LAL᷊ALLU 1:9 - WUKE SUSI WATTI'U AL᷊AL᷊USASSA

⁹ Al᷊al᷊eone aasiloanna ringannu matualaga arawe i tou tawe pandumma su apa apan sarun mariaddi su watanganne. Tumaniten bahewalla ahahohakke, arawe tawe saran sangkatou malluassa si tou. Ne i tou naddorongnga tatal᷊antuppa wuassu Mawu, ana waugu manga seenne naauntungke.

LAL᷊ALLU 1:9 Iomraidhean Croise

2 SAMUEL 16:12

Asinungka Mawu sarun ma'ellega asasusa'u indi wuṛṛu mangal᷊amatta si ya'u maola'a hahantine wuassu tatal᷊a udde.”

2 MARARATU 14:26

Mawu naasilo aroddi asahadde taumatan Israel, taweddu sangkatou apan maatul᷊ungi mangitou.

NEHEMIA 9:32

Oh Ruata, Ruatan kami apan matohassa! Ruata apan bahewalla wuṛṛu masiṛṛungnga! Ringannu satia I'o uaaggassa al᷊awo'u paaire; manga paaire-Nu I'o nanipussa wuṛṛu niapaaman-Nu. Ro'en tempon manga ratun Asyur mangngallangnga si yami na'oman sara orassa indi, manambo asasusa apan naṛṛia'a si yami. Manga ratun kami, imam, nabi wuṛṛu manga matatimmaddu wanua, wuṛṛu lai al᷊amona wuṛṛu tumana'a, buatte natataṛṛangnga sarangkanambone. Arie paabul᷊iane anambon asasusa udde! Arie timbul᷊ianan-Nu wuassu naung-Ngu!

DARALO 119:153

Pa'ellege asasusa'u wuṛṛu sal᷊amatewe i ya'u, ana waugu i ya'u tawe manantangngu tita-Nu.

DARALO 140:8

Mawu, Ruata'u, mananal᷊ama'u apan matohassa, I'o buatte nallu'adda si ya'u sulal᷊ummu pangalo.

DARALO 25:18

Ellehewe sansara wuṛṛu asasusa'u, wuṛṛu ampungewe anambon rosa'u.

DARALO 69:21

Aal᷊uandaga naadio'a naungku, wuṛṛu i ya'u tate antimma. I ya'u maddea'a darangngu, arawe tawe gunane, i ya'u maddea'a mallal᷊imbata, arawe i ya'u tawe naasomba.

SASABANGNGA 3:17

Wuṛṛu i Ya'u buatte nakkawessa mangapiddi mangitou sumabangnga wuassu Mesir, su tampa i mangitou a'allangana, wuṛṛu manguntuddi mangitou su sambau wanua apan ala wuṛṛu masuwukka, wanuan balahannu Kanaan, balahannu i Het, i Amori, i Feris, Hewi wuṛṛu i Yebus.

SASABANGNGA 3:7

Ana see Mawu nabbisara, “I Ya'u naasilo al᷊aṛṛana'u uatataṛṛangnga su Mesir, wuṛṛu naaringikke i mangitou u'ui mai'ipallossa wuassu manga taumata apan mangngallangnga si mangitou. I Ya'u mangke masingkattu anambon asasusa mangitou.

SASABANGNGA 4:31

Ne i mangitou nangimante, wuṛṛu napawe i mangitou naaringikka manungku Mawu buatte na'ellega walahannu Israel wuṛṛu na'ellega al᷊awo'u asasusa mangitou, i mangitou niumal᷊intudda nassubba.

MANNANASE 4:1

Wua'udde nanutukka lai al᷊awo'u awawengkolla apan nariaddi su runia indi. Manga taumata apan niallangnga lulluai wuṛṛu taweddu apan apan mappulu mangontolla si mangitou. Tawe saran sangkatou apan mappulu massumbala, ana waugu manga mangangallangnga udde uatahuanna taṛṛino apan wahewalla.

YESAYA 3:8

Atonna, Yerusalem nanawote! Yehuda nahohakke! Ana waugu al᷊awo'u wisara wuṛṛu inolaanni mangitou lullawangnga Mawu wuṛṛu mannal᷊are taṛṛino-Ne.

YESAYA 37:17

Mawu, antimanna ellehewe apa apan nariaddi si yami. Daringiṛṛewe al᷊awo'u aal᷊uandagi Sanherib su saruan-Nu, Ruata apan biakka.

YESAYA 37:23

Masingkattawe i'o isai apan lallelannu wuṛṛu aal᷊uandahannu udde? I Ya'u, Ruatan Israel, Ruata apan na'ukkassa.

YESAYA 37:29

wuṛṛu i Ya'u naaringikke su ola'u asasa'unu wuṛṛu awawunganu udde. Orassa indi Ya'u mantaingngu pe'anna su ngirunnu wuṛṛu tal᷊i su moṛṛongngu, tadea'u i'o Ta'u wol᷊enganna mapul᷊e umamatta su lal᷊anna apan niamatannu sutempo nirumanta.”

YESAYA 37:4

Ratun Asyur buatte nandolokku tembonannu tantara atanggaṛṛanne niapaal᷊uandaga Ruata apan biakka. Isai masingkatta Mawu Ruata naaringikka a'al᷊uandaga udde wuṛṛu sarun makkuumanni mangitou apan nabbisara! Ana waugu udde aal᷊iomante su Ruata hunan manga taumatan kite apan ta'e wiakka.”

YESAYA 40:2

Paatammudde naungngu taumatan Yerusalem, pasingkata'e manungku patataṛṛualange nasuete. Pasasal᷊a mangitou buatte Ta'u niampunganna, manga rosa mangitou buatte Ta'u niṛṛuumanna paarua.”

YESAYA 47:7

I'o massunna manungku i'o maola'a ratu sarangkal᷊o'enge, wuṛṛu tawe maatutukka ara'e maṛṛingiddu panginsueanne.

YESAYA 51:19

I'o niaṛṛiaannu asasilaka darua hatine; pangillul᷊eannu pangalo wanuanu naromanna wuṛṛu tumanangngu nate niamal᷊unusanna. Taweddu umakkanna wuṛṛu malluassa si'o.

YESAYA 54:11

Mawu nabbisara, “Ei Yerusalem, soa apan nial᷊al᷊eoanne, i'o tawe maail᷊ore wuṛṛu tawe mallal᷊imbanne. Manga mal᷊itangngu indete iaddo-U apia, ringannu manga watu apan maarega.

YEREMIA 13:27

I Ya'u buatte naasilo si yamiu ma'ola'a manga apa apan iaaranting-Ku. I Ya'u naasilote si yamiu mangngenggenna manga nawu waine su wuidda wuṛṛu su wawail᷊anna, ere sangkatou esakka mabbewan awingngu taumata waine ara'e ere awal᷊o esakka mabbewan awal᷊o wawine. Tumana'u Yerusalem, nasilakate i yamiu! Tingngera i yamiu mapallossa wuassu al᷊al᷊eo?”

YEREMIA 16:7

Taweddu lai apan mappulu ma'ola'a andeangnga ipallimbatta taumata apan tantal᷊anna lullal᷊o. Taweddu lumal᷊o suadio'a ewe'e lai ringannu taumata apan niawul᷊iannu iamangnga ara'e inangnga.

YEREMIA 2:34

Laungngu pia luhuddu daṛṛan taumata asiangnga wuṛṛu taumata apan tawe sal᷊ane, wal᷊ine ana waugu daṛṛan manana'o apan niasametta. Arawe ana waugu udde,

YEREMIA 48:26

Mawu nabbisara, “Moab pawu'ana'e, ana waugu i tou mammungan batanganne su saruang-Ku. I tou sarun tumal᷊inggi sulal᷊ummu mutane, wuṛṛu ilaggen taumata.

YEREMIA 5:31

manga nabi mangngawusu, manga imam mangngimbe tumuṛṛuttu apulun naungnge sassane wuṛṛu i yamiu uma-U mappulun inolaanna udde. Arawe apa apan sarun olaanni yamiu napawe nia'omante allo panginsueanne?”

YEREMIA 50:29

Mawu nabbisara, “Doloṛṛa'e manga taṛṛa piti'a mamangalo Babel. Ammul᷊a'e suapan taumata apan pande mamiti'a. Talliwunete soa udde wuṛṛu arie pabbala'a saran sangkatou apan matal᷊angnga. Wal᷊isete anambon inolaanne wuṛṛu ola'e i tou uasul᷊ungngu inolaanne, ana waugu i tou buatte na'ola'a tawe addanne su saruang-Ku, Apan Lembonsusi, Ruatan Israel.

LAL᷊ALLU 1:17

I ya'u namatten lima maddorongnga sasumbala, arawe taweddu nangonggollu al᷊al᷊uassa. Wuassu al᷊awo'u pappi'uanne, Mawu nangirimmu seetta; i mangitou nirumanta namangalo si ya'u. I ya'u niola'a ere sapadda, saranapa apan maarantinna su pattangnganni mangitou.

LAL᷊ALLU 1:21

O, Mawu! Daringiṛṛewe sasal᷊iomangku, taweddu malluassa si ya'u. Manga see'u lulluassa, ana waugu I'o na'ola'a si ya'u nasilaka. Rantate allo apan pina'ire-Nu udde; ola'ewe i mangitou matataṛṛangnga ere lai i ya'u.

LAL᷊ALLU 2:13

O Yerusalem, Soa Sion apan arangnguanna, winal᷊alanne ahewalle ere laudda. Apa apan wotongnge ta'u iwisara ipangonggollu bawinalatta? Ana waugu, taambe piaddu natataṛṛangnga asasusa ere i'o. Atonna taweddu wotongnge mamelengngu lal᷊umannangngu.

LAL᷊ALLU 4:1

Wul᷊awanna apan lullendappa naola'e mawol᷊a manga watun Wal᷊en Duata uasal᷊iawukka su lal᷊anna.

LAL᷊ALLU 5:1

Naungete, oh Mawu, apan apan nariaddi si yami. Tannoite i yami, wuṛṛu ellehete al᷊al᷊eon kami.

HOSEA 2:14

Mawu nabbisara, “Ana waugu udde i Ya'u sarun mangapiddi tou watukku wadda'a; poiaroddi i tou sarun Ta'u isalo'a ringannu manga wisaran paapulu.

ZEFANYA 2:10

Etearoddi tumana'u Moab wuṛṛu Amon sarun iṛṛuumanna ana waugu awawunga wuṛṛu atatanggakki mangitou, wuṛṛu lai i mangitou buatte nallobbossa umattu Mawu Apan Lembontaṛṛino.

YOHANES 11:19

Manambo taumatan Yahudi nirumanta nattembo si Marta wuṛṛu si Maria malluassa naungngi mangitou ana waugu apapaten tuṛṛangnge.

TAHIUL᷊E 26:7

Ana see yami sinumal᷊ande maiontolla Si'o, Mawu, Ruatan iupungngu al᷊amonan kami. I'o naddaringikka sasal᷊anden kami wuṛṛu na'ellega asasahadda, wuṛṛu asasusa see asasansaran kami.

TAHIUL᷊E 32:27

Arawe i Ya'u maddiri seettu Israel mamarabunga; aṛṛengenne i mangitou massal᷊a sunna wuṛṛu mabbisara manungku i mangitou namaddon al᷊aṛṛana-U,’ wutte'e ete i Ya'u apan na'ola'a.

TAHIUL᷊E 32:29

Unnu wisara i mangitou pande, i mangitou sarun maasunna, wuṛṛu maṛṛingiddu panguddusannu allon mangitou.

1 PETRUS 4:17

Nia'omante tempone Ruata mamarikissa runia. Wuṛṛu ete walahannu Ruata sassane apan sarun parikisanna paarorone. Ne, amungkangu Ruata manattakke mamarikissa si ite, ereapate manga taumata apan tawe mangngimanna Watti'u Al᷊al᷊uassa wuassu Ruata udde?

1 SAMUEL 1:11

Wua'udde i Hana nabbisara pa'aire, wisarane, “Mawu Apan Lembontaṛṛino, tannoi'o allangngu indi! Ellehete asasusan allangngu. Naungete allangngu wuṛṛu arie maabul᷊in allangngu! Amungkangu I'o mangonggolu sangkatou ana'a esakka, allangngu maddiandi i tou sarun ionggolla Si'o su al᷊o'engngu pabbiaṛṛanne. Allangngu maddiandi lai manungku utangnge sarun tawe pol᷊oanna.”