KOLOSE 4:10 - WUKE SUSI WATTI'U AL᷊AL᷊USASSA

¹⁰ Aristarkus, apan sulal᷊ummu tuttupanna suadio'a ringangku, nandohon tabea si yamiu. Aroddi lai Markus, tuṛṛangi Barnabas. (I yamiu suete nirohoannu watti'a ipanansomakka si tou amungkangu i tou rumanta ringanni yamiu.)

KOLOSE 4:10 Iomraidhean Croise

WATTI'U MANGA RASUL 12:12

Napawe naatutukke olangnge udde, i Petrus inaite watukku wal᷊e Maria, inangngi Yohanes apan isassago lai Markus. Isudde manambo taumata uaammulla wuṛṛu u'al᷊iomanna.

WATTI'U MANGA RASUL 12:25

Napawe i Barnabas wuṛṛu i Saulus nanginsue manara mangitou, i mangitou nabelengke wuassu Yerusalem ringannu uaapiddi Yohanes Markus suadio'a ringanni mangitou.

WATTI'U MANGA RASUL 13:13

Wuassu Pafos, i Paulus wuṛṛu manga hawene nassenggotte watukku Perga su Pamfilia. Isudde i Yohanes Markus nanantangngi mangitou, see nabelengnga watukku Yerusalem.

WATTI'U MANGA RASUL 13:5

Napawe na'omate su Salamis i mangitou nabbati'u wisara Mawu su manga wal᷊em pattataṛṛamawuannu Yahudi. I Yohanes Markus nallal᷊ima su amatanni mangitou.

WATTI'U MANGA RASUL 19:29

Ne patatatiakka udde nilumewesse su ahewallu soa. Wua'udde ammul᷊annu al᷊iba'ukka udde nanamette si Gayus wuṛṛu si Aristarkus, eteudde manga taumata Makedonia apan uaammungnga si Paulus sulal᷊ummu amatanne, see namol᷊engnga si mangitou su wal᷊em pananalanganna su soa udde.

WATTI'U MANGA RASUL 20:4

I Sopater ana'i Pirus wuassu Berea, inai suadio'a ringanni tou; aroddi lai i Aristarkus wuṛṛu i Sekundus taumatan Tesalonika, wuṛṛu i Gayus taumatan Derbe. Wuṛṛu lai Timotius, Tikhikus wuṛṛu i Trofimus manga taumata wuassu leta'u Asia.

WATTI'U MANGA RASUL 27:2

I yami sinuma'ete su apalla apan nirumanta wuassu Adramitium, wua'udde sinuma'ete apalla udde apan nasaddiate massenggota watukku manga tatul᷊ianna su leta'u Asia. I Aristarkhus, sangkatou taumatan Makedonia apan nirumanta wuassu Tesalonika nassenggotte lai suadio'a ringanni yami.

WATTI'U MANGA RASUL 4:36

Aroddi lai i Yusuf. I tou lai nabal᷊u'u leta'a, see roinne niapiddi tou wuṛṛu tinantilla su manga rasul. I Yusuf indi sangkatou wuassu papapulunni Lewi wuassu Siprus; manga rasul mammago si tou lai i Barnabas (atappasanne Mallal᷊uassa).

ROMA 16:2

Tarimmata'e i tou ere sangkatou wuassu jamaattu Mawu. Ne aroddite manga taumata apan mangngimanna Ruata ṛinone uatatarimmata sangkatou ringannu sangkatou. Tul᷊ungaawe i tou, amungkangngu i tou mappandumma sasumbala wuassi yamiu, ana waugu i tou sassane suete nangonggolu sumbala su taumata nambo – nareengnga lai ya'u.

ROMA 16:7

Wal᷊oa'a lai tabea'u si Andronikus wuṛṛu si Yunias. Itarua wuṛṛu i ya'u papapulunnu sangkatou wuṛṛu buatte niṛṛuumanna su sampunna. Tantal᷊anna i ya'u taambe nangimanna si Kristus, i mangitou doronete nangimanna. I mangitou tinumelengnga su wallattu manga rasul.

2 TIMOTIUS 4:11

Tumba'u Lukas natantanga ringangku, ana waugu i tou wotonge mallal᷊ima manara'u.

FILEMON 1:23

Epafras, apan suaddio'a ringangku sulal᷊ummu tuttupanna ana waugu Kristus Yesus, nandohon tabeane si'o.

FILEMON 1:24

Sengkamma lai tabea manga hawe'u: Markus, Aristarkhus, Demas wuṛṛu Lukas.

1 PETRUS 5:13

Manga hawe jamaatta sambau su Babilon, apan nipilen Duata lai, napawawan tabea si yamiu; aroddi lai ana'u Markus apan arangnguanna.