KOLOSE 2:8 - WUKE SUSI WATTI'U AL᷊AL᷊USASSA

⁸ Ṛinone i yamiu paatehamma, arie ma'oman sara piaddu mamono'a si yamiu ringannu manga al᷊aṛṛa'u taumata apan tawe gunane, ewe'e tumba'u mangngal᷊iwu. Manga al᷊aṛṛa'a udde wal᷊ine wuassi Kristus, ewe'e wuassu ṛingiṛṛannu taumata sassane wuṛṛu wuassu manga ghaṛṛahon tembonannu runia.

KOLOSE 2:8 Iomraidhean Croise

ANTARI MAWANTUGA 2:15

Taappe manga asun ahuranganna udde, manga asun ahuranganna maraddio'a apan manggohakku waillu anggore, ana waugu waillu anggori yami tantal᷊anna mabbunga.

YEREMIA 29:8

I Ya'u Mawu, Apan Lembontaṛṛino, Ruatan Israel, mapanaungnga si yamiu tadea'u arie mamala batangannu awusuannu manga nabi apan uatana'a su pattangnganni yamiu ara'e isai-sai lai apan mabbisara manungku i mangitou wotongnge mani'attu tempo addantane. Ariete maṛṛingiddu manga wal᷊iawa mangitou.

MATIUS 10:17

Paariaga, ana waugu i yamiu sarun sametanna wuṛṛu iapaasaruanna su Mallaṛṛuungngu Agama. I yamiu sarun sansaranna su manga wal᷊em pattataṛṛamawuanna.

MATIUS 16:6

Mawu Yesus nabbisara si mangitou, “Paariaga su ragin taumatan Farisi wuṛṛu Saduki.”

MATIUS 7:15

“Paatehamma su manga nabi awusu. I mangitou nirumanta ringanni yamiu, lihide ere domba, arawe i mangitou ṛinone ere serigala apan mal᷊aṛṛaga.

WATTI'U MANGA RASUL 17:18

Manga huru mallal᷊aṛṛenggenni Epikuros wuṛṛu Stoa uasasimbakki tou lai. Siri pira wuassi mangitou nabbisara, “Taumata indi masingkattu apa? Asingkanne tumba'u adio'a, arawe i tou tal᷊imoṛṛonganna!” Siri pirang katou waine nabbisara, “Lihidde i tou mabatti'u manga mongannu walahanna waine.” I mangitou nabbisara aroddi ana waugu i Paulus nabatti'u Mawu Yesus wuṛṛu su ola'u mabbiakka apia wuassu papate.

WATTI'U MANGA RASUL 17:32

Napawe manga taumata udde naaringikka hatto mabbiakka apia wuassu papate, su wallatti mangitou piaddu nilumagem Paulus. Piaddu nabbisara, “I yami maapulu madaringikka tuṛṛangnga mabbisara apia su ola'u hatto indi.”

ROMA 16:17

Manga tuṛṛangnga! I ya'u sumal᷊ande ringannu lembone: Paatehamma su saruannu manga taumata apan ma'ola'a patatatiakka wuṛṛu mannongkakku pangangimannu taumata su Mawu. Olangnge udde uapapaṛṛala apa apan buatte niaṛṛa'a si yamiu. Arie paggawei taumata ereudde.

1 KORINTUS 10:12

Taumata apan massunna watanganne uarisikka matohassa, ṛinone paatehamma; arie i tou ma'oman sara maṛṛa'a.

1 KORINTUS 8:9

Arawe paatehamma, arie ma'oman sara mariaddi manungku taumata waine maola'a marosa – ana waugu pangangimanne ta'e lome – ana waugu i'o walate apulu ma'inolaanna sarangkanambone.

2 KORINTUS 10:5

wuṛṛu manggohakku tanda'u atatanggakka apan niola'a ipanompolla asingkattu Ruata. I yami nanametta ṛingiṛṛannu manga taumata wuṛṛu na'ola'a si mangitou massuṛṛubawa si Kristus.

GALATIA 1:14

Sulal᷊ummu mappaamattu agaman Yahudi, ya'u nangillembo wuassu anambon taumatan Yahudi apan santuwo'u. I ya'u maṛṛimada su ola'u manga inolaannu addatu iupungngu al᷊amonan kami.

GALATIA 4:3

Aroddi lai i ite: Tantal᷊anna i ite taambe natimmade, i ite mattaṛṛuallangnga manga ghaṛṛaho apan uaparenta runia indi.

GALATIA 4:9

Arawe orassa indi yamiu maaillal᷊a Ruata, ara'e mappianne lai isaggo, Ruata maaillal᷊a si yamiu. Ne anio i yamiu maapulu mabelengnga apia su manga ghaṛṛahon dunia indi, apan lome wuṛṛu asiangnga? Anio i yamiu ta'e maapulu mai'allangnga apia su manga ghaṛṛaho udde?

GALATIA 5:15

Arawe amungkangu i yamiu mangke uaaṛṛautta, paatemhamma, panginsueanne i yamiu maṛṛimunsa'a suaddio'a.

EFESUS 2:2

Su tempo udde yamiu tuttuṛṛuta al᷊awo'u apulun dunia indi; eteudde i yamiu matuṛṛutta su tembonannu winalanganna, eteudde ghaṛṛaho apan marosa indi uaintaṛṛo sulal᷊ummu naungngu manga taumata apan maddiri tumuṛṛutta Ruata.

EFESUS 4:20

Arawe Kristus Yesus apan asingkatanni yamiu wal᷊inewe aroddi!

EFESUS 5:6

Iambaṛṛanga i yamiu awusuannu manga hatto awusu. Ana waugu, ete manga hatto indi, apan maasa'u Ruata su saruannu manga taumata apan mal᷊awangnga si Tou.

TAHIUL᷊E 6:12

paariagai mapia-pia tadea'u imbaṛṛangnga i yamiu maabul᷊in Mawu apan buatte namallosi yamiu wuassu Mesir, su tampa i yamiu niola'a allangnga.

FILIPI 3:2

Paatehamma su saruannu manga taumata apan ma'ola'a inolaanna lal᷊eo, manga taumata apan wotongnge isaggo ‘asu’. I mangitou mammata'a tadea'u manga taumata udde iapa sunatta.

KOLOSE 2:18

Imbaṛṛanganga i yamiu mapaawalan watangannu rugiannu taumata apan mangngawusu naungnge mawawo wuṛṛu massubba manga mala'ekatta. Taumata udde mawunga ringannu manga ṛingiṛṛannu runia wuṛṛu mamarabunga manga sondapi tou sassane,

KOLOSE 2:20

I yamiu natete su sambau ringanni Kristus, wuṛṛu suete nipallosa wuassu manga ghaṛṛaho apan uataṛṛino runia indi. Ne anio i yamiu mabbiakka ere taumata apan ta'e paparentannu runia indi? Anio i yamiu ta'e tuttuṛṛuta manga atoranna ereindi,

KOLOSE 2:22

Anambon atoranna udde eteudde al᷊awo'u inolaanna apan amungkangngu ipaatta, maola'a tate gunane lai. Udde tumba'u manga atoranna wuṛṛu al᷊aṛṛa'a apan niola'u taumata.

KOLOSE 2:23

Atonna aellehanna olangnge udde mapia; ringannu darolokke tadea'u taumata massubba mala'ekatta, mapaawawon ririne wuṛṛu mannansara watanganne; arawe sarangkanambone udde tawe gunane ipangehetta apulun taumata.

1 TIMOTIUS 6:20

Apa apan suete tinantilla si yamiu, paariagai udde mapia-pia, Timotius! Paarau manga hatto apan tawe gunane wuṛṛu patatatiakka su ola'u inolaanna apan mangngal᷊iwu isassago “Asingkata”.

2 TIMOTIUS 3:13

arawe manga taumata lal᷊eo wuṛṛu manga taumata taṛṛa l᷊inga sarun mabbal᷊i lembon al᷊eoanne. I mangitou mallinga taumata waine, wutte'e i mangitou sassane nial᷊inganna lai.

IBRANI 13:9

Imbaṛṛanga mapaawalan al᷊awo'u hatin al᷊aṛṛa'a apan ma'aheranga apan mangal᷊iwung kamiu. Naungngi ite ṛinone tohasannu apapia naungngu Ruata, eteudde apan mapia; imbaṛṛanga ringannu manga atoranna su ola'u anna. Manga taumatan tiwatta apan matuṛṛuta su manga atoranna udde tawe naasomba hunane.

IBRANI 3:12

Manga tuṛṛangnga, paatehamma arie ma'oman sara piaddu sangkatou wuassu wallatti yamiu apan pia naungnge aroddi alal᷊eone wuṛṛu tawe pangangimanne, na'oman sara i tou mabelengnga wuṛṛu mangindaun Ruata apan biakka!

1 PETRUS 1:18

I yamiu masingkata apa apan buatte nipamaekka tadea'u ipamallosi yamiu wuassu pabbiaṛṛanna apan tawe gunane apan tinantillu iupungngu al᷊amonanu. Bawaekke wal᷊inewe saranapa apan wotongnge mawulle ere inai sal᷊a'a ara'e wul᷊awanna,

2 PETRUS 3:17

Arawe i yamiu manga tuṛṛangku apan arangnguanna, maasingkatte olangnge udde. Ana waugu udde, paatehamma, arie i yamiu iawol᷊engnga sulal᷊ummu ararandumu manga taumata lal᷊eo, ma'oman sara i yamiu manawo wuassu tampa dararisiṛṛanu apan matohassa.

2 YOHANES 1:8

Ana waugu udde, paariaggaite arie ma'oman sara i yamiu awul᷊iannu apa apan suete nionggoli yami si yamiu. Paddea'e tadea'u i yamiu manengkamma lal᷊antake wuassu Ruata.