IMAMATTA 3:1 - WUKE SUSI WATTI'U AL᷊AL᷊USASSA

¹ Amungkangngu sangkatou mangonggolu sapi maola'a sasamban paddarame, sapi udde wotongnge esakka, wotongnge lai wawine, arawe imbaṛṛangnga pia sangkulle.

IMAMATTA 3:1 Iomraidhean Croise

1 TAWARIKH 21:26

Ana see i Daud napararisikku sambau mezbah Mawu isudde, wuṛṛu nangonggolu sasamba itattambunna see lai sasamban paddarame. Wua'udde i tou inumal᷊iomanna ne Mawu sinumimbakka aal᷊iomanne udde ringannu nanossokku putungnga wuassu langitta apan nanutungnga manga sasamba apan uarandanga su mezbah udde.

SASABANGNGA 20:24

I Ya'u ola'ete sambau mezbah waussu leta'a, ana see onggola'e isudde domba wuṛṛu sapinu maola'a sasamba itattambunna wuṛṛu sasamba paddarame. Su al᷊awo'u tampa apan buatte nitantunna si yamiu maola'a tampa patataṛṛamawuanna si Ya'u, i Ya'u sarun dumanta wuṛṛu mangal᷊amatta si yamiu.

SASABANGNGA 24:5

Ana see i Musa nandolokku manga pira umbasanna, wuṛṛu i mangitou nangongolu sasamba itattambunna su Mawu wuṛṛu namototta manga pira sapi maola'a sasamban paddarame.

SASABANGNGA 29:28

Ete indi apulu-U apan tate wotongnge iawal᷊u; Su tempo al᷊aṛṛana-U nirumanta mangonggolu sasamban paddarame, samba'a wuṛṛu palangngu winatangnga udde maola'a wageangngu manga imam. Eteudde aonggolu al᷊aṛṛana-U si Ya'u.

AMSAL 7:14

“Allo indi ṛinone i ya'u mamaekka riadi'u, wuṛṛu ringannu udde buatte nangonggollu sasamba.

YEHEZKIEL 43:27

Napawe pitu allo udde nal᷊iudde, manga imam ṛinone mannattakke mangonggollu sasamba itattambunna wuṛṛu sasamban paddarame maola'a hausannu umatta. Ne i Ya'u mal᷊uassa ringanni yamiu sarangkanambone. I Ya'u, Mawu Apan Atanggaṛṛanne buatte nabbisara.”

IMAMATTA 1:10

Amungkangngu niola'a sasamba udde sambau domba ara'e ambinga, winatangnga udde ṛinone esakka wuṛṛu tawe sangkulle.

IMAMATTA 1:3

Amungkangngu nionggola udde sambau sapi, winatangnga udde ṛinone esakka wuṛṛu tawe sangkulle. Sapi udde ṛinone iapiddi tou watukku ngaran Dasannu Mawu, tadea'u Mawu mal᷊uassa su taumata udde.

IMAMATTA 17:5

Parenta udde pandumanne tadea'u walahannu Israel mangapidda watukku Rasanna Mawu anambon binatangnga sasamba apan inanaramanne pappototanni mangitou su wailla. I mangitou ṛinone mangapiddu aonggola udde su imam su saruannu ngaran Dasannu Mawu wuṛṛu pototanna isudde maola'a sasamban paddarame.

IMAMATTA 3:6

Amungkangngu nionggola maola'a sasamban paddarame udde sambau domba ara'e ambinga, winatangnga udde wotongnge esakka, wotongnge lai wawine, arawe tawe wotongnge pia sangkulle.

IMAMATTA 9:18

Ana see i tou naṛṛata lai sapi esakka sambau wuṛṛu domba esakka sambau maola'a sasamban paddarame su taumata. Manga ana'i Harun nanoggokku daṛṛan binatangnga udde si tou, ana see i tou namokka su mezbah sandiṛṛanne appata.

IMAMATTA 9:4

Doloṛṛa'e lai i mangitou mangonggolu sambau sapi esakka wuṛṛu sambau ambinga esakka maola'a sasamban paddarame. Sarangkanambone udde ṛinone ionggoli mangitou su Mawu suadio'a ringannu sasamba ia'imbe apan pia lanane, ana waugu allo indi Mawu nirumanta ringanni mangitou.”

AMOS 5:22

Amungkangngu i yamiu mangapiddu sasamba itattambunna wuṛṛu gandumma, i Ya'u maddiri manengkamma. I Ya'u maddiri manengkamma manga winatangngu apan mangkatawa udde apan ionggolli yamiu si Ya'u maola'a sasamban paddareme.

MALEAKHI 1:14

Niawontohante iapa taṛṛa wahia apan mangngonggollu sasamba si Ya'u winatangnga apan tawe aregane, amungkangngu suwallattu winatangnga papadul᷊iananna pia binatangnga apan mapia apan buatte nipa'irene si Ya'u! Ana waugu ete i Ya'u Ratu Mawantuga, wuṛṛu aaddatannu anambon balahanna.”

MALEAKHI 1:8

Amungkangngu i yamiu mangonggollu sasamba si Ya'u winatangnga apan wuta, apan maradda'a ara'e lome, wal᷊inewe udde inolaanna apan nassal᷊a? Annama'o pangonggollu winatangnga ereudde su gubernure! Apa i tou sarun mal᷊uassa wuṛṛu ma'ola'a si yamiu ringannu mapia?”

REENGANNA 15:8

Amungkangngu nionggola udde sambau sapi esakka olaanna sasamba itattambunna ara'e sasamba wawaekka riandi ara'e sasamban paddarame,

REENGANNA 6:14

ringannu mangapidda su Mawu tatallu winatangnga apan tawe sangkulle; sambau ana'u domba esakka uukke santonna maola'a sasamba itattambunna, sambau lai ana'u domba wawine uukke santonna maola'a sasamba aampungnga rosa, wuṛṛu sambau domba esakka maola'a sasamban paddarame.

TAHIUL᷊E 12:27

Sasamba itattambunna wuṛṛu sasamba apan a'inasanna ṛamenene ṛinone ionggola su wowon mezbah Mawu Ruatanu wuṛṛu daṛṛane iwoso su wowon mezbah udde.

KOLOSE 1:20

Wuṛṛu sulal᷊ummu Anang-Nge udde lai Ruata naṛṛingida mandiaddi manga al᷊awo'a maaukka apia ringanni Tou – mawae udde su runia, ara'e lai su surga. Ruata nandiaddi udde wuassu papaten Anang-Nge su alu arussa.

IBRANI 10:22

Ana waugu udde, wette i ite mangundani Ruata ringannu naungnga matul᷊ida wuṛṛu pangangimanna apan matohassa; ringannu naungnga apan suete niukassa wuassu apendamma apan sal᷊a, wuṛṛu ringannu wadangnga apan suete niukkassu ua'e waresi.

1 YOHANES 1:3

Apa apan suete niasiloanna wuṛṛu niaringiṛṛani yami, eteudde lai apan iappasingkati ami si yamiu, tadea'u i yamiu suadio'a ringanni ami wotongnge maapendamma wiakka uaaukka ringannu Iamangnga wuṛṛu ringannu Anang-Nge Yesus Kristus.

MAL᷊AṚṚUUNGNGA 20:26

Ne walahannu Israel inaite apia watukku Betel wuṛṛu nilumuai su Mawu. Poiaroddi i mangitou tawe niumanna naddatingngu ṛabbi wuṛṛu nangonggolu sasamban paddarame see lai sasamba itattambunna su Mawu.

MAL᷊AṚṚUUNGNGA 21:4

Tiṛabbine marua allo atonna, walahannu Israel napararisikku sambau mezbah isudde, ana see nangonggolu sasamba itattambunna wuṛṛu sasamban paddarame su Mawu.