KOLOSE 1:9 - WUKE SUSI WATTI'U AL᷊AL᷊USASSA

⁹ Ana waugu udde i yami sidutu u'al᷊iomanni yamiu ro'en i yami naaringikka su ola'i yamiu. I yami naddorongnga su Ruata tadea'u Ghaṛṛahon Duata mangonggolu apande wuṛṛu asingkata si yamiu, na'oman sara i yamiu maasunna apa ipaapulun Duata.

KOLOSE 1:9 Iomraidhean Croise

DARALO 119:99

Pasasunna'u nangillembo wuassu pasasunnan manga huru'u, ana waugu i ya'u maṛingiddu manga parenta-Nu.

DARALO 143:10

Tantiroiwe i ya'u tumuṛṛutta apulu-Nu, ana waugu ete I'o Ruata'u. I'o masaṛṛionto'a, wuṛṛu sarun mangehetta si ya'u su lal᷊anna apan mal᷊aukka.

YOHANES 7:17

Taumata apan matuṛṛutta apulun Ruata, sarun maasingkatta tanne al᷊aṛṛa-U indi darantane wuassu Ruata ara'e wuassia-U sassane.

WATTI'U MANGA RASUL 12:5

Nariaddi i Petrus tataṛṛangante su tuttupanna; arawe manga jamaatta sidutu u'al᷊iomanni Petrus su Mawu ringannu atonna-tonna.

ROMA 12:2

Imbaṛṛangnga mattanno apulun dunia indi. Wala'e Ruata mandiaddi ririnu maola'a wakku, tadea'u i yamiu pia awawal᷊u. Ringannu aroddi yamiu wotongnge maasingkata apulun Duata – eteudde apa apan mapia wuṛṛu apan maal᷊uassa naung-Nge wuṛṛu apan nasuungnga.

1 KORINTUS 1:5

Ana waugu i yamiu tatahuananten Kristus, ne pabbiaṛṛanu naalate su al᷊awo'u inolaanna. Asingkannu su ola'u al᷊awo'u inolaanna udde tumanite malal᷊umma, wuṛṛu i yamiu masingkata mangaṛṛa'u apapandenu udde.

EFESUS 1:8

I Tou na'ola'a udde ana waugu i Tou lembon marangngu si ite, wuṛṛu darangngu udde nionggolla si ite ringannu al᷊awo'u apande wuṛṛu asingkata.

EFESUS 5:10

Paddea'awe maaillal᷊a apa apan maal᷊uassa naungngu Mawu.

EFESUS 5:17

Arie awodoanna, ewe'e panaṛṛasidde apa apan ipaapulu Mawu.

EFESUS 6:6

Arie ma'ola'a aroddi tumba'u su tempo i yamiu aellehanna, tumba'u ana see maasomba daralo wuassu taumata. Arawe ṛinone i yamiu ma'ola'a udde ere sangkatou allangngi Kristus apan tantal᷊anna tuttuṛṛuta apulun Duata ringannu ahewallu naungnga.

FILIPI 1:4

Wuṛṛu suapan i ya'u umal᷊iomanni yamiu sarangkanambone, i ya'u u'al᷊iomanna ringannu naungnga mal᷊uassa.

KOLOSE 1:6

Watti'a wuassu Ruata udde nassal᷊iawukke su ahewallu runia, wuṛṛu wiakku taumata sidutu aal᷊amatannu watti'a udde, ere lai wiakku nial᷊amatanna ro'en su tempo i yamiu naaringikka ola'u darangngun Duata wuṛṛu atonna-tonna nusippa sulal᷊ummu naungngu.

KOLOSE 3:16

Ṛinone manga al᷊aṛṛa'i Kristus apan napenen al᷊amatta umusippa sulal᷊ummu naungngu. Ṛinone i yamiu uatatantiro wuṛṛu uaaonggolu al᷊aṛṛa'a lembon apianne. Antaria'e Mazmur wuṛṛu manga daralo see manga antarin Saṛṛani; pangantarite hunan Duata ringannu apendamu aadiangkamanna sulal᷊ummu naungngu.

KOLOSE 4:12

Tabea wuassi Epafras. I tou lai wuassu walahannu. I tou allangngi Kristus Yesus, apan sidutu u'al᷊iomanni yamiu ringannu maṛṛimadda. I tou sussal᷊ande Ruata tadea'u pangangimannu mabal᷊i matohassa wuṛṛu i yamiu atonna-tonna natimmaddete, tadea'u i yamiu lai nasuungnga tuttuṛṛuta apulun Duata.

KOLOSE 4:5

Sulal᷊ummu paa'aukki yamiu ringannu manga taumata apan tawe mangngimanna, ṛinone i yamiu mabbiakka su atatul᷊idda wuṛṛu mappa'attu al᷊awo'u tempo mapia udde, ringannu mapia-pia.

1 TESALONIKA 5:17

wuṛṛu sidutu u'al᷊iomanna.

2 TESALONIKA 1:11

Ana waugu udde i yami sidutu u'al᷊iomanni yamiu. I yami u'al᷊iomanna tadea'u Ruata ma'ola'a si yamiu wotongnge mabbiakka tumuṛṛutta apulu-Ne; ana waugu udde i Tou namaggo si yamiu. Doronganna Ruata, ringannu taṛṛino-Ne, manuungngu apulu-Ne ma'ola'a apapia, wuṛṛu manuungngu anambon manara apan a'olaanni yamiu ana waugu mangngimanna si Kristus.

FILEMON 1:4

Suapan i ya'u umal᷊iomanna, i ya'u mannaggon arannu tuṛṛanga wuṛṛu maadiangkamanna su Ruata.

FILEMON 1:6

I ya'u u'al᷊iomanna tadea'u pasasangkatuṛṛangi ite ere manga taumata mangngimanna sarun mahessin pasasunna apan lembon wahewalla su al᷊awo'u al᷊amatta apan tatahuananni ite ana waugu uaaukka ringanni Kristus.

IBRANI 10:36

I yamiu ṛinone masabare, tadea'u i yamiu wotongnge mapa'ola'a apulun Ruata wuṛṛu ringannu aroddi yamiu manengkamma apa apan suete nipa'iren Tou.

IBRANI 13:21

Antimanna Ruata punnu paddarame udde manuungngi yamiu ringannu al᷊awo'u apapia apan pappandumanni yamiu ipa'ola'a apulu-Ne. Antimanna ringannu tatangngannu Mawu Yesus i Kristus, Ruata mammanara sulal᷊ummu naungngi ite, apa apan ipaapulu-Ne. Ṛinone Kristus raloanna saran mal᷊annu-l᷊annu! Amin.

YAKOBUS 1:5

Amungkangu pia sangkatou wuassu wallatti yamiu apan woddo, ṛinone i tou sumal᷊ande su Ruata, ne Ruata sarun mangonggolu apande si tou; ana waugu su al᷊awo'u taumata, Ruata sarun mangonggola ringannu naungnga mal᷊uassa wuṛṛu ringannu apendammu darangngu.

YAKOBUS 3:17

Arawe taumata apan pia apande niarantane wuassu surga, i tou paarorone atonna waresi, wua'udde maapulun paddarame, masaṛṛionto'a, wuṛṛu matuṛṛuta. I tou napenen darangngu, wuṛṛu mabbuan manga pallal᷊agu apan mapia. I tou tawe manamba'a wuṛṛu tawe mallilangkamal᷊e'a.

1 PETRUS 2:15

Ana waugu Ruata maapulu tadea'u ringannu manga inolaannu apan mapia i yamiu maṛṛapinga moṛṛongu taumata apan wagga maggahatto.

1 PETRUS 4:2

Ana waugu udde, ṛinone i yamiu sidutu mabbiakka su runia indi tuttuṛṛuta apulun Duata, wuṛṛu wal᷊ine tuttuṛṛuta apulun taumata.

1 YOHANES 2:17

Runia wuṛṛu al᷊awo'u sarannapa sulal᷊umme apan ipaapulun taumata, tantal᷊anna mabbul᷊i. Arawe taumata apan tuttuṛṛutta apulun Duata, sidutu mabbiakka saran mal᷊annu-l᷊annu.

1 YOHANES 5:20

I ite masingkatta manungku Ana'u Ruata suete nirumanta wuṛṛu suete nangonggolu pasasunna si ite, tadea'u i ite maaillal᷊a Ruata apan naṛṛino. I ite mabbiakka uaaukka ringannu Ruata apan naṛṛino wuṛṛu mabbiakka uaaukka ringannu Anang-Nge Yesus Kristus. Ete indi Ruata apan naṛṛino, wuṛṛu ete indi wiakka tutune wuṛṛu saran mal᷊annu-l᷊annu.

1 SAMUEL 12:23

Su ola'u watangangku, doronganna ya'u tawe lai marosa su saruannu Mawu ana waugu tawe niumal᷊iomanni yamiu. Arawe mawal᷊i'a lai ya'u sidutu mangngaṛṛa'a si yamiu inolaanna apan mapia wuṛṛu naṛṛino.