LAL᷊ALLU 2:11 - WUKE SUSI WATTI'U AL᷊AL᷊USASSA

¹¹ Mata'u hinumanne ana waugu lulluai tawe illol᷊one, ṛimuu'u massusa tawe sumandingnge. Naungku natuno naasilo ahahohakku walahanna; naasilo al᷊aṛṛana'a see bayi ana'a maradio'a napinsanna su manga lal᷊annu soa.

LAL᷊ALLU 2:11 Iomraidhean Croise

AYUB 16:13

Ringannu tawe apendamma u'akkanna, i Tou mangke mammiti'a si ya'u, na'oman sara lal᷊oṛṛon tiangku nilumal᷊eṛṛe.

AYUB 30:27

I ya'u nihesa'u asasusa wuṛṛu al᷊al᷊eo; allo hantiannu allo manambo asasusa'u.

DARALO 119:82

Mata'u nal᷊ol᷊ote uaṛṛaddo Si'o manipussa paaire-Nu, i ya'u nabbisara, “Tingngerate I'o malluassa si ya'u?”

DARALO 22:14

I mangitou sinumaruanna si ya'u ringannu moṛṛongnga uanganga, naal᷊ihidda singa mammasingnga wuṛṛu tumambote.

DARALO 31:9

I'o tawe namala'u niasamettu seetta, arawe namala'u niumamatta ringannu mapia.

DARALO 38:8

Sal᷊iubba mannutungnga wadangku, taweddu pia lal᷊umannange su waddangku.

DARALO 6:7

I ya'u mangke nallome ana waugu sussal᷊iomanna; allo ṛabbi allon mata'u mangngelekka maṛṛolo tattereangku.

DARALO 69:3

I ya'u nal᷊ioṛṛo'a su lota apan mal᷊al᷊umma, tawe tampa pamaheṛṛanne. I ya'u nawul᷊ussa su ua'e apan mal᷊al᷊umma, nielekku lua'u ṛuabba.

YESAYA 22:4

Imbaṛṛangnga ma'innunu si ya'u; wala'e i ya'u lumuai manga taumata wuassu pabbawala'u apan natete. Arie maannamma maminalatta si ya'u.

YESAYA 38:14

Tingi'u mallannu ma'adio'a wuṛṛu massi'ome, naal᷊ihidda ana'u manu'u winalanganna i ya'u sussal᷊ande. Mata'u nal᷊otakke uatingngara langitta, Mawu, pallosa'awe i ya'u wuassu asasusa indi.

YESAYA 51:20

Suapan pentakku lal᷊anna manga taumatanu nal᷊iundu'a niasueannu ikkatta ere rusa apan nul᷊ussa su pu'itta. I mangitou naṛṛiaannu asasa'u Mawu, wuṛṛu naṛṛinoannu lal᷊imbuakku Ruatanu.

YEREMIA 14:17

I ya'u nirolokku Mawu mamasingkattu asasusa'u su uman-Ne. I ya'u ṛinone mabbisara arendi, “Wala'ewe i ya'u lumuai tawe illol᷊one, allo ṛabbi mangngelekka allom mata. Ana waugu walahangku nal᷊essa wahewalla wuṛṛu tumaniten uatataṛṛangnga.

YEREMIA 4:19

Susatewe eteapa naungku, i ya'u tate lai maataṛṛangnga su asasusa. I ya'u tawe mapaatammuddu watangangku pappuso'u ruddaddoro sulal᷊ummu ro'o, ana waugu i ya'u naaringikka tingikku trompetta wuṛṛu hahoressan pangalo pia sanseongnge.

YEREMIA 44:7

Wuṛṛu orassa indi Ya'u, Mawu Apan Lembontaṛṛino, Ruatan Israel, maiwal᷊o anio i yamiu ma'ola'a inolaanna apan maarantan asasilaka apan bahewalla su watangannu. Apa i yamiu mappulu mamate anambon taumata – esakka, wawine, al᷊aṛṛana'a, wuṛṛu ana'a ta'e addio'a – ma'oman tawe saran sangkatou wuassu walahannu apan mallambe?

YEREMIA 8:19

Paddaringikka! Su ahewallu wanua pia sanseongnga aintul᷊i lal᷊uain balahangku apan ma'iwal᷊o, “Mawu tate lai su Sion? Suapate ratune orassa indi?” Sasimbakku Mawu, ratu mangitou, “Anio i'o massubba manga monganna apan mangke tawe gunane? Anio i'o mannaddu'a naung-Ku? ringannu massubba manga paal᷊uanna?”

LAL᷊ALLU 1:11

Ringannu sussal᷊iomanna tumanangne maddea'a anna; saranapa maarega ipannal᷊iun mangitou roti, tumba'u tadea'u i mangitou sidutu wiakka wuṛṛu tawe mate. Yerusalem sinumal᷊ande, “Oh Mawu, ellehete i ya'u, intannoi'o al᷊awo'u asasusa'u.”

LAL᷊ALLU 1:16

Ana waugu udde allon mata'u mappinapi, taweddu mangonggollu sasasa ara'e al᷊al᷊uassa. Walahangku niawul᷊ianten al᷊awo'a, ana waugu seetta lembon uataṛṛino.

LAL᷊ALLU 1:20

O, Mawu! Ellehewe i ya'u, naungku sussinggawanga wuṛṛu uasongkakka, naṛṛimunsa'a ana waugu al᷊al᷊eo'u dorone. Su manga lal᷊anna pia pamamate, sulal᷊ummu wal᷊en pia papate.

LAL᷊ALLU 5:17

Wowon Sion nallannabba wuṛṛu nitantangnga; poiaroddi asun ahuranganna pasi lallele. Ana waugu udde naungngi yami nasusa, i yami lulluai na'oman sara aellegi yami mal᷊abbukke.

LUKAS 23:29

Ana waugu sarun dumanta tempone taumata sarun mabbisara, ‘Lal᷊umanna'a eteapa su manga wawine apan tawe illoṛṛo, apan tawe naasomba ana'a wuṛṛu tawe mapasusun anangnge!’