KOLOSE 3:20 - WUKE SUSI WATTI'U AL᷊AL᷊USASSA

²⁰ Manga al᷊aṛṛana'a! Eteudde manaran kamiu taumatan Saṛṛani sidutu tuttuṛṛuta hagurangngu, ana waugu eteudde maal᷊uassa naungngu Ruata.

KOLOSE 3:20 Iomraidhean Croise

PANDARIADDI 28:7

Wua'udde lai Esau masingkatta manungku i Yakub mararingikka wisaran hagurangnge wuṛṛu nabatukken Mesopotamia.

SASABANGNGA 20:12

Pangaddata iamangngu wuṛṛu inangngu, tadea'u i yamiu mabbiaka su lal᷊umanna'a wuṛṛu mabbiakka malannu su wanua apan sarun Ta'u ionggolla si yamiu.

AMSAL 20:20

Taumata apan mammontoga hagurangnge, wiakke sarun mawul᷊i naal᷊ihidda sol᷊o nappaddumma su ṛabbi wasa.

AMSAL 30:11

Pia taumata apan massalun iamangnge wuṛṛu tawe mangareggan inangngene.

AMSAL 30:17

Taumata apan mangngal᷊uandaga iamangnge ara'e inangngene apan timmadete, ṛinone iramme su liudde tadea'u matane tembonannu manu'a gagak wuṛṛu winal᷊unanne inasannu manu'a a'a.

AMSAL 6:20

Ana'u, tuṛṛutte manga parentan iamangngu, wuṛṛu arie paabbul᷊iane manga tatantiron inangngu.

YEREMIA 35:8

Sarangkanambone apan niparentan Yonadab si yamiu buatte nituṛṛutanni yami. Su al᷊o'engngu pabbiaṛṛanna, i yami wuṛṛu ana'a awingngi yami tawe wotongnge ma'inumma anggore.

YEHEZKIEL 22:7

Tawe saran sangkatou wuassu tumanangngu mangaddata hagurangnge. I'o mammahia taumata raho wuṛṛu manganu untungnge wuassu asasusan bawine wal᷊u wuṛṛu asisi timpal᷊ussa.

IMAMATTA 19:3

Suapan taumata ṛinone mangaddata iamangnge wuṛṛu inangnge wuṛṛu maddamean alloun Sabat ere buatte Ta'u nirolokka. Ete i Ya'u Ruatanu.

MALEAKHI 1:6

Mawu Apan Lembontaṛṛino nabbisara su manga imam, “Sangkatou ana'a mangngaddatta iamangnge, wuṛṛu sangkatou mangangimbe mangngaddatta mawune. I Ya'u indi Iamangngu; anio i yamiu tawe mangaddatta si Ya'u? I Ya'u indi Tuangngu; anio i yamiu tawe mata'u-U? I yamiu mallobbossa si Ya'u, arawe i yamiu ma'iwal᷊o, ‘Ringannu olangnge ereapa i yami mallobbossa Si'o?’

MATIUS 19:19

pangaddatta iamangngu wuṛṛu inangngu; wuṛṛu pandangngu taumata sansul᷊ungngu ere i'o mandangngu wadangngu sassane.”

EFESUS 5:24

Ere lai jamaatta tuttuṛṛuta si Kristus, aroddi lai su al᷊awo'u inolaanna, wawine ṛinone tumuṛṛutta awingnge esakka.

TAHIUL᷊E 27:16

‘Niawontohante taumata apan tawe mangaddata hagurangnge wuṛṛu namalan mangitou tawe padul᷊iananna.’ ‘Amin!’

TAHIUL᷊E 5:16

Pangaddata wuṛṛu pamadul᷊ite iamangngu wuṛṛu inangngu; uddewe parenta-U, Mawu Ruatanu, tadea'u i yamiu su lal᷊umanna'a wuṛṛu tatuwone iapal᷊o'e su wanua apan Ta'u ionggola si yamiu.

FILIPI 4:18

I ya'u suete nanengkamma sarangkanambone – ewe'e nilumebete lai! Anambon aonggolla apan nirohon kamiu si ya'u, suete nitarimmata wuassi Epafroditus. Orassa indi ya'u uatahuanna anambon apa apan pappandumangku. Manga aonggola wuassi yamiu eteudde maola'a sambau sasamba hal᷊urune mawangngi apan nionggole su Ruata wuṛṛu nisengkammu Ruata ringannu naungnga mal᷊uassa.

KOLOSE 1:10

Ringannu aroddi yamiu wotongnge mabbiakka tuttuṛṛuta apulun Duata, wuṛṛu sidutu malluassa naugnge, na'oman sara sulal᷊ummu al᷊awo'u inolaanna i yamiu wotongnge mamasilo manga inolaanna apan mapia. Wuṛṛu asingkati yamiu su ola'u Ruata sarun aatambanna lai.

KOLOSE 3:22

Manga tuṛṛangnga apan naola'a allangnga! Sulal᷊ummu al᷊awo'u inolaanna, ṛinone i yamiu matuṛṛuta mawunu su runia indi. Arie tumuṛṛutta si mangitou tumba'u su tempo i mangitou uariaga si yamiu, ana waugu i yamiu maapulu raloanna. Paatuṛṛuta si mangitou ringannu naungnga waresi, ana waugu i yamiu mangngaddatta Mawu.

TITUS 2:9

Manga allangnga ṛinone masallunga mawune, wuṛṛu maal᷊uassa naungnge sulal᷊ummu al᷊awo'u inolaanna. I mangitou tawe wotongnge manompolla,

IBRANI 13:21

Antimanna Ruata punnu paddarame udde manuungngi yamiu ringannu al᷊awo'u apapia apan pappandumanni yamiu ipa'ola'a apulu-Ne. Antimanna ringannu tatangngannu Mawu Yesus i Kristus, Ruata mammanara sulal᷊ummu naungngi ite, apa apan ipaapulu-Ne. Ṛinone Kristus raloanna saran mal᷊annu-l᷊annu! Amin.

RUT 3:5

“Ore, Mama,” sasimbakki Rut, “i ya'u sarun tumuṛṛutta sarangkanambone apan niwal᷊on Mama.”