IMAMATTA 3:8 - WUKE SUSI WATTI'U AL᷊AL᷊USASSA

⁸ Isudde i tou ṛinone mangandangngu limane su wowon puan domba udde ana see imam ṛinone mangalassu daṛṛan domba udde su mezbah sandiṛṛanne appata.

IMAMATTA 3:8 Iomraidhean Croise

YESAYA 53:6

I ite sarangkanambone nial᷊iwune ere domba, sambau-sambau maddea'a lal᷊anne sassane. Mawu buatte nangema'a si tou al᷊al᷊eo kite sarangkanambone.

IMAMATTA 1:11

Taumata udde ṛinone maṛṛata winatangnga udde su samba'an sawannaku mezbah, ana see manga imam ṛinone mamokkan daṛṛane su sandiṛṛanne appata.

IMAMATTA 1:4

Ana see i tou ṛinone mangaddon limane su puan binatangnga udde, ne sasambane sarun sengkamannu Mawu ipangampungnga rosane.

IMAMATTA 1:5

Wua'udde sapi udde ṛinone ṛatanna su saruannu ngaran Dasanna. Daṛṛane ṛinone ionggolu manga imam papapulunni Harun su Mawu, ana see iwokka su mezbah sandiṛṛanne appata wuṛṛu su saruannu ngaran Dasanna.

IMAMATTA 3:13

Isudde i tou ṛinone mangandangngu limane su wowon puan ambinga udde ana see ṛatanna su saruannu Rasanna. Imam ṛinone mangalassu daṛṛan binatangnga su mezbah sandiṛṛanne appata.

IMAMATTA 4:15

Manga piaṛṛa'u walahanna udde ṛinone mangandangngu liman mangitou su wowon puan binatangnga udde, ana see makkata su tampa udde.

IMAMATTA 4:24

I tou ṛinone mangandangngu limane su puan binatangnga udde, ana see ṛatanna su samba'an sawannakku mezbah, su tampa pamototanna winatangnga olaanna sasamba itattambunna.

IMAMATTA 4:4

Sapi udde ṛinone iapidda watukku ngaran Dasannu Mawu. Imam Bahewalla ṛinone mangandangngu limane su wowon puan binatangnga udde, ana see maṛṛata sapi udde su saruannu Rasanna.

MATIUS 3:17

Wua'udde niaringikka tingikku Ruata nabbisara, “Ete indi Ana'u apan arangnguanna, i Tou ma'al᷊uassa naung-Ku.”

2 KORINTUS 5:19

I yami namasingkata manungku sulal᷊ummi Kristus, Ruata napaaukku taumata apia ringannu watangan-Ne. Ruata na'ola'a udde ringannu tawe naṛṛingiddu pasasal᷊a apan buatte niola'u taumata su saruannu watangan-Ne. Wuṛṛu i yami suete nirolokku Ruata iapapasingkatu Watti'a udde.

2 KORINTUS 5:21

Kristus tawe pasasal᷊ane, arawe Ruata na'ola'a si Tou uapasanna rosan kite, tadea'u i ite maaukka apia ringannu Ruata ana waugu susambau ringanni Kristus.

EFESUS 2:18

Sulal᷊ummi Kristus, i ite sarangkanambone – mawae taumatan Yahudi ara'e taumata wal᷊ine Yahudi – wuassu Ghaṛṛahon Duata man sambau, wotongnge mangundanin Iamangnga.

EFESUS 3:12

Ringannu mangngimanna si Kristus wuṛṛu ana waugu uaaukka ringanni Tou, i ite niwala wotongnge mangundanin Duata ringannu napenen pangangimanna.

1 PETRUS 2:24

Kristus sassane namasanna manga rosan kite su watangan-Ne roso su alu arussa, tadea'u i ite mapallosa wuassu taṛṛinon dosa, wuṛṛu mabbiakka tuttuṛṛuta apulun Duata. Ete manga lessan Kristus apan nangapia si yamiu.