KOLOSE 4:18 - WUKE SUSI WATTI'U AL᷊AL᷊USASSA

¹⁸ Tabea wuassia'u, Paulus. I ya'u sassane apan namoṛṛetu addoanne indi. Arie paabul᷊iane manungku i ya'u ta'e sulal᷊ummu tuttupanna! Doronganna Mawu mangal᷊amatta si yamiu. Tabea wuassi yami, Paulus

KOLOSE 4:18 Iomraidhean Croise

ROMA 16:20

Ruata apan nangonggolu paddarame su taumata, mal᷊ihakke mandolokku Setanna massuṛṛubawa su taṛṛinonu wuṛṛu maṛṛimunsa'a si tou. Antimanna manga tuṛṛangnga sidutu aal᷊amatanni Yesus Kristus Mawun kite!

ROMA 16:22

Namoṛṛettu suratta indi eteudde i ya'u, Tertius. I ya'u nabbal᷊on tabean pasasangkatuṛṛangnga si yamiu.

ROMA 16:23

Gayus napaapiddu tabea lai si yamiu. I ya'u uatana'a su wal᷊ene wuṛṛu jamaatti yami lai mattaṛṛamawu isudde. Erastus, tembonannu mananahipunna roittu soa, napaapiddu tabeane lai si yamiu. Aroddi lai tuṛṛangngi ite Kwartus. [

1 KORINTUS 16:21

I ya'u manamba lai isindi tabea'u apan niwoṛṛe'u sassane: Tabea wuassia'u, Paulus.

FILIPI 1:7

Atonna su tampane i ya'u pia apendamma ereudde su saruanni yamiu, ana waugu i yamiu sarangkanambone sidutu marani su naungku. Ana waugu i yamiu lai suadio'a ringangku, nanengkamma al᷊amatta apan nionggolu Ruata si ya'u: mapia orassa indi tantal᷊anna i ya'u sulal᷊ummu tuttupanna ara'e lai su tempo i ya'u su liudde ana waugu mangngesakku Watti'u Al᷊al᷊uassa udde.

KOLOSE 4:3

I yami lai aal᷊iomana'a tadea'u Ruata mangoggolu allo mapia si yami manal᷊iawukku watti'a su ola'a addapingingi Kristus. Ana waugu olangnge udde ne i ya'u orassa indi uatana'a sulal᷊ummu tuttupanna.

2 TESALONIKA 3:17

Tabea wuassi ya'u, Paulus. I ya'u sassane namoṛṛetu wageangnge indi. Ete indi tiala apan ta'u niwoṛṛeta sulal᷊ummu anambon suratta niwoṛṛe'u.

1 TIMOTIUS 6:21

Ana waugu pia manga taumata apan mabbisara manungku i mangitou pia asingkata udde, na'oman sara massal᷊ate amatta wuassu manga al᷊aṛṛa'u Saṛṛani apan pinangimananni mangitou paarorone. Antimanna Ruata mangal᷊amatta manga tuṛṛangnga. Tabea wuassi yami, Paulus

2 TIMOTIUS 1:8

Ana waugu udde arie masili mangonggolu tatiala su ola'u Mawun kite, wuṛṛu arie lai masili su ola'u riri'u, apan niṛṛuumanna ana waugu i Tou. Arawe ṛinone i'o ringannu atatohassa wuassu Ruata, sidutu sulal᷊ummu asasusa lai ana waugu Watti'u Al᷊al᷊uassa udde.

2 TIMOTIUS 4:22

Doronganna Mawu makkundinganna si'o. Doronganna Mawu mangal᷊amatta Manga tuṛṛangnga! Tabea wuassi yami, Paulus

TITUS 3:15

Manga tuṛṛanga sarangkanambone apan suaddio'a ringangku, nandohon tabea si yamiu. Wal᷊oa'a tabean kami su manga hawen kite apan su pangangimanna sambau. Doronganna Mawu mangal᷊amatta tuṛṛangnga sarangkanambone. Tabea wuassi yami, Paulus

IBRANI 13:25

Doronganna Ruata mangal᷊amatta manga tuṛṛanga sarangkanambone.

IBRANI 13:3

Naunge'o manga taumata sulal᷊ummu tuttupanna, paṛṛimau napa i yamiu lai isudde sulal᷊ummu tuttupanna su sambau ringanni mangitou. Wuṛṛu manga taumata apan a'olaanna walate apulu naungnga, ṛinone i yamiu mannaungnga si mangitou paṛṛimau napa i yamiu lai a'olaanna aroddi.