KOLOSE 1:28 - WUKE SUSI WATTI'U AL᷊AL᷊USASSA

²⁸ Eteudde Kristus apan iwabbatti'i yami su anambon taumata. I yami mapaanaungnga wuṛṛu mangngaṛṛa'a si mangitou sarangkanambone ringannu al᷊awo'u apande. Tuddan kami eteudde tadea'u suapan taumata wotongnge iapidda ringannu Ruata, ere sangkatou taumata apan nahurangke su pangangimanna, ana waugu suete naaukka ringanni Kristus.

KOLOSE 1:28 Iomraidhean Croise

EZRA 7:25

Tuṛṛangnga Ezra, paata'e asingkatta apan buatte nionggollu Ruata su Tuṛṛangnga, wuṛṛu pamilete manga piaṛṛa'a wuṛṛu manga mallaṛṛuungnga tadea'u mamarenta anambon taumata su propinsi Efrat Waṛṛatta apan mabbiakka tumuṛṛuttu Titan Duatan Tuṛṛangnga. Ṛinone Tuṛṛangnga mangaṛṛa'u Tita udde su anambon taumata apan taambe naasingkatta.

AMSAL 8:5

I yamiu apan taambe natimu asingkatta su pabbiaṛṛanna, pangurumpe tadea'u ṛingirannu maṛṛoro; i yamiu apan longonna, pangurumpe tadea'u maola'a maasunna.

MANNANASE 12:9

Sangkatou Maṛṛaṛingidda udde pande wuṛṛu masingkatta. Ana waugu udde niaṛṛangnge su umatta al᷊awo'u asingkanne. Manambo sasanato'a nisal᷊umanne ana see i tou nanal᷊u'atta apapiane.

YEREMIA 3:15

I Ya'u sarun mangonggolla si yamiu manga mamamiaṛṛa'a apan matuṛṛutta si Ya'u. I mangitou sarun mamiaṛṛa'i yamiu ringannu asingkatta wuṛṛu napenen pasasunna.

YEREMIA 6:10

I ya'u sinumimbakka, “Mawu, ete sisai i ya'u ṛinone maggahatto, wuṛṛu isai apan ṛinone ta'u iapanaungnga? I mangitou puane maattikka wuṛṛu maddiri maddaringikka. I mangitou mallage'u wuṛṛu maddantinnu tanata-Nu apan ta'u niwal᷊o si mangitou.

YEHEZKIEL 7:10

Allon asasilaka su walahannu Israel nia'omante. Lal᷊aṛṛaga aatambanna. Awawunga ete nipangillembo.

MATIUS 28:20

Aṛṛa'ete i mangitou tuttuṛṛutta anambon parenta apan suete niparenta-U si yamiu. Wuṛṛu paanaunge, i Ya'u sarun maṛṛundinganna si yamiu saran panginsueannu runia indi.”

MATIUS 3:7

Manambo lai taumatan Farisi wuṛṛu Saduki nirumanta ringanni Yohanes maisaṛṛani. Arawe su tempo i tou naasilo si mangitou nirumanta, i tou nabbisara si mangitou, “I yamiu taumata lal᷊eo! Isai suete nabbal᷊o manungku i yamiu mal᷊iudda wuassu ṛuumannu Ruata apan sarun rumanta?

MATIUS 5:48

Iamangngu su surga mandangngu al᷊awo'u taumata ringannu nasuungnge. I yamiu sarun pa'ola'a lai aroddi.”

MARKUS 6:34

Su tempo Mawu Yesus sinumossokka wuassu saalanna, i Tou naasilo taumata manambo. I Tou inumakkanni mangitou, ana waugu i mangitou naal᷊ihidda domba apan tawe mallal᷊u'adde. Ne i Tou nanattakke mangngaṛṛa'u al᷊awo'u al᷊aṛṛa'a si mangitou.

LUKAS 21:15

I Ya'u sassane sarun mangonggolu wisara wuṛṛu apande udde, ma'oman tawe saran sangkatou wuassu manga seetti yamiu wotongnge lumawangnga ara'e massinaaddu apa apan suete niapaasingkatti yamiu.

WATTI'U MANGA RASUL 10:36

Manga tuṛṛangnga masingkate lal᷊oṛṛon watti'a apan niapaasingkattu Ruata su walahannu Israel. Eteudde Watti'u Al᷊al᷊uassa su ola'u padarame sulal᷊ummu Mawu Yesus Kristus, eteudde Mawun anambon taumata.

WATTI'U MANGA RASUL 11:20

Arawe wuassu wallattu manga taumata mangngimanna udde, apan darantane wuassu Siprus wuṛṛu Kirene, pia lai manga taumata inai watukku Antiokhia mamasingkattu Watti'u Al᷊al᷊uassa su ola'u Mawu Yesus udde su manga taumata apan agamane wal᷊ine Yahudi lai.

WATTI'U MANGA RASUL 13:38

Ana waugu udde manga tuṛṛangnga, i yamiu ṛinone maasingkata manungku sulal᷊ummu Mawu Yesus indi, watti'a su ola'u pangangampungnga rosa niapaasingkatta si yamiu; i yamiu ṛinone masingkatta manungku suapan taumata apan mangngimanna si Tou, iapaal᷊iu wuassu al᷊awo'u rosa apan tawe iapappassa sulal᷊ummu manga parenta Ruata apan niapaasingkatti Musa.

WATTI'U MANGA RASUL 17:18

Manga huru mallal᷊aṛṛenggenni Epikuros wuṛṛu Stoa uasasimbakki tou lai. Siri pira wuassi mangitou nabbisara, “Taumata indi masingkattu apa? Asingkanne tumba'u adio'a, arawe i tou tal᷊imoṛṛonganna!” Siri pirang katou waine nabbisara, “Lihidde i tou mabatti'u manga mongannu walahanna waine.” I mangitou nabbisara aroddi ana waugu i Paulus nabatti'u Mawu Yesus wuṛṛu su ola'u mabbiakka apia wuassu papate.

WATTI'U MANGA RASUL 17:3

Tumuṛṛuttu pinangianannu manga tatialan Wuke Susi i tou mannal᷊a'a wuṛṛu mammasingkatta manungku Ratum Punnu Sal᷊amatta apan pina'iren Ruata, ṛinone matataṛṛangnga wuṛṛu mabbiakka apia wuassu papate. “Mawu Yesus apan ta'u iapaasingkatta si yamiu udde, ete i Tou Ratum Punnu Sal᷊amatta apan pina'ire,” unni Paulus.

WATTI'U MANGA RASUL 20:31

Ana waugu udde paariagga! Paanaunge manungku tallu tonna al᷊annune ringannu anambon allommata, allo ṛabbi, ya'u tawe illol᷊one mangngaṛṛa'a awadaalla wuṛṛu si yamiu.

WATTI'U MANGA RASUL 3:20

Mawu sarun rumanta ringanni yamiu, wuṛṛu i yamiu sarun maapendamma atatohassa wakku sulal᷊ummu pangangimanna. Wuṛṛu Mawu sarun mandolokku Mawu Yesus rumanta ringanni yamiu, ana waugu i Tou suete tinantunnu Ruata maola'a Ratum Punnu Sal᷊amatti yamiu.

WATTI'U MANGA RASUL 5:42

Wuṛṛu miallo-miallo su Wal᷊e Mawu see lai su manga wal᷊en taumata, i mangitou sidutu mangngaṛṛa'a wuṛṛu mabatti'a Watti'u Al᷊al᷊uassa su ola'u Mawu Yesus manungku tumba'u i Tou Ratum Punnu Sal᷊amatta apan pina'ire udde.

WATTI'U MANGA RASUL 8:35

Ne i Filipus nanattakke mabbisara, i tou nappaattu manga tatialane udde ipanattaku Watti'u Al᷊al᷊uassa su ola'u Mawu Yesus su tembonanne wuassu Etiopia udde.

WATTI'U MANGA RASUL 8:5

I Filipus inaite watukku soan Samaria wuṛṛu nabbati'a su manga taumata poiaroddi su ola'u Ratum Punnu Sal᷊amatta apan pina'iren Ruata.

WATTI'U MANGA RASUL 9:20

I tou lapiddu rudanta su manga wal᷊em pattataṛṛamawuanna wuṛṛu mannattake mabatti'a manungku ete Mawu Yesus udde Ana'u Ruata.

ROMA 16:25

Daralo su Ruata! I Tou uataṛṛino mannohassa pangangimannu tuṛṛangnga nassul᷊ungngu Watti'u Al᷊al᷊uassa wuassu Ruata apan ta'u iapaasingkatta su ola'u Yesus Kristus. I ya'u namasingkatu watti'a udde nassul᷊ungngu ere apa apan niapaal᷊iatta'u Ruata; eteudde su ola'u paa'apulun Ruata apan mal᷊annute awaganannu taumata.

1 KORINTUS 1:23

Arawe i ite tumba'u mabbatti'i Kristus apan nate niarussa. Watti'a udde lai mammasendeka naungngu taumatan Yahudi, wuṛṛu sassunannu manga taumata wal᷊ine Yahudi udde awusu. Wuṛṛu taumata apan wal᷊ine Yahudi massunna udde sambau awawoddo.

1 KORINTUS 1:30

Ete Ruata sassane apan ma'ola'a si'o naaukka ringanni Kristus Yesus. Sulal᷊ummi Kristus i ite niola'a pande. Wuṛṛu sulal᷊ummi Tou lai Ruata na'ola'a si ite nassangkapia apia ringanni Tou, i ite niola'a al᷊aṛṛanang-Nge apan apianne, wuṛṛu napaal᷊iun kite wuassu alal᷊eo.

1 KORINTUS 12:8

Su sangkatou taumata, Ghaṛṛaho udde mangngonggolu apande ipabbisara ringannu saṛṛaungnga. Su taumata waine Ghaṛṛaho apan uasul᷊ungnga udde mangngonggolu apande ipanal᷊a'a su ola'u Ruata.

1 KORINTUS 15:12

Amungkangngu iwabbatti'i yami eteudde manungku Kristus buatte niapaawiakka wuassu papate, anio pia wuassu wallatti yamiu mabbisara manungku taumata nate tawe iapaawiakka apia?

1 KORINTUS 2:15

Taumata apan uatahuanna Ghaṛṛahon Duata wotongnge maatiala al᷊awo'u inolaanna, arawe tawe saran sangkatou wotongnge maatiala si tou.

1 KORINTUS 2:6

Salaiwe aroddi, su wallattu manga taumata apan wiakku pangangimanne nal᷊inte, atonna, i ya'u nabbisara su ola'u apapande. Arawe apapande indi wal᷊inewe apapanden runia, ara'e apapande manga tembonanne tempo indi, apan taṛṛinone sarun mawul᷊i.

1 KORINTUS 4:14

I ya'u namoṛṛettu indi si yamiu, wal᷊inewe pandumanne ipammansili si yamiu, ewe'e ipannantiro si yamiu ere al᷊aṛṛana'u sassane.

2 KORINTUS 10:14

Nariaddi, su tempo i yami nattembo si yamiu wuṛṛu nangapiddu Watti'u Al᷊al᷊uassa su ola'i Kristus si yamiu, i yami tawe nallinga passarannu leta'a pammanaranni yami.

2 KORINTUS 11:2

I ya'u luṛṛintulunu, ere Ruata sassane lai luṛṛintulun kamiu. I yamiu ere sangkatou maṛṛuala apan ta'e susi wuṛṛu buatte nipa'ire'u iapaawingngu sangkatou umbasanna, eteudde Kristus.

2 KORINTUS 4:5

Watti'a apan iwabbatti'i yami udde wal᷊inewe watti'a su ola'i ami sassane. Watti'a uddewe watti'a su ola'i Kristus; manungku eteudde i Tou Mawu; wuṛṛu ete i yami manga allang-Nge ana waugu i Tou.

EFESUS 3:8

Su wallatu anambon al᷊aṛṛana'u Ruata, ete i ya'u aral᷊eoanne. Arawe Ruata nangonggolu al᷊amatta indi si ya'u: Manara mammasingkatu Watti'u Al᷊al᷊uassa su taumata wal᷊ine Yahudi su ola'u paa'alan Kristus apan tawe masue;

EFESUS 5:27

Ringannu aroddi Kristus napararisikku jamaatta udde ringannu mawantuga wuṛṛu na'ukkassa su saruan-Ne, ringannu tawe sangkule ara'e angngone.

TAHIUL᷊E 4:5

Anambon tita udde ta'u niaṛṛa'a si yamiu ere buatte nirolokku Mawu Ruatanu. Tuṛṛute sarangkanambone udde su wanua apan sarun suttanna wuṛṛu atanaanna udde.

KOLOSE 1:22

Arawe orassa indi, ringannu papaten Anang-Nge, Ruata na'ola'a paa'aukki yamiu ringanni Tou maola'a mapia apia. Ringannu olangnge udde i yamiu wotongnge iapidda sumaruanna Ruata sulal᷊ummu asasuungnga, atatul᷊idda wuṛṛu tawe sal᷊ane.

KOLOSE 2:10

Wuṛṛu ana waugu mabbiakka uaaukka ringanni Kristus, i yamiu lai nionggol᷊annu wiakka apan nasuungnga. Ana waugu Kristus udde tembonannu al᷊awo'u ghaṛṛaho apan uataṛṛino wuṛṛu uaparenta.

KOLOSE 2:3

Ete Kristus apan nani'attu al᷊awo'u apande wuṛṛu asingkattu Ruata apan dorone uawuni.

KOLOSE 3:16

Ṛinone manga al᷊aṛṛa'i Kristus apan napenen al᷊amatta umusippa sulal᷊ummu naungngu. Ṛinone i yamiu uatatantiro wuṛṛu uaaonggolu al᷊aṛṛa'a lembon apianne. Antaria'e Mazmur wuṛṛu manga daralo see manga antarin Saṛṛani; pangantarite hunan Duata ringannu apendamu aadiangkamanna sulal᷊ummu naungngu.

KOLOSE 4:12

Tabea wuassi Epafras. I tou lai wuassu walahannu. I tou allangngi Kristus Yesus, apan sidutu u'al᷊iomanni yamiu ringannu maṛṛimadda. I tou sussal᷊ande Ruata tadea'u pangangimannu mabal᷊i matohassa wuṛṛu i yamiu atonna-tonna natimmaddete, tadea'u i yamiu lai nasuungnga tuttuṛṛuta apulun Duata.

1 TESALONIKA 4:6

Sulal᷊ummu olangnge ereudde, arie saran sangkatou ma'ola'a pasasal᷊a su tuṛṛangnge, ara'e mallinga. Dorone yami suete napaanaungnga ringannu atonna si yamiu, manungku Mawu sarun maṛṛuumannu manga taumata apan ma'ola'a manga pasasal᷊a ereudde.

1 TIMOTIUS 3:16

Taweddu saran sangkatou wotongnge massinaada, aroddi ahewalle addapingu agaman kite: I tou namasilon batanganne sulal᷊ummu lihiddu taumata, wuṛṛu niapaal᷊iatta'u Ghaṛṛahon Duata, see aellehannu manga mala'ekatta. Wattinge niapararingikka su wallatu manga walahanna, wuṛṛu i Tou apangimananna su ahewallu runia wuṛṛu niapaasengkenga su surga.

1 TIMOTIUS 3:2

Sangkatou mallal᷊u'adda jamaatta ṛinone taumata tawe sal᷊ane, tumba'u sangkatou awingnge, masabare, pande, wuṛṛu maaduna; i tou maapulu manol᷊oho raho su wal᷊ene, wuṛṛu wotongnge mangaṛṛa'a taumata;

IBRANI 10:14

Nariaddi ringannu sasamba sambau, i Kristus napaasuungngu manga taumata apan suete niwaresi wuassu rosa.

IBRANI 13:21

Antimanna Ruata punnu paddarame udde manuungngi yamiu ringannu al᷊awo'u apapia apan pappandumanni yamiu ipa'ola'a apulu-Ne. Antimanna ringannu tatangngannu Mawu Yesus i Kristus, Ruata mammanara sulal᷊ummu naungngi ite, apa apan ipaapulu-Ne. Ṛinone Kristus raloanna saran mal᷊annu-l᷊annu! Amin.

2 PETRUS 3:15

Pendamete manungku asasabbare Mawun kite maola'a sambau tempo apan nionggoli Tou si yamiu tadea'u wotongnge masal᷊amatta. Paulus, tuṛṛangi ite apan arangnguanna, suete namoṛṛeta aroddi lai si yamiu. I Tou namoṛṛetu udde ringannu apande apan nionggolu Ruata si tou.