LAL᷊ALLU 1:14 - WUKE SUSI WATTI'U AL᷊AL᷊USASSA

¹⁴ I Tou nanganu anambon rosa'u, wua'udde niwa'issa nabbal᷊i sambau, ana see nipul᷊issa su ullekka'u, na'oman sara awakkanne naal᷊ome si ya'u. Mawu nananti'u su seetta; i ya'u tawe ikkatta lumawangnga si mangitou udde.

LAL᷊ALLU 1:14 Iomraidhean Croise

AMSAL 5:22

Rosan taumata lal᷊eo udde ere sedda apan ipannongnga taumata udde sassane.

YESAYA 14:25

Taumatan Asyur su Israel wanua-U, sarun Ta'u pateanna, wuṛṛu apan uatana'a su manga wowone sarun Ta'u ṛindanna. I Ya'u sarun mamallossu pabbawala-U wuassu patataṛṛuallanga wuṛṛu wuassu winabbawa apan iwabbata'i mangitou ṛatangannu taumatan Asyur.

YESAYA 47:6

Dorone i Ya'u massa'u uma-U, i mangitou tate lai Ta'u ireengnga pussa'a-U. Wua'udde i mangitou Ta'u nitantilla si yamiu, wuṛṛu i'o tawe umakkanni mangitou, ewe'e lai matatatimmadde niallangngu ringannu maṛṛagissa.

YEREMIA 25:9

‘I Ya'u sarun mamaggo anambon balahanna wuassu sawannakka, wuṛṛu lai allang-Ku, i Nebukadnezar ratun Babel. I mangitou sarun Ta'u parentanna iapapangalo mando'appa Yehuda wuṛṛu tumanangnge see lai al᷊awo'u walahanna maranine. Walahannu Yehuda suadio'a ringannu manga walahanna al᷊indonganne sarun Ta'u pateanna wuṛṛu Ta'u iwala maṛṛimunsa'a saran mal᷊annu-l᷊annu. Manga taumata apan naasilo udde sarun ṛumindu'a wuṛṛu maapendamma atata'utta. I Ya'u, Mawu, buatte nabbisara.

YEREMIA 27:12

Si zedekia ratun Yehuda, i ya'u, Yeremia mamasingkattu watti'a apan uasul᷊ungnga. I ya'u mabbisara, “Passuṛṛubbawate su ratun Babel. Paatuṛṛutte si tou wuṛṛu araratuanne, tadea'u i Tuangnga masal᷊amatta.

YEREMIA 27:8

Walahanna wuṛṛu araratuanna apan tawe tumuṛṛutta si Nebukadnezar sarun Ta'u iṛṛuumanna ringannu pangalo, ṛutumma, wuṛṛu al᷊aṛṛusa'itta, ma'oman sara panginsueanne tumuṛṛutta si tou.

YEREMIA 28:13

inai ringanni Hananya mabbisara arendi, “Mawu nabbisara manungku i'o wotongnge lai mamaddi pasanganna alu, arawe i Tou sarun mangganti udde ringannu pasanganna atta'a.

YEREMIA 28:14

Mawu Apan Lembontaṛṛino, Ruatan Israel, nabbisara manungku i Tou sarun mangandangngu pasanganna atta'a su pal᷊u'an al᷊awo'u walahanna indi, wuṛṛu i mangitou sarun massuṛṛubbawa si Nebukadnezar, ratun Babel. Mawu lai nabbisara manungku winatangnga mal᷊aṛṛaga lai sarun itantilla su taṛṛino Nebukadnezar.”

YEREMIA 32:3

ṛattangannu Ratu Zedekia ana waugu niansil᷊anna buatte nangal᷊iata manungku Mawu nabbisara arendi, “Ratun Babel sarun Ta'u iwala iapaawaddo wuṛṛu mangintaṛṛo su soa indi,

YEREMIA 32:5

Wua'udde i Zedekia sarun iapidda watukku Babel wuṛṛu matana'a poiaroddi ma'oman sara i Ya'u makkuumanni tou. Salaiwe i tou mamangalo taumatan Babel, i tou sarun tawe maauntungnga. Ya'u, Mawu, buatte nabbisara.”

YEREMIA 37:17

Wua'udde i Ratu Zedekia nandolokku taumata niapaapi'u sumaruanna si tou su wal᷊en araratuanna. Isudde ringannu iaaddapinga i tou naiwal᷊o si ya'u apa pia tanata wuassu Mawu. “Pia,” sasimba'u. See tinamba'u, “Tuangnga sarun itantilla su ratun Babel.”

YEHEZKIEL 11:9

I yamiu sarun Ta'u iapidda sumabbangnga wuassu soa wuṛṛu Ta'u itantilla su taumata raho. I Ya'u buatte nangema'u ṛuumanna mate si yamiu.

YEHEZKIEL 21:31

I Ya'u sarun mapassabbangu asasa'u-U apan lukkenggamma si yamiu. Wuṛṛu i yamiu sarun Ta'u itantilla su manga taumata apan maṛṛagissa wuṛṛu nal᷊atite mammate.

YEHEZKIEL 23:28

Mawu Apan Atanggaṛṛanne nabbisara, “I Ya'u sarun manantillu su manga taumata ma'amuta apan ia'arantinnu.

YEHEZKIEL 25:4

Ana waugu udde i yamiu Ta'u iwala iwaddo manga ṛuanganna walahanna wuassu wadda'u Ra'i. I mangitou sarun mapararisikku manga rasanna su wanuanu ana see mamanuate isudde. I mangitou sarun umanna manga wuang kalunu wuṛṛu ma'inumma susun binatangngu.

YEHEZKIEL 25:7

Ana waugu udde i yamiu sarun Ta'u itantilla su manambo walahanna apan sarun mangaṛṛo wuṛṛu maṛṛampassa anambon darotongngu. I yamiu sarun Ta'u pateanna aroddi olangnge, ma'oman sara tate maola'a sambau walahanna wuṛṛu tate lai uatahuanna wanua sassane. Ne i yamiu masingkatte manunku ete i Ya'u Mawu.”

HOSEA 5:14

Naal᷊ihidda singa apan tumambo, aroddi lai i Ya'u sarun mamangalo taumatan Israel wuṛṛu Yehuda. I Ya'u sassane sarun manggesa'a si mangitou, ana see Ta'u itantangnga. Napawe i Ya'u mamol᷊engnga si mangitou inai, tawe saran sangkatou apan wotongnge mamallossi mangitou.

MIKHA 2:3

Ana waugu udde Mawu nabbisara, “I Ya'u manggol᷊agu asasilaka si yamiu, ma'oman sara i yamiu taweddu maatal᷊angnga. Sutempo apan dal᷊eo udde i yamiu sarun tawe maamatta lai ringannu mawunga.

TAHIUL᷊E 28:48

Ana waugu udde i yamiu ṛinone mattaṛṛamawu manga seennu apan nirolokku Mawu iaparoappa si yamiu. I yamiu sarun amal᷊unusanna, marou wuṛṛu matantol᷊e wuṛṛu sidutu awussa sulal᷊ummu al᷊awo'u inolaanna. Mawu sarun makkuumanni yamiu ringannu maṛṛagissa ma'oman sara i yamiu mate.