KOLOSE 1:18 - WUKE SUSI WATTI'U AL᷊AL᷊USASSA

¹⁸ Ete i Tou tembonannu wuassu wadang-Nge, eteudde jamaatta, ana waugu ete i Tou punnu pabbawiakku jamaatta udde. Ete i Tou Ana'a pahul᷊une, apan paarorone niapaawiakka apia wuassu papate, tadea'u i Tou sassane apan maola'a apianne wuassu al᷊awo'u riadianna.

KOLOSE 1:18 Iomraidhean Croise

DARALO 89:27

I Tou sarun mabbisara si Ya'u, ‘Ete I'o Iamangku, Ruata'u, mallal᷊u'adda wuṛṛu mananal᷊ama'u.’

ANTARI MAWANTUGA 5:10

Arangnguangku maṛṛansanga wuṛṛu maṛṛamaga, mappianne wuassu siri mapul᷊o ṛiwu su atoune.

YESAYA 52:13

Mawu nabbisara, “Mangke atonna, allang-Ku sarun maasomba ina'ul᷊e; i tou sarun dal᷊oanna wuṛṛu itanggakka.

MATIUS 23:8

Arawe i yamiu, ariewe maapulu wagoanna ‘Iamangnga Huru’, ana waugu Hurunu tumba'u sambau wuṛṛu i yamiu sarangkanambone sangkatuṛṛangnganna.

MATIUS 28:18

Mawu Yesus nangundani mangitou wuṛṛu nabbisara, “Anambon taṛṛino su surga wuṛṛu su runia suete tinantilla si Ya'u.

YOHANES 1:1

Su paarorone, tantal᷊anna runia taambe niriaddi, Ṛengetanna udde piate. Ṛengetanna udde su sambau ringannu Ruata wuṛṛu Ṛengetanna udde uasul᷊ungngu Ruata.

YOHANES 1:16

I Tou napenen darangngu; tawe illol᷊one, i Tou mangngal᷊amatta si ite.

YOHANES 1:27

I Tou nirumanta sal᷊immurine wuassia'u, arawe mamu'a tal᷊in sapatu-Ne lai ya'u tawe wotongnge.”

WATTI'U MANGA RASUL 26:23

eteudde manungku Ratum Punnu Sal᷊amatta apan pina'iren Ruata udde ṛinone matataṛṛangnga, wuṛṛu maola'a taumata paarorone apan mabbiakka apia wuassu papate, tadea'u ringannu udde i Tou wotongnge mamasingkattu asasemakka – eteudde asasal᷊amatta – mapia su manga taumatan Yahudi aroddi lai su manga taumata apan bal᷊ine Yahudi.”

ROMA 8:29

I mangitou lai suete nipilen Duata, wuṛṛu buatte nitantuna lai wuassu paarorone maola'a massul᷊ungngu Anang-Nge, eteudde Yesus Kristus. Ringannu aroddi Anang-Nge naola'a paarorone su wallattu anambon manga tuṛṛangnga.

1 KORINTUS 11:3

Arawe i ya'u maapulu lai yamiu maasingkata sambau hatto, eteudde manungku apan maola'a tembonannu al᷊awo'u taumata esakka eteudde Kristus; apan maola'a tembonannu awingnge wawine eteudde awingnge esakka, wuṛṛu apan maola'a tembonanne wuassu Kristus eteudde Ruata.

1 KORINTUS 12:27

Tuṛṛangnga sarangkanambone apan suadio'a, eteudde wadangngi Kristus wuṛṛu i yamiu sambau-sambau lai eteudde wageangnge wuassu wadangnga udde.

1 KORINTUS 15:25

Kristus ṛinone sidutu uaparenta ma'oman sara Ruata ma'ola'a seetti Kristus massuṛṛubawa si Kristus.

EFESUS 1:10

Manara udde eteudde tadea'u al᷊awo'a, mawae udde su surga ara'e su runia, maola'a sambau ringanni Kristus ere sangkatou tembonanne. Wuṛṛu olangnge udde sarun insueannu Ruata amungkangu nia'omante tempone.

EFESUS 5:23

Ana waugu esakka maola'a piaṛṛa'u awingnge wawine, ere lai Kristus naola'a tembonannu jamaatta wuṛṛu i Tou sassane lai Ratum Punnu Sal᷊amattu jamaatta apan naola'a wadang-Nge.

KOLOSE 1:24

Orassa indi ya'u mal᷊uassa matataṛṛanga hunan kamiu. Ana waugu ringannu asasusan wadangku, i ya'u manuungngu apa apan ta'e ṛinone niapendamanni Kristus su jamaan-Ne, eteudde wadang-Nge.

KOLOSE 2:19

na'oman sara tate mangngimanna si Kristus apan naola'a tembonanne. Su al᷊ungngu piaṛṛa'i Kristus, ahewallu wadanga papadul᷊iananna wuṛṛu niammulla manga latto'anne, see tinumuwo tumuṛṛuttu apulun Duata.

1 YOHANES 1:1

Lal᷊oṛṛon suratta indi mannal᷊a'a ola'u Ṛengetanna apan mangngonggolu wiakka, eteudde Ṛengetanna apan piate ro'en wuassu al᷊amonane. I yami suete naaringikka, wuṛṛu suete naasilo matan kami sassane. I yami suete naellega, wuṛṛu suete nangagasu liman kami.

SONDAPPA 1:18

Ete i Ya'u i Tou apan wiakka! I Ya'u natete, arawe pa'elege, i Ya'u wiakka saran mal᷊annu-l᷊annu. I Ya'u uataṛṛino papate, wuṛṛu su wowon runian taumata nate.

SONDAPPA 1:5

wuṛṛu wuassi Yesus Kristus, mattatiala apan matuṛṛuta. Ete i Tou apan paarorone niapaawiakka apia wuassu papate wuṛṛu ete i Tou ahebbal᷊anne uaparenta manga ratun runia. Mawu Yesus mandangngu si ite, wuṛṛu ringannu papate-Ne, i Tou napaal᷊iung kite wuassu manga rosang kite,

SONDAPPA 1:8

“Ete i Ya'u apan paarorone wuṛṛu pangudusanne,” wisaran Mawu Ruatan, apan nirumanta, apan nirumantate, wuṛṛu nirumanta sarangkal᷊o'engnge, Apan Lembon Taṛṛino.

SONDAPPA 11:15

See mala'ekatta appitune nattiuppe trompeti tou, ne su surga niaṛṛingiṛṛante manga tingikka ma'ikkatta apan mabbisara, “Taṛṛino ipamarenta runia orassa indi sulal᷊ummu lima Mawung kite wuṛṛu Ratum Punnu Sal᷊amatta apan suete pina'ire-Ne. I Tou sarun mamarenta saran mal᷊annu-l᷊annu!”

SONDAPPA 21:6

See i Tou nabbisara, “Nasuete! Ete i Ya'u paarorone wuṛṛu pangudusanne; ete i Ya'u Mawu apan wuassu Panattaṛṛanne ma'omam Panginsueanne. Suapan taumata marou, Ta'u iapa'inumma ringannu tawe bawaekke, wuassu al᷊imatan ua'e apan mangngonggolu wiakka.

SONDAPPA 22:13

Ete i Ya'u apan paarorone wuṛṛu pangudusanne; Ete i Ya'u Mawu apan Panattaṛṛanne ma'oman sara Panginsueanne.”

SONDAPPA 3:14

“Su mala'ekattu jamaatta su Laodikia, woṛṛetta'a arendi: Ete indi tanata wuassu Awantuhanne Amin, Mattatiala apan matammuda wuṛṛu naṛṛino, punnu al᷊awo'u sarannapa apan niola'u Ruata.