IMAMATTA 26:9 - WUKE SUSI WATTI'U AL᷊AL᷊USASSA

⁹ I Ya'u sarun mangal᷊amatta si yamiu wuṛṛu mangonggolu ana'a pulunna apan manambo si yamiu. Apa apan buatte Ta'u pina'ire si yamiu, i Ya'u sarun mapaatipussa.

IMAMATTA 26:9 Iomraidhean Croise

PANDARIADDI 1:28

Wua'udde Ruata nangal᷊amatta si mangitou ringannu wisara “Paṛṛitete ringannu paanambo tadea'u papapulunnu mamanua su ahewallu runia wuṛṛu mamarenta sarangkanambone udde. I yamiu Ta'u iapamanara mallu'adda manga inassa, manga manu'u winalanganna, wuṛṛu manga winatangnga matengnga waine.

PANDARIADDI 17:20

Arawe i Ya'u mangutungngu darorongngu su ola'i Ismael. Ana wugu ude i tou Ta'u al᷊amatanna wuṛṛu Ta'u onggol᷊annu papapulunna apan manambo. I tou sarun maola'a al᷊amona mapul᷊o dua piaṛṛa'u ṛuanganna, wuṛṛu papapulunne sarun Ta'u olaana sambau balahanna apan bahewalla.

PANDARIADDI 22:17

i Ya'u sarun mangal᷊amatta si'o ringannu lumambalanna wuṛṛu ma'ola'a papapulunnu anambone naal᷊ihidda anumputanna su langitta wuṛṛu anambone naal᷊ihidda anne su apannu tahal᷊oangnga. Anangngu pulunnu sarun malluṛṛugu manga seetti mangitou.

PANDARIADDI 26:4

I Ya'u sarun mangonggola si'o ana'a papapulunna anambone ere anumpitanna su langitta, wuṛṛu ahewallu leta'a indi sarun Ta'u ionggola si mangitou. Anambon balahanna su runia sarun sumal᷊ande si Ya'u tadea'u i Ya'u mangal᷊amatta si mangitou ereapa i Ya'u buatte nangal᷊amatta papapulunnu.

PANDARIADDI 28:14

Papulunnu anambone ere awu su runia. I mangitou sarun manggewalla leta'i mangitou watukku al᷊awo'u tampa, wuṛṛu wua si'o wuṛṛu papapulunnu, i Ya'u sarun mangal᷊amatta anambon balahanna su runia.

PANDARIADDI 28:3

Antimanna Ruata Lembon Taṛṛino mangal᷊amatta pa'a'awingngu wuṛṛu mangonggolla si'o ana'a papapulunna apan manambo, ma'oman sara i'o maola'a al᷊amonan balahanna manambo!

PANDARIADDI 48:4

I tou buatte nabbisara si ya'u, “I Ya'u sarun mangonggolla si'o manambo ana'a pulunna, tadea'u papapulunnu maola'a manambo balahanna; i Ya'u sarun mangonggolu wanua indi su papapulunnu maola'a pussa'a mangitou saran mal᷊annu-l᷊annu.”

PANDARIADDI 6:18

arawe si'o, i Ya'u ṛinone ma'ola'a paaire. Suttate sulal᷊ummu apalla udde suadio'a ringannu awingngu, wuṛṛu al᷊aṛṛanangngu wuṛṛu manga awingngi mangitou.

1 MARARATU 3:8

I ya'u uatana'a su pattangngannu walahanna apan buatte nipile-Nu maola'a uman-Nu sassane. I mangitou sambau walahanna wahewalla apan tawe iareengnga anambone.

2 MARARATU 13:23

Arawe Mawu marangnge walahan-Ne wuṛṛu nangampunga si mangitou. I Tou maddiri mamalan mangitou pateanna, arawe nangontolla si mangitou, ana waugu pa'aire-Ne si Abraham, si Ishak wuṛṛu si Yakub. Na'oman sara orassa indi i Tou tawe maabul᷊in walahan-Ne.

NEHEMIA 2:20

I ya'u sinumibakka, “Ruata tembonanne su surga sarun ma'ola'a manaran kami mahessi. I yami uddewe manga allang-Nge wuṛṛu i yamiu manattakke mapararisikka. Arawe i yamiu tawe taṛṛino ara'e pussa'a saran sambau su Yerusalem. Ewe'e lai amungkangngu pia taumata mabbisara su ola'u Yerusalem, arannu tate lai isaggo.”

NEHEMIA 9:23

I'o na'ola'a papapulunni mangitou anambone ere manga anumpitanna su winalanganna. I'o nangonggollu leta'a si mangitou maola'a tampa atatanaanne, leta'a apan buatte nipa'ire-Nu su iupungngu al᷊amonane.

DARALO 107:38

Mawu nangonggolu ana'a manambo si mangitou, wuṛṛu winatangngi mangitou sidutu aatambanna.

DARALO 89:3

Ana waugu i ya'u masingkatta darangngu-Nu tawe panginsueanne, apapia-Nu matohassa ere langitta.

SASABANGNGA 1:7

Arawe papapulunni mangitou, eteudde manga taumatan Israel, naṛṛana'e napulunna manambo atonna, wuṛṛu reenganni mangitou a'atambanna mal᷊ihakka atonna, na'oman sara wanua Mesir napene mangitou.

SASABANGNGA 2:25

I tou naasilo manga taumatan Israel niallangnga, ne i tou nakkawessa inai mantul᷊ungngi mangitou.

SASABANGNGA 6:4

I Ya'u naaringikke sasal᷊iomannu taumatan Israel apan niallangngu walahannu Mesir, ana see i Ya'u naaringikka pa'aire-U udde.

YESAYA 55:3

Paddaringikke, ei pabbawala-U, rantate ringang-Ku, i yamiu sarun Ta'u onggol᷊annu wiakka tutune. Ringannu darangngu wuṛṛu tatuṛṛutta apan pina'ire-U si Daud, i Ya'u nangiittu riandi apan tawe auddusanne si yamiu.

YEREMIA 23:3

Arawe manga uma-U lambene sarun Ta'u iammulla wuassu manga wanua sutempan mangitou Ta'u niwuangnga. I mangitou sarun Ta'u iapidda mabbelengnga apia watukku leta'a niariaddianni mangitou wuṛṛu papapulunni mangitou sarun a'atambanna anambone.

YEREMIA 23:4

I Ya'u sarun mamile piaṛṛangnge iapapaddul᷊i si mangitou. Uma-U tate mata'utta wuṛṛu lai suminggawangnga; tawe sarana sangkatou wuassi mangitou apan mawul᷊i. I Ya'u, Mawu, buatte nabbisara.”

YEREMIA 33:3

“Sal᷊andete si Ya'u, ne i Ya'u sarun sumimbakka; sarun Ta'u iapasingkatta si yamiu manga inolaanna apan maṛṛamaga wuṛṛu maatiangnga apan ta'e awaganannu.

YEHEZKIEL 16:62

I Ya'u sarun ma'ola'a pa'aire apan bakku ringannu. Ne i'o maasingkatte manungku ete i Ya'u Mawu.

YEHEZKIEL 36:9

I Ya'u uasamba'a si yamiu ei Israel, wuṛṛu i Ya'u manantunna ringannu atonna manungku letangngu sarun pasol᷊anna apia wuṛṛu asi'annu wualanna.

IMAMATTA 26:15

amungkangngu i yamiu lumawangnga pa'aire apan Ta'u niola'a ringanni yamiu wuṛṛu maddiri tumuṛṛutta manga ṛarawessa wuṛṛu manga titale,

LUKAS 1:72

Wuṛṛu mammasilo naungnge mapia su iupungngu al᷊amonang kite, pa'aire-Ne apan naukkassa sarun tipusan-Ne.

TAHIUL᷊E 28:11

I yamiu sarun onggol᷊annu manambo ana'a. Winatangnga papadul᷊ianannu manambo wuṛṛu hessin letangngu nilumambalanna su wanua apan nipa'iren Mawu su iupungngu al᷊amonanu apan ionggola si yamiu.

TAHIUL᷊E 28:4

Nial᷊amatante i yamiu, ma'oman sara manga anangngu manambo, hessin letangngu lumambalanna wuṛṛu sapi see lai ambingnga dombanu anambone a'atambanna.

TAHIUL᷊E 7:13

I Tou sarun marangngu wuṛṛu mangal᷊amatta si yamiu, mao'man sara anangngu manambo, wuṛṛu reengannu a'atambanna. I Tou sarun mangal᷊amatta manga wawail᷊annu, na'oman sara maghesin gandumma, anggore wuṛṛu lanan zaitun. I Tou sarun mangal᷊amata si yamiu na'oman sara manambo sapi wuṛṛu ambinga dombanu. Anambon al᷊amatta udde sarun sengkamanni yamiu su wanua apan ionggolu Mawu si yamiu, uasul᷊ungngu paaire-Ne su iupungngu al᷊amonanu.

IBRANI 8:9

Wal᷊ine ere pa'aire apan niola'u Ruata su iupungngu al᷊amona mangitou su tempo i Ya'u mangngehetta si mangitou sumabangnga wuassu leta'u Mesir. I mangitou mal᷊awangnga su pa'aire apan suete Ta'u niola'a ringanni mangitou; ana waugu udde i Ya'u tate mappanduma si mangitou.