IMAMATTA 4:3 - WUKE SUSI WATTI'U AL᷊AL᷊USASSA

³ Amungkangngu na'ola'a rosa udde Imam Bahewalla, na'oman sara balahannu Israel nassal᷊ate lai, i tou ṛinone mangonggolu sambau sapi esakka saṛṛen tumuwo apan tawe angngone su saruannu Mawu tadea'u manga rosane ampunganna.

IMAMATTA 4:3 Iomraidhean Croise

2 TAWARIKH 29:21

Su sasamba aampungnga rosa amonannu ratu wuṛṛu tumana'u Yehuda, wuṛṛu hunan mapasusin Wal᷊en Mawu, i mangitou nangapiddu 7 sapi esakka, 7 domba esakka, 7 ana'u domba, wuṛṛu 7 ambinga esakka. Ratu nandolokku manga imam papapulunni Harun mangapiddu manga winatangnga su wowon mezbah apan maola'a sambau sasamba itattambunna.

EZRA 8:35

Su allo udde lai anambon taumata buatte nawelengnga wuassu pamamuanganna udde, nangonggollu sasamba itattambunna su Ruatan Israel. I mangitou nangonggollu 12 sapi esakka sasamban ahewallu Israel, 96 domba esakka wuṛṛu 77 ana'u domba; wal᷊ine wua'udde lai 12 ambinga maola'a sasamba aampungnga rosan batanganni mangitou sassane. Anambon winatangnga udde nitambunna maola'a sasamba su Mawu.

SASABANGNGA 29:14

Ṛemessa, pisi wuṛṛu tinain sapi esakka udde ṛinone itambunna su liuddu paddasananna. Eteudde maola'a aonggolla ipangampungnga rosan manga imam.

SASABANGNGA 29:21

Panganute addio'a daṛṛa su wowon mezbah wuṛṛu lanan lal᷊aghu addio'a, ana see alasa'e si Harun wuṛṛu manga anangnge wuṛṛu su laubbi mangitou. Ringannu olange aroddi i Harun wuṛṛu manga anangnge see laubbi mangitou niṛṛae ana waugu i Ya'u.

SASABANGNGA 29:7

Ana see panganute lana ipangal᷊amatta, lal᷊ina'a su wowon puane wuṛṛu lanaite i tou.

SASABANGNGA 30:10

Santonna paassa i Harun ṛinone ma'ola'a lal᷊aghun pangangukassa mezbah ringannu mangalassu daṛṛan binatangnga apan niola'a sasamba su tatandungnge appata maola'a aampungnga rosa. Olangnge udde ṛinone olaanna suapan tonna su al᷊o'engngu tempo. Mezbah udde ṛinone susi sarangkahewalle wuṛṛu ṛaea'e si Ya'u.”

YEHEZKIEL 40:39

Su panumbal᷊e wahewalla udde, pia appatu wau medda, darua suapan sandiṛṛanne. Ete su wowom manga medda udde nipototta winatangnga maola'a sasamba itattambunna, ara'e sasamba ipamappassa rosa ara'e sasamba wawaekka arugianna.

YEHEZKIEL 43:19

Tumba'u imam papapulunni Zadok wuassu ṛuangannu Lewi apan botongnge rumanta su saruannu adderan araratuang-Ku mapaamattu patataṛṛamawu. I Ya'u, Mawu Apan Atanggaṛṛanne apan namarentan olangnge udde. Onggol᷊a'e si mangitou sambau sapi esakka saṛṛen tumuwo su sasamba ipangampungnga rosa.

YEHEZKIEL 44:27

ana see inaite su rallakka sulal᷊ummu Wal᷊e-U, wuṛṛu mangonggollu sasamba ipamaresi watanganne tadea'u i tou wotongnge mammanara apia su Wal᷊e-U. I Ya'u, Mawu Apan Atanggaṛṛanne buatte nabbisara.

IMAMATTA 1:10

Amungkangngu niola'a sasamba udde sambau domba ara'e ambinga, winatangnga udde ṛinone esakka wuṛṛu tawe sangkulle.

IMAMATTA 1:3

Amungkangngu nionggola udde sambau sapi, winatangnga udde ṛinone esakka wuṛṛu tawe sangkulle. Sapi udde ṛinone iapiddi tou watukku ngaran Dasannu Mawu, tadea'u Mawu mal᷊uassa su taumata udde.

IMAMATTA 16:11

Napawe i Harun nangonggolu sasamba wuṛṛu namototta sapi esakka maola'a sasamba ipangampunga rosa su watanganne sassane wuṛṛu su amonanne,

IMAMATTA 16:3

Tumba'u ringannu mangonggolu sapi esakka saṛṛen tumuwo maola'a sasamba ipangampungnga rosa wuṛṛu sambau domba esakka maola'a sasamba itattambunna, i Harun botongnge maasutta su Wabbo'a Lembon Susi.”

IMAMATTA 16:5

Ana see ṛuangannu Israel nanantillu ambinga esakka darua si Harun maola'a sasamba ipangampungnga rosa wuṛṛu sambau domba esakka maola'a sasamba itattambunna.

IMAMATTA 16:6

I Harun ṛinone mangonggolu sambau sapi esakka maola'a sasamba ipangampungnga rosa su watanganne sassane wuṛṛu amonanne.

IMAMATTA 4:14

ne paal᷊ihakka napawe rosa udde niasingkatante, walahanna udde ṛinone mangapiddu sambau sapi esakka saṛṛen tumuwo su saruannu Rasanna Mawu. Winatangnga udde ṛinone ionggola maola'a sasamba ipangampunga rosa.

IMAMATTA 4:23

ne napawe i tou naatutukka, i tou ṛinone mangonggolu sambau ambinga esakka apan tawe sangkulle ipangampungnga rosane.

IMAMATTA 4:28

ne ringannu mal᷊ihakka napawe naatutukke, i tou ṛinone mangonggolu sambau ambinga wawine apan tawe sangkulle.

IMAMATTA 4:5

Sambageanganna wuassu daṛṛane ṛinone iapiddi tou sumutta sulal᷊ummu Rasanna.

IMAMATTA 5:6

Wuṛṛu su ipanubbussa rosane, i tou ṛinone mangapiddu sambau domba ara'e ambinga wawine su Mawu. Imam ṛinone mangonggolu sasamba udde tadea'u rosan taumata udde ampunganna.

IMAMATTA 6:18

Saran mal᷊annu-l᷊annu suapan esakka papapulunni Harun wotongnge umanna roti udde; eteudde wageangngi mangitou apan sidutu wuassu anna apan nionggola su Mawu. Taumata waine apan napangeṛṛetta anna apan buatte niola'a sasamba udde, sarun maasomba asasilaka ana waugu atatohassu asasusine.

IMAMATTA 8:12

Wua'udde i Musa nanenegi Harun ringannu nallal᷊innu addio'a lanan lal᷊aghu su puane.

IMAMATTA 9:2

Unni Musa si Harun, “Panganute sambau sapi esakka saṛṛen tumuwo wuṛṛu sambau domba esakka, itarua udde ṛinone tawe sangkulle. Onggol᷊a'e binatangnga darua udde su Mawu, sapi esakka maola'a sasamba ipangampungnga rosa, wuṛṛu domba esakka maola'a sasamba itattambunna.

IMAMATTA 9:3

Ana see doloṛṛa'e walahannu Israel mangonggolu sambau ambinga esakka maola'a sasamba ipangampunga rosa wuṛṛu sambau ana'u sapi wuṛṛu sambau lai ana'u domba apan sambau-sambau uukke santonna wuṛṛu tawe sangkulle maola'a sasamba itattambunna.

REENGANNA 16:22

Arawe i Musa wuṛṛu i Harun niumal᷊intudda nassubba wuṛṛu nabbisara, “Oh Ruata, tumba'u I'o apan mangngonggolu sasangngo su al᷊awo'a apan biakka. Amungkangngu tumba'u sangkatou apan narosa, apa I'o masa'u lai su anambon ṛuanganna?”

REENGANNA 8:8

Ana see i mangitou doloṛṛa'a mangal᷊appa sambau sapi esakka saṛṛen tumuwo ringannu sasamba ia'imbe wuassu taponna apan nilo'annu lana. Ana see i'o ṛinone manganu sapi esakka waine maola'a sasamba ipangampungnga rosa.

ROMA 8:3

Apa apan tawe ia'ola'u titan agama, ana waugu i ite taumata lome, udde buatte niola'u Ruata. Ruata napaaraun rosa wuassu pallal᷊agun taumata ringannu nandolokku anang-Nge sassane, apan nirumanta ere sangkatou taumata apan marosa, ana waugu manubussa rosa.

2 KORINTUS 5:21

Kristus tawe pasasal᷊ane, arawe Ruata na'ola'a si Tou uapasanna rosan kite, tadea'u i ite maaukka apia ringannu Ruata ana waugu susambau ringanni Kristus.

IBRANI 5:3

Wuṛṛu ana waugu i tou sassane lome, ne i tou ṛinone mangonggolu sasamba, wal᷊ine tumba'u ana waugu rosan taumata, arawe ana waugu rosane lai sassane.

IBRANI 9:12

Mawu Yesus sinumutta su Wabbo'a Lembon Susi sulal᷊ummu rasanna udde tumba'u paassa ma'oman sara mal᷊annu-l᷊annu. Su tempo udde i Tou tawe nangapiddu ṛaṛṛang kambinga esakka ara'e ṛaṛṛan ana'u sapi olaanna sassamba; i Tou nangapiddu ṛaṛṛan Tou sassane, wuṛṛu ringannu udde i Tou nanubusa rosang kite saran mal᷊annu-l᷊annu.