛṛanne nabbisara, “Sulal᷊ummu asasa'u-U, i Ya'u sarun mandatan anginna wahewalla, uranna masaddatta wuṛṛu uranna eisse ipakkimunsa'a darandungnga udde.

YEHEZKIEL 22:22

Naal᷊ihidda sal᷊a'a nionossa su sunggilla, aroddi lai i mangitou sarun ionossa su Yerusalem. Ne i mangitou maasingkatte manungku i Ya'u, Mawu, buatte namallossu asasa'u-U si mangitou.”

YEHEZKIEL 24:25

Mawu nabbisara si ya'u, “Ne, taumata apan mattate, sarun Ta'u anuanna wuassi mangitou Wal᷊e-U apan matohassa udde, apan buatte naola'a ilalluassa wuṛṛu ilallala'i mangitou, wuṛṛu apan a'ellehanna wuṛṛu tattemboanni mangitou ringannu al᷊al᷊uassu naungnga. See i Ya'u sarun manganu al᷊aṛṛana'i mangitou.

YEHEZKIEL 36:18

Ta'u niapasabbanga asasa'u-U si mangitou ana waugu i mangitou buatte na'ola'a manambo pamamate su leta'a udde wuṛṛu nandal᷊eo ringannu massubba manga paal᷊uanni mangitou.

YEHEZKIEL 5:13

I'o sarun maapendamma asadattu asasa'u wuṛṛu al᷊al᷊eo naung-Ku ma'oman sara i Ya'u mul᷊ete. Napawe sarangkanambone udde nariaddite, i'o sarun mangimanna atonna manungku i Ya'u, Mawu, buatte nabbisara si'o, ana waugu i Ya'u massa'u su ola'u lal᷊awangngu.

YEHEZKIEL 6:12

I mangitou sarangkanambone sarun maapendamma asasa'u-U somopa. Manga taumata apan marau su pamuanganna sarun rumada'a lapiddu nate; iapa marani sarun nate sulal᷊ummu pangalo, wuṛṛu lambene sarun nate amal᷊unusanna.

YEHEZKIEL 7:14

Trompetta nanuntingikka wuṛṛu anambon taumata uariahite. Arawe tawe saran sangkatou inai su tampan papangaloanna, ana waugu asasa'un Duata naṛṛia su anambon taumata.

IMAMATTA 26:17

I yamiu sarun Ta'u iṛṛuumanna, na'oman sara i yamiu lawaddon manga seennu wuṛṛu paparentannu manga taumata maddantinnu. I yamiu mabbal᷊i lembon matta'utta na'oman sara i yamiu tumal᷊angnga, salaiwe taweddu.

NAHUM 1:2

Mawu Ruata maddiri uatahuanna ro'appa, taumata apan lumawangnga si Tou, sarun maasomba ṛuumanna. Ringannu tumaniten nasa'u, i Tou nabbal᷊issa al᷊al᷊eon naungnga si mangitou.

NAHUM 1:6

Isai wotongnge maataṛṛangnga amungkangngu Mawu masa'u? Taweddu maatal᷊angnga wuassu asasa'u-Ne? I Tou napaasabbangngu asasa'u-Ne apan lukkenggamma watu naṛṛimunsa'a wuṛṛu nabbal᷊i awu su saruan-Ne.

TAHIUL᷊E 32:22

Asasa'u-U sarun sumawudda naal᷊ihidda putungnga apan nanoṛṛobba naddatingngu runian taumata nate. Putungnga udde nanutungnga runia wuṛṛu al᷊awo'u lal᷊oṛṛone, wuṛṛu manga wowone na'oman sara manga ṛamunne.

1 SAMUEL 28:16

Ana see i Samuel nabbisara, “Apa hunane ya'u niwagoannu see Mawu buatte nanantangngu wuṛṛu naola'a seennu?