KOLOSE 3:11 - WUKE SUSI WATTI'U AL᷊AL᷊USASSA

¹¹ Ana waugu wuassu inolaanna udde, nawul᷊ite al᷊awo'u apendamma mappapaṛṛalan taumatan Yahudi wuṛṛu wal᷊ine Yahudi, taumata nisunatta wuṛṛu taumata tawe nisunatta, tate lai paṛṛalane su wallatu taumata raho wuṛṛu taumata woddo; su wallatu allangnga wuṛṛu wal᷊ine allangnga, ana waugu Kristus uddewe uatahuanna sarangkanambone, wuṛṛu i Tou uaaukka ringanni mangitou sarangkanambone!

KOLOSE 3:11 Iomraidhean Croise

DARALO 117:2

Ana waugu tumaniten wahewalla darangngun Mawu si ite apapia-Ne sidutu sarangkal᷊o'engnge. Paddalote Mawu!

YESAYA 49:6

Mawu nabbisara si ya'u, “Manara apan ahewal᷊anne uaṛṛaddo si'o, ei allang-Ku; i'o tawe tumba'u mapaapul᷊en tantangngu papapulunni Yakub wuṛṛu mamelengngu awawantugu manga ṛuangannu Israel, arawe Ta'u niola'a lai asasemakku manga walahanna, tadea'u ahewallu runia iapaasal᷊amatta.”

YESAYA 52:10

Mawu napal᷊iatta'u taṛṛino-Ne su saruannu matan anambon walahanna. Ne ahewallu runia sarun maasilo asasal᷊amatta wuassu Ruatan kite.

YEREMIA 16:19

Mawu, ete I'o apan ual᷊u'adda si ya'u wuṛṛu nangonggollu atatohassa si ya'u; I'o nantul᷊ungku sutempon asasusa. Manga walahanna wuassu pentakku runia sarun dumanta ringan-Nu wuṛṛu mabbisara, “Al᷊amonan kami tumba'u pia mawu awusu apan mangke tawe gunane.

YEHEZKIEL 47:22

wuṛṛu leta'a uddewe pussa'anu saran mal᷊annu-l᷊annu. Manga taumata raho apan matana'a suwallatti yamiu, wuṛṛu uatahuanna manga ana'a apan niasungkanga isudde, ṛinone lai maasomba tahia wuassu leta'a udde. I mangitou ṛinone ireengnga lai maola'a walahannu Israel, wuṛṛu i mangitou lai iundi tadea'u maasomba leta'a sutempo ma'ola'a patatahia leta'a suwallattu manga ṛuangannu Israel.

HOSEA 2:23

Sarun Ta'u olaanna uma-U mabbiakka su lal᷊umanna'a wuṛṛu mamanua su wanuan mangitou. Si mangitou apan isassago ‘Apan Tawe Niakkanna’ sarun Ta'u iapaal᷊iatta'a manungku i mangitou Ta'u arangnguanna, wuṛṛu si mangitou apan isassago ‘Wal᷊ine Uma-U’ sarun Ta'u iwal᷊o, ‘I yamiu Uma-U’. I mangitou sarun sumimbakka arendi, ‘Ete I'o Ruatan kami.’ ”

AMOS 9:12

Taumatan Israel sarun mangagassa wanua Edom apan ta'e nallambe see anambon walahanna apan dorone tatahuanang-Ku. I Ya'u, Mawu, buatte nabbisara wuṛṛu i Ya'u sarun mapaamattu olangnge udde.”

MIKHA 4:2

I mangitou sarangkanambone sarun mabbisara, “Wette i ite umawitte watukku wuiddu Mawu watukku Wal᷊en Duatan Israel! I Tou sarun manantiro si ite apa apan ṛinone olaani ite. I ite sarun tumantalongnga lal᷊an-Ne ana waugu al᷊aṛṛa'u Mawu nirumanta wuassu Yerusalem; wuassu Sion i Tou nabbisara su uman-Ne.”

ZAKARIA 2:11

Sutempo udde manambo walahanna sarun dumanta ringannu Mawu tadea'u maola'a uman-Ne. I Tou sarun matana'a suwallatti yamiu, wuṛṛu i yamiu sarun maasingkatta manungku Mawu buatte nandolo'u ringanni yamiu.

MALEAKHI 1:11

I Ya'u aaddatannu manga walahanna su ahewallu runia. Suapan tampa itattambunna amania iapangaddatta arang-Ku wuṛṛu nionggolla manga sasamba apan suṛṛinone, ana waugu anambon balahanna mangngaddatta si Ya'u!

YOHANES 14:23

Mawu Yesus sinumimbakka, “Taumata apan mandangngu si Ya'u, sarun tumuṛṛutta al᷊aṛṛa-U. Iamang-Ku sarun mandangngu si tou. Iamang-Ku wuṛṛu i Ya'u sarun rumanta ringanni tou wuṛṛu matana'a su sampunna ringanni tou.

YOHANES 15:5

Ete i Ya'u punnu anggore, wuṛṛu i yamiu manga rannane. Taumata apan sidutu uaaukka ringang-Ku wuṛṛu I Ya'u ringanni tou, sarun mabua manambo; ana waugu amungkangngu tawe i Ya'u, i yamiu tawe maola'a apa-apa.

YOHANES 17:23

I Ya'u ringanni mangitou, wuṛṛu Iamangnga ringang-Ku; tadea'u i mangitou atonna-tonna sambau. Ne runia indi sarun maasingkatta manungku ete Iamangnga apan nandolo-U, wuṛṛu manungku Iamangnga mandangngu si mangitou ere lai Iamangnga mandangngu si Ya'u.

WATTI'U MANGA RASUL 15:17

tadea'u taumata apan lambene udde maddea'a Mawu, su sampunna ringannu walahanna waine apan wal᷊ine Yahudi apan suete niwagoang-Ku maola'a pussaa-U.’ Ete aroddi wisara Mawu,

WATTI'U MANGA RASUL 28:2

Tumana'u taṛṛanusa udde masaṛṛionto'a atonna si yami. I mangitou nanal᷊oho si yami sarangkanambone ringannu mapia wuṛṛu nakkunuttu putungnga hunang kami ana waugu mangnguṛṛintingke wuṛṛu runia lai masunge.

WATTI'U MANGA RASUL 28:4

Napawe tumana'u taṛṛanusa udde naasilo atoanna udde ua'ele su ta'iakki Paulus, i mangitou uahahatto sangkatou ringannu waine, “Taumata indi asinungka taṛṛa pate, ana waugu salaiwe i tou nal᷊iute wuassu papate su tahal᷊oangnga, Mongannu Atatul᷊idda tawe mamalan tou wiakka.”

ROMA 1:14

Ana waugu i ya'u pia manara'u su saruannu al᷊awo'u walahanna; apan pia addanne wuṛṛu ta'e lul᷊u, apan pia asingkanne ara'e lai apan taambe asingkanne.

ROMA 10:12

Udde mariaddi su anambon taumata, ana waugu tawe paṛṛalane taumatan Yahudi wuṛṛu taumatan walahanna waine. Ruata apan sambau eteudde Ruatan anambon taumata. I Tou mangngonggolu al᷊amatta manambo-nambo su anambon taumata apan ma'itul᷊ungnga si Tou.

ROMA 3:22

manungku Ruata ta'e mangngonggolu tempone su taumata maaukka ringanni Tou, tumba'u amungkangngu taumata mangngimanna Mawu Yesus Kristus. Ruata na'ola'a indi hunane su anambon taumata apan mangngimanna si Kristus, ana waugu tawe paṛṛalanne:

ROMA 3:29

Ara'e Ruata udde, tumba'u Ruatan taumatan Yahudi. Wal᷊inewe i Tou Ruatan walahanna waine lai? Ore atonna i Tou Ruatan walahanna waine lai!

1 KORINTUS 12:13

Aroddi lai i ite sarangkanambone, mawae taumatan Yahudi, see lai taumata wal᷊ine Yahudi, manga allangnga, ara'e manga taumata napallose; i ite sarangkanambone buatte nissaṛṛanin Ghaṛṛaho apan uasul᷊ungnga udde. I ite lai sarangkanambone sarun maapendama Ghaṛṛaho apan sambau udde ringannu tawe urangnge.

1 KORINTUS 14:11

Arawe amungkangngu i ya'u tawe maasunna sasinaukka apan iwabbisaran taumata, ne taumata apan nappaattu sasinaukka udde, ere taumata raho sia'u; aroddi lai ya'u su saruanni tou.

1 KORINTUS 7:19

Ana waugu tuttuṛṛutta titan sunatta ara'e tawe tumuṛṛutta, sarangkanambone tawe gunane. Ahunanne tumba'u tumuṛṛutta manga titan Duata.

GALATIA 2:20

Orassa indi wal᷊inewe i ya'u mabbiakka, arawe ete Kristus apan mabbiakka sulal᷊ummu wadangku. Wiakka apan iraṛṛingi'u orassa indi eteudde mabbiakka ipangngimanna Ana'u Ruata apan marangngu si ya'u wuṛṛu buatte nanantillu watangan-Ne ana waugu i ya'u.

GALATIA 5:6

Ana waugu amungkangu i ite buatte naaukka ringanni Kristus Yesus, su ola'u tumuṛṛutta ara'e maddiri tumuṛṛutta atorannu sunatta tate maola'a sambau hatto lai. Lembon apianne tumba'u mangngimanna si Kristus, wuṛṛu udde nilumiatta'a sulal᷊ummu darangngun kite su taumata waine.

EFESUS 1:23

Eteudde jamaatta wadangngi Kristus, nisuungngi Tou apan napasuungngu sarangkanambone su al᷊awo'u tampa.

EFESUS 2:14

Ana waugu Kristus sassane mandaramen kite. I Tou napaaukku manga taumatan Yahudi wuṛṛu manga taumata wal᷊ine Yahudi naola'a sambau walahanna. Tanda'a passaranna su wallatti mangitou, eteudde pasaseetta, buatte niṛṛimunsa'i Kristus ringannu nanantillu watangan-Ne sassane.

EFESUS 2:15

Titan agama Yahudi ringannu manga parenta wuṛṛu manga atoranne buatte nipappasi Kristus tadea'u walahanna darua udde maola'a sambau walahannu taumata wakku, apan uaaukka ringanni Tou. Ringannu olangnge udde Kristus nangapiddu paddarame.

EFESUS 3:17

Doronganna ana waugu i yamiu mangngimanna si Kristus, Kristus matana'a sulal᷊ummu naungngu, wuṛṛu wiakku niwantanna wuṛṛu niparentannu darangngu.

EFESUS 3:6

Addapingnga udde ete indi: Sulal᷊ummu Watti'u Al᷊al᷊uassa udde, taumata wal᷊ine Yahudi, maapendamma lai manga al᷊amattu Ruata apan dorone nissaddia tumba'u su taumatan Yahudi. Manga taumata wal᷊ine Yahudi naola'e wageangngu wadangnga sambau, wuṛṛu manengkamma lai suadio'a apa apan suete pina'ire Ruata sulal᷊ummi Kristus Yesus.

EFESUS 6:8

Paanaunge manungku suapan taumata, mawae allangnga ara'e taumata tawe allangnga, sarun manengkamma wawal᷊inne wuassu Mawu su inolaanna mapia apan niola'i tou.

KOLOSE 2:10

Wuṛṛu ana waugu mabbiakka uaaukka ringanni Kristus, i yamiu lai nionggol᷊annu wiakka apan nasuungnga. Ana waugu Kristus udde tembonannu al᷊awo'u ghaṛṛaho apan uataṛṛino wuṛṛu uaparenta.

1 YOHANES 5:20

I ite masingkatta manungku Ana'u Ruata suete nirumanta wuṛṛu suete nangonggolu pasasunna si ite, tadea'u i ite maaillal᷊a Ruata apan naṛṛino. I ite mabbiakka uaaukka ringannu Ruata apan naṛṛino wuṛṛu mabbiakka uaaukka ringannu Anang-Nge Yesus Kristus. Ete indi Ruata apan naṛṛino, wuṛṛu ete indi wiakka tutune wuṛṛu saran mal᷊annu-l᷊annu.

2 YOHANES 1:9

Taumata apan tawe uaaggassa al᷊aṛṛa'i Kristus, arawe sinumewada wuassu apa apan niaṛṛa'i Kristus, taumata udde tawe maatuahanna Ruata. Taumata apan siddutu uatundeeta su al᷊aṛṛa'i Kristus, atappasanne uatahuanna Ruata Iamangnga aroddi lai Ana'a.