KOLOSE 1:17 - WUKE SUSI WATTI'U AL᷊AL᷊USASSA

¹⁷ Tantal᷊anna taambe nariaddi sarangkanambone, Kristus uddete dorone. Wuṛṛu ana waugu i Tou lai, ne al᷊awo'u inolaanna su tampanete sambau-sambau.

KOLOSE 1:17 Iomraidhean Croise

DARALO 75:3

Ruata nabbisara, “Sutempo apan Ta'u nitantunna, i Ya'u sarun makkungnga ringannu atatul᷊idda.

YESAYA 44:6

Eteindi wisara Mawu Apan Lembontaṛṛino, Ratu mallal᷊u'adda Israel, “I Ya'u Ruata Apan Tinggassa, apan paarorone wuṛṛu panguddusanne.

MIKHA 5:2

Nariaddi, Mawu sarun mamalan uman-Ne tataṛṛinoannu manga seetti mangitou ma'oman sara wawine apan tinantunna mabbal᷊i inangngu piaṛṛa'a apan manungkangngi Tou. Wua'udde manga taumata sambalahanne apan poi su pamamuanganna sarun iammulla apia ringannu walahanni mangitou.

YOHANES 17:5

Iamangnga! Wantuhete i Ya'u orassa indi ringannu Iamangnga, ringannu awawantuga apan tatahuanang-Ku suadio'a ringannu Iamangnga ro'en runia indi taambe nariaddi.

YOHANES 8:58

Mawu Yesus sinumimbakka, “Atonna i Ya'u mabbisara si yamiu: Tantal᷊anna i Abraham taambe niasungkangnga, i Ya'u nariaddite.”

WATTI'U MANGA RASUL 17:28

Ere lai su wisaran taumata, ‘I ite wiakka wuṛṛu u'al᷊ore wuṛṛu uatana'a su runia indi ana waugu taṛṛinon Tou.’ Ere lai iwabal᷊o manga taṛṛa sasanato'i yamiu, i mangitou mabbisara, ‘Ete i ite sarangkanambone udde al᷊aṛṛanang-Nge.’

1 KORINTUS 8:6

Arawe si ite, Ruata tumba'u tinggassa. I tou Iamangnga apan nandiaddi sarangkanambone. Ete hunane si Tou i ite mabbiakka. Wuṛṛu Mawu tumba'u sambau lai, eteudde Yesus Kristus. Sulal᷊ummi Tou sarangkanambone niriaddi, wuṛṛu ana waugu ete i Tou i ite wiakka.

KOLOSE 1:15

Eteudde Kristus hambaranna apan matualaga wuassu watangannu Ruata apan tawe asiloanna; eteudde Kristus Ana'a pahul᷊une, apianne wuassu manga al᷊awo'u inolaanna.

IBRANI 1:3

Ete i Tou apan napaatualagu awawantugu Ruata apan lullendapa; ete i Tou hambarana apan masemakka wuassu wadangu Ruata sassane. Ete i Tou lai apan mammadul᷊i pa'a'aukku ul᷊ilim pati'uppa indi ringannu ṛengetan-Ne apan lembon mataṛṛino. Napawe i Tou suete namalan taumata nipallosa wuassu manga rosa mangitou, i Tou inuma'ianna su adderan araratuanna su surga su sambau ringannu Ruata, tembonanne apan atanggaṛṛanne.

IBRANI 13:8

Yesus Kristus uasul᷊ungnga, mapia rorone, orassa indi, wuṛṛu saran mal᷊annu-l᷊annu.

SONDAPPA 1:11

Tingikka udde nabbisara, “Woṛṛetta'a apa apan niasiloannu, wuṛṛu onggol᷊a'a wuke udde su pitu jamaatta apan isassago indi: Efesus, Smirna, Pergamus, Tiatira, Sardis, Filadelfia, wuṛṛu Laodikia.”

SONDAPPA 1:17

Su tempo i ya'u naasilo, i ya'u nassumaga su saruan-Ne ere taumata nate. Arawe i Tou namitan lima-Ne aikkatanna si ya'u see nabbisara, “Arie paata'utta! Ete i Ya'u apan paarorone wuṛṛu pangudusanne.

SONDAPPA 1:8

“Ete i Ya'u apan paarorone wuṛṛu pangudusanne,” wisaran Mawu Ruatan, apan nirumanta, apan nirumantate, wuṛṛu nirumanta sarangkal᷊o'engnge, Apan Lembon Taṛṛino.

SONDAPPA 2:8

“Su mala'ekattu jamaatta su Smirna, woṛṛetta'a arendi: Ete indi tanata wuassi Tou apan paarorone wuṛṛu pangudusanne – apan natete wuṛṛu nabbiakka apia.

1 SAMUEL 2:8

Wuassu asasusa Mawu namatunna taumata tawe darotongnge, wuassu asasahadda Mawu namallossu taumata lal᷊ebbone. I mangitou niola'a hawe manga ma'ala, wuṛṛu nionggol᷊annu manara apan a'addatanna. Rapappakku runia tatahuanannu Mawu, su wowone Mawu napararisikku runia.