IMAMATTA 3:16 - WUKE SUSI WATTI'U AL᷊AL᷊USASSA

¹⁶ Imam apan mammanara ṛinone manambunnu sarangkanambone udde su wowon mezbah. Hal᷊urun sasamba anna udde ma'al᷊uassa naungngu Mawu. Anambon tawan binatangnga udde ionggola su Mawu.

IMAMATTA 3:16 Iomraidhean Croise

PANDARIADDI 4:4

Ana see i Habel nanganu ana'u domba pahul᷊une sambau wuassu manga dombane, niṛṛata, ana see nangonggollu wageangnge apiane su Mawu. Mawu mal᷊uassa si Habel wuṛṛu aonggolle,

2 TAWARIKH 29:35

Waine lai wuassu sasamba itattambunna, manga imam nangonggolu tawa wuassu sasamba aadiangkamanna apan niinassu tumanangnge. I mangitou lai nangonggolu anggore apan nilal᷊inna suadio'a ringannu sasamba itattambunna udde. Etearoddi patataṛṛamawu su Wal᷊en Mawu nilaghu apia.

2 TAWARIKH 7:7

Ana see rallakka su wageangngu tangngane apan uasasaruannu wal᷊en patataṛṛamawuanna udde nitantilli Salomo su Mawu. Wua'udde i tou nangonggolu sasamba itattambunna isudde, sasamba gandumma wuṛṛu tawan binatangnga maola'a sasamban paddarame. Sarangkanambone udde nionggoli tou isudde ana waugu mezbah witu'a apan buatte niolangnge tawe pa'ionannu anambon sasamba udde.

SASABANGNGA 29:13

Wua'udde panganute tawane apan uapi'unna lal᷊oṛṛon tianne, wageangnge apan apianne wuassu ate wuṛṛu wabbatune ringannu tawane wuṛṛu addoa'e sarangkanambone udde su wowon mezbah wuṛṛu tutungke maola'a aonggolla si Ya'u.

SASABANGNGA 29:22

Anute tawan domba esakka udde, tol᷊ene apan pia tawane, ṛiwungkalune wuṛṛu lal᷊oṛṛon tianne, wageangnge apianne wuassu atene, wabbatune darua ringannu tawane, wuṛṛu palangnge aikkatanna.

YESAYA 53:10

Mawu mappandumma manungku i tou matataṛṛangnga, wuṛṛu manantillu watanganne maola'a sasamba ipamappassa rosa. Ne uukke sarun mal᷊o'engnga wuṛṛu maasilo papapulunne sulal᷊ummi tou apulu Mawu sarun mariaddi.

YEHEZKIEL 44:15

Mawu Apan Atanggaṛṛanne nabbisara, “Sutempo walahannu Israel nanantang-Ku, manga imam Lewi wuassu papapulunni Zadok sidutu satia mangngimbe si Ya'u su Wal᷊e-U. Ana waugu udde ete i mangitou apan orassa indi ṛinone mangimbe si Ya'u wuṛṛu rumanta su saruang-Ku mangapiddu tawa wuṛṛu daṛṛan sapi wuassu manga sasamba.

IMAMATTA 17:6

Imam ṛinone manebbokku daṛṛan binatangnga udde su manga sandiṛṛannu mezbah su saruannu ngaran Dasannu Mawu ana see manambunnu tawane tadea'u hal᷊urune maal᷊uassa naungngu Mawu.

IMAMATTA 4:26

Wua'udde anambon tawan binatangnga udde ṛinone itambunna su wowon mezbah, ere lai su sasamban paddarame. Etearoddi olangnge imam mangngonggolu sasamba ipangampunga rosan taumata tembonanne, ne taumata udde sarun ampungannu Mawu.

IMAMATTA 4:31

Anambon tawan binatangnga udde ṛinone anuanna naal᷊ihidda su sasamban paddarame. Tawane udde ṛinone itambunnu manga imam su wowon mezbah, tadea'u hal᷊urune ma'al᷊uassa naungngu Mawu. Etearoddi olangnge imam mangngonggolu sasamba ipangampunganga rosan tumana'u soa, ne taumata udde sarun ampungannu Mawu.

IMAMATTA 8:25

I Musa nanganu tawan domba udde, tol᷊ene apan matawa, anambon aṛiwungkalu apan uapi'unna lal᷊oṛṛon tianne, wageangnge apan apianne wuassu atene, wabbatune wuṛṛu tawane wuṛṛu leddane aikkatanna.

IMAMATTA 9:24

Inaṛṛombanganne Mawu nanossokku putungnga apan nanutungnga na'oman sara nasue sasamba itattambunna wuṛṛu manga wageangnge apan pia tawane su wowon mezbah. Su tempo ṛuangannu Israel naasilo i mangitou mangngintul᷊i wuṛṛu apiddu nassubba.

MATIUS 22:37

Mawu Yesus sinumimbakka, “Pandangngu Mawu Ruatanu ringannu ahewallu naungngu wuṛṛu ahewallu apulunu wuṛṛu ringannu al᷊awo'u apandenu.