KOLOSE 1:7 - WUKE SUSI WATTI'U AL᷊AL᷊USASSA

⁷ Olangnge udde niapaasingkati Epafras si yamiu, hawe apan arangnguanni yami. I tou udde allangngi Kristus apan matuṛṛuta mammanara hunan kite.

KOLOSE 1:7 Iomraidhean Croise

REENGANNA 12:7

Arawe tawe aroddi su allang-Ku i Musa. Ete i tou taumata apan atuṛṛutanne su wallatu al᷊aṛṛana-U.

MATIUS 18:29

See hawene udde inumal᷊intuda su saruanni tou see sinumal᷊ande, ‘Paasabare asuene hawe, sarangkanambone sarun ta'u waeṛṛanna!’

MATIUS 24:45

Mawu Yesus nabbisara apia, “Amungkangngu aroddi, mangangimbe suapane apan matuṛṛutta wuṛṛu pande? Ete i tou sarun itenegu mawune maola'a tembonannu manga mangangimbe waine, tadea'u i tou mangagillu anna si mangitou su tempone.

MATIUS 25:21

‘Mapia,’ unnu mawu udde, ‘ete i'o mangangimbe apan mapia wuṛṛu matuṛṛutta. Ana waugu i'o apangimananna ringannu apan addio'a, i ya'u sarun manantillu anamboanne si'o. Suttate wuṛṛu lalluasse ringangku!’

1 KORINTUS 4:17

Ana waugu udde i ya'u buatte nandolokki Timotius ringanni yamiu. Sangkatou mallal᷊aṛṛenggenni Kristus, i tou naal᷊ihida ere ana'u sassane apan arangnguanna. I Tou ana'a apan wotongnge apangimananna. I Tou sarun mapaanaungnga si yamiu su ola'u lal᷊annu pabbiaṛṛanna apan a'olaangku, napawe i ya'u mangngimante si Kristus, eteudde lal᷊annu pabbiaṛṛanna apan iaaṛṛa'a su jamaatta su anambon tampa.

1 KORINTUS 4:2

Paarorone apan ṛaddeaanna wuassu mangangimbe aroddi, eteudde manungku i tou matuṛṛuta mawune.

1 KORINTUS 7:25

Orassa indi su ola'u manga taumata apan taambe naawingnga. Su ola'u hatto udde, i ya'u tawe naasengkamma parenta wuassu Mawu. Arawe su manga taumata ana waugu al᷊amattu Mawu wotongnge pangimananna, i ya'u maapulu mangonggolu tatantiro'u.

2 KORINTUS 11:23

I mangitou lai daroloṛṛanni Kristus? Aringiṛṛanna naal᷊ihida ere i ya'u inawul᷊ianten apande, arawe atonna i ya'u daroloṛṛanna apan lembon apianne wuassi mangitou sarangkanambone! I ya'u aṛṛimaranne mammanara, i ya'u asokkanne itaṛṛo sulal᷊ummu tuttupanna, i ya'u asokkanne sansaranna wuṛṛu masokka lai maraniten mate.

EFESUS 5:21

Tadea'u ipangadatta si Kristus, ṛinone i yamiu uatatal᷊antupa sangkatou ringannu waine.

FILIPI 2:25

Su ola'u tuṛṛangi ite Epafroditus apan nirolokki yamiu mallal᷊ima si ya'u, i ya'u mammendama mappianne i tou irolokka iapaawelengnga ringanni yamiu apia. I tou suete nallal᷊ima si ya'u sulal᷊ummu manara'u.

KOLOSE 4:12

Tabea wuassi Epafras. I tou lai wuassu walahannu. I tou allangngi Kristus Yesus, apan sidutu u'al᷊iomanni yamiu ringannu maṛṛimadda. I tou sussal᷊ande Ruata tadea'u pangangimannu mabal᷊i matohassa wuṛṛu i yamiu atonna-tonna natimmaddete, tadea'u i yamiu lai nasuungnga tuttuṛṛuta apulun Duata.

KOLOSE 4:7

Tikhikus, tuṛṛangngi ite apan arangnguanna, sarun mamasingkata si yamiu su ola'a alawo'u inolaangku. I tou matammuda mammanara ringanni yami hunan Mawu.

KOLOSE 4:9

Onesimus sarun inai su sampunna ringanni Tikhikus; i tou sangkatou wuassu walahannu. I tou taumata matuṛṛute, wuṛṛu i yami marangngu si tou. I tou wuṛṛu Tikhikus sarun mamasingkata si yamiu alawo'u apa apan nariaddi su tampa'u indi.

1 TIMOTIUS 4:6

Amungkangu i'o mangaṛṛa'u sarangkanambone udde su manga tuṛṛanga su pangangimanna sambau, i'o sarun maola'a mamamanaran Kristus Yesus apan mammanara ringannu mapia. Wuṛṛu i'o sidutu mappadul᷊i niawanu ringannu wisaran Duata apan pangngimananni ite, wuṛṛu ringannu manga al᷊aṛṛa'a apan atonna apan suete nipangimanannu al᷊annunete indi.

2 TIMOTIUS 2:2

Al᷊aṛṛa'a paarorone suete niaringiṛṛanu wuassia'u su saruannu awadaalla, ṛinone itantillu su manga taumata apan wotongnge apangimananna wuṛṛu pande mangaṛṛa'a taumata waine.

FILEMON 1:23

Epafras, apan suaddio'a ringangku sulal᷊ummu tuttupanna ana waugu Kristus Yesus, nandohon tabeane si'o.

IBRANI 2:17

Indi atappasanne manungku i Tou ṛinone maola'a uasul᷊unga ringannu manga tuṛṛa-Nge sulal᷊ummu al᷊awo'a. Wuṛṛu ringannu udde i Tou wotongnge maola'a Imam Wahewa apan matuṛṛuta wuṛṛu marangngu. Ringannu manara-Ne udde rosan taumata wotongnge aampunganna.

IBRANI 3:2

I Tou matuṛṛuta Ruata apan suete namile si Tou su manara udde, ere lai Musa rorone matuṛṛuta mappaamattu manarane su Wal᷊en Ruata.