KOLOSE 1:16 - WUKE SUSI WATTI'U AL᷊AL᷊USASSA

¹⁶ Ana waugu ete sulal᷊ummi Tou Ruata nandiaddi al᷊awo'u manga apa su surga wuṛṛu su wowon dunia, al᷊awo'u apa apan aasiloanna wuṛṛu apa apan tawe asiloanna, nasutta lai alawo'u ghaṛṛaho apan uataṛṛino wuṛṛu uaparenta. Ahewallu runia indi niola'a sulal᷊ummi Kristus wuṛṛu hunane si Kristus.

KOLOSE 1:16 Iomraidhean Croise

1 TAWARIKH 29:11

I'o lembon bahewalla, wuṛṛu uataṛṛino. I'o tinumelengnga wuṛṛu mawantuga. Al᷊awo'u saranapa su langitta wuṛṛu su runia uddewe tatahuanan-Nu. I'o ratu mawantuga, uataṛṛino al᷊awo'u lal᷊oṛṛone.

NEHEMIA 9:6

Wua'udde tumana'u Israel niumal᷊iomanna arendi, “Ete I'o Mawu, Ete I'o apan Lembontinggassa; I'o na'ola'a anumpitanna wuṛṛu ahewallu winalanganna, see lai tahal᷊oangnga wuṛṛu runia see al᷊awo'u lal᷊oṛṛone, see I'o nangonggollu pabbiaṛṛanna wuṛṛu I'o nappaddul᷊i. Ete Si'o al᷊awo'u taṛṛino su langitta u'al᷊intudda massubba; i mangitou niumaruutta Si'o wuṛṛu massaṛṛubbawa.

AMSAL 16:4

Al᷊awo'a apan niola'u Mawu pia pandumanne; wuṛṛu pandumannu taumata lal᷊eo eteudde papate.

YESAYA 43:21

Ete i mangitou walahanna apan Ta'u niola'a wuassu watangang-Ku, tadea'u wotongnge magion daralo si Ya'u.”

YESAYA 44:24

Etearendi wisara Mawu Mananal᷊amannu apan nandiaddi si'o ro'en ta'e sulal᷊ummu illoṛṛo, “Ete i Ya'u Mawu apan nandiaddi al᷊awo'a, apan sassane namilattu langitta, wuṛṛu taweddu nassumbala nandiaddi runia.

YOHANES 1:10

Ṛengetanna piate su runia, runia niola'a sulal᷊ummi Tou, arawe runia tawe maaillal᷊a si Tou.

YOHANES 1:3

Sarangkanambone niola'a sulal᷊ummi Tou, wuṛṛu wuassu al᷊awo'u apan piate, tawe saran sambau apan inola'a tawedi Tou.

ROMA 11:36

Ruata apan nandiaddi sarangkanambone. Sarangkanambone udde wuassu Ruata wuṛṛu udde lai hunane su Ruata. Paddalote Ruata ma'oman sarangkal᷊o'engnge! Amin.

ROMA 8:38

Ana waugu i ya'u mangngimanna atonna, manungku su ahewallu runia, mawae ete papate aroddi lai sulal᷊ummu mabbiakka, mawae ete mala'ekatta aroddi lai tembonannu runia, mawae ete papata'utta tempo indi aroddi lai su tempo addantane, ara'e manga taṛṛino apan waine;

ROMA 9:5

Ete i mangitou udde papapulunna wuassu iupungngu al᷊amonan kite. Kristus su olangnge ere sangkatou taumata wuassu walahanni mangitou. I Tou lembon atanggaṛṛanne wuassu sarangkanambone. Paddalote Ruata sarangkal᷊o'engnge! Amin.

1 KORINTUS 8:6

Arawe si ite, Ruata tumba'u tinggassa. I tou Iamangnga apan nandiaddi sarangkanambone. Ete hunane si Tou i ite mabbiakka. Wuṛṛu Mawu tumba'u sambau lai, eteudde Yesus Kristus. Sulal᷊ummi Tou sarangkanambone niriaddi, wuṛṛu ana waugu ete i Tou i ite wiakka.

EFESUS 1:10

Manara udde eteudde tadea'u al᷊awo'a, mawae udde su surga ara'e su runia, maola'a sambau ringanni Kristus ere sangkatou tembonanne. Wuṛṛu olangnge udde sarun insueannu Ruata amungkangu nia'omante tempone.

EFESUS 6:12

Ana waugu i ite mammanara, wal᷊inewe lumawangnga atatohassu manga setanna apan uaparenta su tempo apan lel᷊eo indi. I ite lumawangnga atatohassu manga ghaṛṛaho lal᷊eo apan uaparenta winalanganna.

TAHIUL᷊E 4:39

Ana waugu udde atimpu'ote su allo indi wuṛṛu arie abbul᷊iananna; Tumba'u Mawu uddewe Ruata su langitta wuṛṛu su runia; taweddu wal᷊ine.

FILIPI 2:10

Ne, tadea'u ipangadatta Mawu Yesus, anambon riadianna su surga, wuṛṛu su runia, see lai su al᷊ungngu runia sarun massubba si Tou.

KOLOSE 1:15

Eteudde Kristus hambaranna apan matualaga wuassu watangannu Ruata apan tawe asiloanna; eteudde Kristus Ana'a pahul᷊une, apianne wuassu manga al᷊awo'u inolaanna.

KOLOSE 1:20

Wuṛṛu sulal᷊ummu Anang-Nge udde lai Ruata naṛṛingida mandiaddi manga al᷊awo'a maaukka apia ringanni Tou – mawae udde su runia, ara'e lai su surga. Ruata nandiaddi udde wuassu papaten Anang-Nge su alu arussa.

KOLOSE 2:10

Wuṛṛu ana waugu mabbiakka uaaukka ringanni Kristus, i yamiu lai nionggol᷊annu wiakka apan nasuungnga. Ana waugu Kristus udde tembonannu al᷊awo'u ghaṛṛaho apan uataṛṛino wuṛṛu uaparenta.

KOLOSE 2:15

Su alu arussa udde Kristus na'ola'a al᷊awo'u ghaṛṛaho apan uaparenta wuṛṛu uataṛṛino naola'a tawe atatohanne. I mangitou naola'a wawialannu awadaalla su tempo Kristus nangapiddi mangitou ere taumatan ṛuumanna sulal᷊ummu amamattu awawantu-Ge.

IBRANI 1:2

Arawe su tempo panginsueanne indi Tou uahahattong kite sulal᷊ummu Anang-Nge. Sulal᷊ummu Anang-Nge indi Ruata nandiaddi ul᷊ilim pati'uppa. Wuṛṛu Ruata suete nanantuna lai manungku ete Anang-Nge indi apan manahuanna al᷊awo'u sarangkanambone.

IBRANI 2:10

Atonna su ṛinonete Ruata – apan nandiaddi ul᷊ilimpati'uppa ringannu panduman-Ne sassane – nandiaddi Mawu Yesus mananal᷊amatta apan nasuungnga sulal᷊ummu asasusa. Ringannu aroddi Ruata wotongnge mangahe taumata nambo iapawantuga suadio'a ringannu Mawu Yesus. Ana waugu ete i Tou mamamu'a lal᷊anna si mangitou tadea'u wotongnge iapaasal᷊amatta.

1 PETRUS 3:22

wuṛṛu suete nasengkenga su surga. Orassa indi i Tou uataṛṛino suaddio'a ringannu Ruata wuṛṛu uaparenta anambon malaekatta, anambon tembonanne see lai anambon atatohassa.