LAL᷊ALLU 1:2 - WUKE SUSI WATTI'U AL᷊AL᷊USASSA

² Su al᷊o'engngu ṛabbi i tou lulluai massusa, allon matane mangngelekka su wambala. Tawe saran sangkatou wuassu arangnguanne apan mappulu maminalatta si tou. I tou nil᷊al᷊eon manga hawene apan nabbal᷊i'e nabbal᷊i ro'appa.

LAL᷊ALLU 1:2 Iomraidhean Croise

AYUB 6:15

Arawe i yamiu, ei manga hawe, tawe apangimananna wuṛṛu iawansaga. I yamiu naal᷊ihidda sal᷊ukka apan niasueannu ua'ene, napawe uranna tawe rumanta.

AYUB 7:3

Wul᷊anna malliu wul᷊anna, wia'u tawe pattuddanne; ṛabbi malliu ṛabbi naungku napenen asasusa.

DARALO 126:5

Antimanna taumata apan mangngasi'a lapiddu lulluai, mangitingnga ringannu hio lulluassa.

DARALO 31:11

I ya'u mabbiakka nappussa sulal᷊ummu asasusa, manga tonna'u malliudda sulal᷊ummu sasal᷊iomanna. Auatangku nahaingnga ana waugu al᷊al᷊eo'u, ewe'e lai manga duṛṛi'u nabbal᷊i maṛṛattu.

DARALO 6:6

Ana waugu su runian papate I'o tate naunganna lai; taweddu maddalo Si'o su runian taumata nate.

DARALO 69:21

Aal᷊uandaga naadio'a naungku, wuṛṛu i ya'u tate antimma. I ya'u maddea'a darangngu, arawe tawe gunane, i ya'u maddea'a mallal᷊imbata, arawe i ya'u tawe naasomba.

AMSAL 19:7

Taumata asiangnga aaddio'annu tuṛṛangnge, lembonete lai hawene. Salaiwe i tou mattinsahadda, i tou tawe maawohe si mangitou.

YEREMIA 13:17

Amungkangngu i'o tawe maddaringikka, i ya'u sarun lumuai tawe tingikke. Ringannu apendamma massusa ta'u luaianna awawunganu udde. Allo mata'u mangngelekka ana waugu umattu Mawu niapidda naola'a atawanna.

YEREMIA 2:25

Israel, imbaṛṛangnga i'o tumal᷊angnga mangenggenna manga monganna, wuṛṛu imbaṛṛangnga mangintul᷊i mamaggo si mangitou, sal᷊immurine leddanu mal᷊essa wuṛṛu tonggol᷊annu mamara ana waugu marou. ‘Tawe, i ya'u tawe suṛṛinone maawelengnga,’ i'o mabbisara, ‘ana waugu i ya'u marangngu manga monganna, wuṛṛu mappulu tumantalongnga si mangitou.’ ”

YEREMIA 3:1

Mawu nabbisara, “Amungkangngu sangkatou inangngu ana'a sindoannu awingnge, ana see wawine udde nabbal᷊i awingngu taumata waine, ne iamangngu anangnge dorone tate wotongnge manganu si tou apia maola'a inangngu anangnge, ana waugu olangnge udde sarun maahohakka wanua indi. I'o Israel, piate tunanga tumanite manambo, ereapa orassa indi i'o ma'apulu mabbelengnga ringang-Ku!

YEREMIA 30:14

Anambon hawenu arangnguannu naabul᷊inute; i mangitou maddirite maṛṛingiddu watangannu. Naal᷊ihidda seetta i Ya'u buatte namangalo wuṛṛu nakkuumanni yamiu ringannu maṛṛagissa, ana waugu tumanite manambo rosanu wuṛṛu wahewalla pasasal᷊anu.

YEREMIA 4:30

Ei Yerusalem, i'o buatte nitantangnga wuṛṛu mangke tawe napa'ola'a apa-apa! Ipa'ura malluṛṛen laubba maṛṛamu wuṛṛu mallogakka watangannu ringannu wul᷊awanna wuṛṛu sal᷊a'a, se'e lai namuṛṛa mata ringannu wawuṛṛa? Tawe gunane i'o malloggakka watangannu, ana waugu manga apulunu maddirinute, ewe'e lai i mangitou mappulu manawutta niawanu.

YEREMIA 9:1

Apiawe eteapa amungkangngu pua'u ere paṛṛihi apan napeneng kua'e, wuṛṛu mata'u ere sal᷊ossogga apan sidutu mangngelekka! Ne i ya'u wotongnge lumuai allo wuṛṛu ṛabbi, lullalu manga taumata sambalahangku apan nipaten ro'appa.

LAL᷊ALLU 1:19

I ya'u namaggo manga hawe'u ate arawe i mangitou namontol᷊osanna si ya'u. Manga imam wuṛṛu piaṛṛa'u walahanna sarangkanambone natete su manga lal᷊annu soa. Sutempo maddea'a wiakka ipandalukka niawa.

LAL᷊ALLU 1:21

O, Mawu! Daringiṛṛewe sasal᷊iomangku, taweddu malluassa si ya'u. Manga see'u lulluassa, ana waugu I'o na'ola'a si ya'u nasilaka. Rantate allo apan pina'ire-Nu udde; ola'ewe i mangitou matataṛṛangnga ere lai i ya'u.

LAL᷊ALLU 1:9

Al᷊al᷊eone aasiloanna ringannu matualaga arawe i tou tawe pandumma su apa apan sarun mariaddi su watanganne. Tumaniten bahewalla ahahohakke, arawe tawe saran sangkatou malluassa si tou. Ne i tou naddorongnga tatal᷊antuppa wuassu Mawu, ana waugu manga seenne naauntungke.

LAL᷊ALLU 2:11

Mata'u hinumanne ana waugu lulluai tawe illol᷊one, ṛimuu'u massusa tawe sumandingnge. Naungku natuno naasilo ahahohakku walahanna; naasilo al᷊aṛṛana'a see bayi ana'a maradio'a napinsanna su manga lal᷊annu soa.

YEHEZKIEL 16:37

Ana waugu udde, anambon arangnguannu dorone sarun Ta'u iammulla, mawae ipa'apulunu aroddi lai apan ia'arantinnu. I mangitou sarun dumarisikka mamal᷊iwutta si'o wuṛṛu sarun malluatta al᷊awo'u laungngu, ma'oman sara i mangitou maasilate waddangngu apan tantol᷊e.

HOSEA 2:7

I tou sarun mangenggenna arangnguanne, arawe sarun tawe ma'oma ringanni mangitou. I tou sarun maddea'a si mangitou, arawe tawe maasangkalla si mangitou. Wua'udde i tou sarun mabbisara, ‘I ya'u sarun mabbelengnga ringannu awingku paarorone; dorone lal᷊umanna'u mappianne wuassu orassa indi.’

MIKHA 7:5

Imbaṛṛangnga mangimanna su manga al᷊indongannu, ariete mangantimma hawenu. Paatehamma ringannu manga wisaranu salaiwe apan maddaringikka udde awingngu sassane.

SONDAPPA 17:13

Sire mapul᷊o ratu udde sarangkanambone pia pandumanne apan uasul᷊ungnga; i mangitou sarangkanambone nanantillu atatohassa wuṛṛu taṛṛino mangitou su winatangnga udde.

SONDAPPA 17:16

Mapul᷊o tatandu'a apan aellehannu udde wuṛṛu winatangnga udde sarun marantinu sumasandaga udde. I mangitou sarun mangaṛṛo al᷊awo'u sarannapa apan tatahuananne, wuṛṛu mapaatantol᷊en tou. I mangitou sarun uminassa ṛemessi tou wuṛṛu mamate si tou ringannu putungnga.