LAL᷊ALLU 2:15 - WUKE SUSI WATTI'U AL᷊AL᷊USASSA

¹⁵ Anambon taumata apan sinumabbi, mangngal᷊uandaga si'o, ana waugu i'o naṛṛimunsa'e abbi. I mangitou uapapa'ilingnga wuṛṛu nabbisara, “Eteudde apan aṛṛansanganne, soa apan raddaloannu runia?”

LAL᷊ALLU 2:15 Iomraidhean Croise

2 MARARATU 19:21

Mawu nabbisara, “Soan Yerusalem lullage wuṛṛu mangngal᷊uandaga si'o, Sanherib.

2 TAWARIKH 7:21

Wal᷊en patataṛṛamawuanna orassa indi mangke aaddatanna, arawe sutempo udde suapan taumata apan sumabbi isudde sarun tumiangnga maasilo. I mangitou sarun mabbisara, ‘Anio Mawu na'ola'a aroddi su wanua wuṛṛu su wal᷊en indi?’

DARALO 109:25

Manga taumata apan naasilo si ya'u mallobbossa si ya'u lapiddu uapapa'ilingu pua.

DARALO 22:7

Arawe i ya'u indi lal᷊uati, wal᷊ine taumata, aal᷊uandahanna wuṛṛu lallobosannu awadaalla.

DARALO 48:2

Mangke mawantuge Mawu wuṛṛu lembon raddaloanna su soan Duatan kite, su wuidda apan susi.

DARALO 48:3

Sion, wuiddu Ruata matanggakka maṛṛansanga soan Ratu Mawantuga maal᷊uassa ahewallu runia.

DARALO 50:2

Wuassu Sion, soa apan aṛṛamahanne, Ruata nirumanta ringannu asasemakka.

DARALO 64:8

Arawe Ruata namiti'u anaan-Ne si mangitou, wuṛṛu inaṛombanganne i mangitou nal᷊essa.

YESAYA 28:21

Mawu sarun dumarisikka ere su Wowone Perazim. I Tou sarun mamangalo ere su Wawal᷊annu Gibeon huna mapaamattu panduman-Ne, pandumanna apan maatiangnga taumata! I Tou sarun ma'ola'a manara-Ne apan maaherangnga.

YESAYA 37:22

Mawu nabbisara, “Soan Yerusalem lullage wuṛṛu mallobbossa si'o, Sanherib!

YESAYA 64:11

Wal᷊en Duata apan susi wuṛṛu mawantuga tampan al᷊amonan kami maddalo Si'o, buatte niepoddu putungnga; anambon tampa apan ipa'apulung kami naola'e winalal᷊anna.

YEREMIA 18:16

Wanua indi buatte niola'i mangitou tampa apan maata'utta, wuṛṛu sarangkal᷊o'enge maola'a aal᷊uandaga. Sarangkanambone apan umamatta sarun mapapa'ilingngu pua ana waugu matta'utta.

YEREMIA 19:8

I Ya'u sarun maṛṛia'u asasilaka apan wahewalla su soa indi, ma'oman sara suapan taumata apan sumabbi isudde sarun ṛumindu'a wuṛṛu mata'utta.

YEREMIA 25:18

Yerusalem wuṛṛu anambon soa su Yehuda, suadio'a ringannu manga ratu wuṛṛu manga tembonannu araratuanna, Ta'u onggol᷊annu anggore udde, ma'oman sara i mangitou mabbal᷊i ere wadda'a apan mamara wuṛṛu ma'ata'utta. Naddatingngu allo indi aranni mangitou ipappaatta ipammontoga.

YEREMIA 25:9

‘I Ya'u sarun mamaggo anambon balahanna wuassu sawannakka, wuṛṛu lai allang-Ku, i Nebukadnezar ratun Babel. I mangitou sarun Ta'u parentanna iapapangalo mando'appa Yehuda wuṛṛu tumanangnge see lai al᷊awo'u walahanna maranine. Walahannu Yehuda suadio'a ringannu manga walahanna al᷊indonganne sarun Ta'u pateanna wuṛṛu Ta'u iwala maṛṛimunsa'a saran mal᷊annu-l᷊annu. Manga taumata apan naasilo udde sarun ṛumindu'a wuṛṛu maapendamma atata'utta. I Ya'u, Mawu, buatte nabbisara.

YEREMIA 26:6

Amungkangngu i yamiu sidutu uatatana'a lullawangnga, wal᷊en patataṛṛamawuanna indi sarun Ta'u olanna ere Silo, na'oman sara anambon araratuanna su runia mappaattu arannu soan Yerusalem indi maola'a wawontoga.”

YEREMIA 29:18

I mangitou sarun Ta'u enggenanna ringannu pangalo, ṛutumma, wuṛṛu al᷊aṛṛusa'itta ma'oman sara al᷊awo'u walahanna su ahewallu runia sarun maapendamma atata'utta maasilo ola'i mangitou. Sauapan tampa i Ya'u manal᷊iawukki mangitou, taumata sarun maapendamma atata'utta maasilo apa apan buatte nariaddi si mangitou. I mangitou sarun al᷊uandahanna, wuṛṛu aranni mangitou ipaatta maola'a wawontoga.

YEREMIA 48:27

Wal᷊inewe dorone taumatan Israel buatte nilaggen taumata Moab wuṛṛu ipaggahatto ereola'u i mangitou niasametta suadio'a ringannu manga taṛṛa ta'o?

YEREMIA 51:37

Wanua udde sarun maola'a wil᷊alanna, tampa pa'imbuniannu asun ahuranganna. Taumata matta'utta maasilo udde, wuṛṛu tawe saran sangkatou apan mappulu matana'a poiaroddi.

LAL᷊ALLU 1:21

O, Mawu! Daringiṛṛewe sasal᷊iomangku, taweddu malluassa si ya'u. Manga see'u lulluassa, ana waugu I'o na'ola'a si ya'u nasilaka. Rantate allo apan pina'ire-Nu udde; ola'ewe i mangitou matataṛṛangnga ere lai i ya'u.

LAL᷊ALLU 1:8

Yerusalem malluhudda watanganne sassane ringannu ma'ola'a manambo rosa apan maarantinna. Sarangkanambone apan dorone mangngaddatta si tou, orassa indi mangngal᷊uandaga ana waugu naasilo uatantol᷊ene. I tou sussal᷊iomanna, ana waugu inawul᷊ianten hatine.

LAL᷊ALLU 2:16

Anambon see'u ma'ellega hatinu ringannu maddantinna, i mangitou lullagenu wuṛṛu mammansaga. I mangitou mabbisara, “Soa udde buatte nihohakki yami! Panginsueanne nia'omante lai tempone apan mal᷊annute laṛṛaddoanni yami!”

LAL᷊ALLU 2:6

I Tou nakkimunsa'a wal᷊e-Ne tampan uman-Ne maammulla massubba si Tou. I Tou na'ola'a taumata maabul᷊i Sabat wuṛṛu manga allo wahewalla. Ana waugu Mawu lembon nasa'u, imam wuṛṛu ratu buatte nitol᷊ang-Ne.

YEHEZKIEL 16:13

Etearoddi i'o lal᷊ogaṛṛannu wul᷊awanna wuṛṛu sal᷊a'a; laungngu niola'a wuassu linen wuṛṛu sutra pia karawange. I'o wotongnge umanna roti wuassu taponna apan apianne, ringannu pul᷊a, wuṛṛu lanan zaitun. Araṛṛamagu ete nangillembo wuṛṛu i'o naola'e wo'i.

YEHEZKIEL 16:14

Anambon balahanna maddalo araṛṛamagu nasuungnga udde, wuṛṛu ete i Ya'u apan na'ola'a si'o maṛṛamaga. I Ya'u Mawu Apan Atanggaṛṛanne buatte nabbisara.

YEHEZKIEL 23:32

Mawu Apan Atanggaṛṛanne nabbisara, “Lal᷊oṛṛo mangkon iaangngu ṛinone allupannu. Mangko wahewalla wuṛṛu mal᷊al᷊umma. Lal᷊oṛṛone napenen aal᷊uandaga wuṛṛu hahelo, apan ṛinone pasannannu wuassu anambon taumata.

YEHEZKIEL 25:6

Mawu Apan Atanggaṛṛanne nabbisara, “i yamiu mattal᷊o'appa lapiddu massal᷊aingnga lulluassa. I yamiu mangngadio'a leta'u Israel.

YEHEZKIEL 5:15

Amungkangngu i Ya'u masa'u wuṛṛu mannaungnga lal᷊eo si'o see makkuumannu, anambon araratuanna uapal᷊iwutta si'o sarun maapendamma atata'utta. I mangitou sarun mangal᷊uandaga si'o wuṛṛu mammuta maasilo si'o.

DANIEL 9:16

I'o buatte nanahekki yami sutempon dorone, ana waugu udde ariete masa'u apia su Yerusalem, soa-Nu sassane, wuiddu Mawu apan susi. Ana waugu rosan kami wuṛṛu al᷊al᷊eo na iupungngu al᷊amonan kami, ne anambon taumata maranin kami mangngaddio'a Yerusalem wuṛṛu uman-Nu.

MIKHA 6:16

Sarangkanambone udde mariaddi ana waugu i yamiu tuttantalongnga manga inolaanni Ratu Omri wuṛṛu anangnge apan dal᷊eo, eteudde Ratu Ahab. I yamiu mattanno manga pallal᷊aghun mangitou. Ana waugu udde i Ya'u sarun makkimunsa'a si yamiu, wuṛṛu i yamiu sarun al᷊uandahanna wuṛṛu lobbosannu al᷊awo'u walahanna.”

NAHUM 3:19

Hal᷊isanu sarun tawe aundamanna, wuṛṛu manga lessanu tawe mapia. Anambon taumata apan naaringikka watti'u araṛṛimunsangu sarun mattal᷊o'appa lulluassa. Ana waugu anambon taumata buatte natataṛṛangnga susa ana waugu al᷊al᷊eonu apan tawe panguddusanne udde.

ZEFANYA 2:15

Ete udde apan sarun mariaddi su soa apan lullala'a udde wuṛṛu massunna watanganne mal᷊angnganne su runia. Al᷊annabbawe eteapa wageangngu leta'a udde, taweddu uatana'a tumba'u manga winatangngu ahuranganna apan massal᷊akka isudde! Suapan taumata apan sumabbi su soa udde sarun ṛuminddu'a wuṛṛu maapendamma atata'utta.

MATIUS 27:39

Manga taumata apan sinumabbi isudde mangke uapapa'ilingnga wuṛṛu mangngaddio'a Mawu Yesus.

MARKUS 15:29

Manga taumata apan sussabbi isudde mangke uapapa'ilingnga wuṛṛu manggal᷊usa'a Mawu Yesus. I mangitou nabbisara, “Ei, I'o apan manggohakku Wal᷊en Ruata wuṛṛu mapaarisikka sulal᷊ummu tallu allo.