KOLOSE 2:20 - WUKE SUSI WATTI'U AL᷊AL᷊USASSA

²⁰ I yamiu natete su sambau ringanni Kristus, wuṛṛu suete nipallosa wuassu manga ghaṛṛaho apan uataṛṛino runia indi. Ne anio i yamiu mabbiakka ere taumata apan ta'e paparentannu runia indi? Anio i yamiu ta'e tuttuṛṛuta manga atoranna ereindi,

KOLOSE 2:20 Iomraidhean Croise

YOHANES 15:19

Amungkangngu i yamiu tatahuanannu runia, i yamiu sarun rangnguannu runia maola'a pussaane. Arawe i Ya'u suete namile si yamiu wuassu runia indi, nariaddi yamiu tate lai tatahuanannu runia. Ana waugu udde runia maddantinni yamiu.

2 KORINTUS 10:3

I yami atonna ta'e mabbiakka sulal᷊ummu runia, arawe i yami tawe mammanara tumuṛṛuttu apulun dunia indi.

GALATIA 4:3

Aroddi lai i ite: Tantal᷊anna i ite taambe natimmade, i ite mattaṛṛuallangnga manga ghaṛṛaho apan uaparenta runia indi.

GALATIA 6:14

Arawe i ya'u atonna-tonna maddiri lumuassu al᷊awo'u apa, tumba'u su Mawun kite Yesus Kristus apan nate niarussa. Wuṛṛu ana waugu i Tou suete nate niarussa, ne runia tate mangal᷊ene lai si ya'u, wuṛṛu ana waugu runia indi, pendamangku i ya'u lai ere natete.

EFESUS 2:15

Titan agama Yahudi ringannu manga parenta wuṛṛu manga atoranne buatte nipappasi Kristus tadea'u walahanna darua udde maola'a sambau walahannu taumata wakku, apan uaaukka ringanni Tou. Ringannu olangnge udde Kristus nangapiddu paddarame.

KOLOSE 2:14

wuṛṛu tate nanusi surattu utangnga su saruanni ite, apan nangonggolu atoranna mawakkata si ite. Ringannu nangarussan suratta udde su alu arussa, Ruata namappassa anambon aalae su saruanni ite.

KOLOSE 2:16

Ana waugu udde, imbaṛṛanganga mamalan taumata mapaasal᷊an kamiu su ola'u umanna ara'e ma'inumma ua'e, ara'e su ola'u manga allo wahewan agama, ara'e manga ramean wul᷊anna wakku, ara'e su ola'u allon Sabatta.

KOLOSE 2:21

“Arie pamita indi”, “Arie pattemma udde” “Arie pangeṛṛeta indi”?

KOLOSE 2:8

Ṛinone i yamiu paatehamma, arie ma'oman sara piaddu mamono'a si yamiu ringannu manga al᷊aṛṛa'u taumata apan tawe gunane, ewe'e tumba'u mangngal᷊iwu. Manga al᷊aṛṛa'a udde wal᷊ine wuassi Kristus, ewe'e wuassu ṛingiṛṛannu taumata sassane wuṛṛu wuassu manga ghaṛṛahon tembonannu runia.

KOLOSE 3:3

Ana waugu i yamiu natete, wuṛṛu wiakku uawuni su sambau ringanni Kristus sulal᷊ummu Ruata.

IBRANI 13:9

Imbaṛṛanga mapaawalan al᷊awo'u hatin al᷊aṛṛa'a apan ma'aheranga apan mangal᷊iwung kamiu. Naungngi ite ṛinone tohasannu apapia naungngu Ruata, eteudde apan mapia; imbaṛṛanga ringannu manga atoranna su ola'u anna. Manga taumatan tiwatta apan matuṛṛuta su manga atoranna udde tawe naasomba hunane.

YAKOBUS 4:4

I yamiu udde taumata mal᷊awangnga! I yamiu masingkate manungku amungkangu i yamiu uahahawen dunia, ne i yamiu sarun maola'a seettu Ruata? Nariaddi isai-sai apan maola'a hawen dunia indi, i tou maola'a seettu Ruata.

1 YOHANES 5:19

I ite masingkatta manungku i ite pussa'an Duata, salaiwe ahewallu runia indi su al᷊ungngu taṛṛinon Al᷊al᷊eo.