LAL᷊ALLU 2:20 - WUKE SUSI WATTI'U AL᷊AL᷊USASSA

²⁰ Mawu, ellehete wuṛṛu panutukke i mangitou apan sassansaran-Nu udde! Apa piaddu suete apan niolang-Ngu aroddi? Inangnga niuminassa anangne sidutu apan arangnguanna, imam wuṛṛu nabi nipate sulal᷊ummu Wal᷊en-Nu apan susi.

LAL᷊ALLU 2:20 Iomraidhean Croise

2 TAWARIKH 36:17

Mawu nangal᷊oren naungngu ratun Babel tadea'u mamangalo si mangitou. Ratu udde namate taumatan Yehuda apan ta'e saṛṛen tumuwo, nasutta lai i mangitou isudde su Wal᷊en Mawu. I Tou niumakkannu saran sangkatou, mawae ete timmadde ara'e dario'a, esakka ara'e wawine, mapia ara'e maradda'a. I mangitou sarangkanambone tinatillu Ruata su ratun Babel.

DARALO 78:64

Manga imammi mangitou nipaten hal᷊ele, manga inawal᷊uanni mangitou tawe maal᷊uai.

SASABANGNGA 32:11

I Musa sinumal᷊ande Ruatane, wisarane, “Mawu, anio I'o ṛinone ma'ola'a aroddi si mangitou? Wal᷊inewe I'o buatte nanal᷊amatta si mangitou wuassu Mesir ringannu taṛṛino wuṛṛu atatohassa apan bahewalla?

YESAYA 22:2

Tawe ṛinone ahewallu soa maandeangnga wuṛṛu u'uin al᷊al᷊uassa. Ana waugu manga taumatan pangalonu apan nate sulal᷊ummu pangalo indi wal᷊ine nate ana waugu napapangalo.

YEREMIA 19:9

Seetta sarun maaliwunna soa indi, wuṛṛu maddea'a mamate tumanangnge. Patatalliwunna udde aroddi ahewalle, na'oman sara manga taumata sulal᷊ummu soa indi uaa'inassa hawene, ewe'e lai manga ana'i mangitou sassane.”

YEREMIA 21:7

I'o wuṛṛu manga mammamanaran araratuannu see manga taumata apan naatal᷊angnga wuassu pangalo, ṛutumma wuṛṛu al᷊aṛṛusa'itta, sarangkanambone sarun Ta'u iwala sametanni Ratu Nebukadnezar wuṛṛu manga seetta apan mappulu mamate si yamiu. I Nebukadnezar sarun mamate si yamiu sarangkanambone ringannu tawe ampungnge wuṛṛu tawe aakanne. I Ya'u, Mawu, buatte nabbisara.”

YEREMIA 5:31

manga nabi mangngawusu, manga imam mangngimbe tumuṛṛuttu apulun naungnge sassane wuṛṛu i yamiu uma-U mappulun inolaanna udde. Arawe apa apan sarun olaanni yamiu napawe nia'omante allo panginsueanne?”

LAL᷊ALLU 1:19

I ya'u namaggo manga hawe'u ate arawe i mangitou namontol᷊osanna si ya'u. Manga imam wuṛṛu piaṛṛa'u walahanna sarangkanambone natete su manga lal᷊annu soa. Sutempo maddea'a wiakka ipandalukka niawa.

LAL᷊ALLU 4:10

Tumaniten bahewalla asasilaka udde apan naṛṛia'a su uma'u na'oman sara manga inangnga apan masaṛṛionto'a nantunnu anangnge su urinna ipalloṛṛo tianna.

LAL᷊ALLU 4:13

Arawe olangnge udde nariaddite, ana waugu rosan manga imam wuṛṛu nabi. I mangitou buatte napatuṛṛon daṛṛa, wuassu taumata apan tawe sal᷊ane.

LAL᷊ALLU 4:16

Mawu tate lai mannaungnga uman-Ne; i Tou sassane apan nanal᷊iawukki mangitou wuṛṛu na'ola'a manga imam tate lai iaregga; manga piaṛṛangnge tateddu umakkanna.

YEHEZKIEL 5:10

Timmadde sarun uminassa anangnge sassane wuṛṛu ana'a sarun uminassa hagurangnge. Etearoddi i mangitou sarun Ta'u iṛṛuumanna, wuṛṛu iapa ta'e wiakka Ta'u isal᷊iawukka su al᷊awo'u tampa.

YEHEZKIEL 9:7

Ruata nabbisara si mangitou, “Luhurete Wal᷊e-U indi! Penete manga rallake ringannu manga winal᷊unanna. Panattakke!” Ne i mangitou mannattakke mammate manga taumata sulal᷊ummu soa.

IMAMATTA 26:29

I yamiu sarun amal᷊unusanna, na'oman sara uminassa manga anangu sassane.

TAHIUL᷊E 9:26

wuṛṛu niumal᷊iomanna arendi: Oh Mawu Apan Atanggaṛṛanne, ariewe mamate walahanna nipile-Ne indi, walahanna nipallossa wuṛṛu niehetta sinumabbanganga wuassu Mesir ringannu atatohassa wuṛṛu taṛṛino apan bahewalla.