IMAMATTA 26:16 - WUKE SUSI WATTI'U AL᷊AL᷊USASSA

¹⁶ i yamiu sarun Ta'u iṛṛuumanna. I Ya'u sarun mandantan asasilaka si yamiu, radda'a wuṛṛu sal᷊iubba apan tawe ia'undamma, ma'oman sara matanu mabbal᷊i wuta wuṛṛu i yamiu mabbiakka sansara. I yamiu sarun mabbailla arawe tawe maal᷊ewa hessine, ana waugu manga seennu sarun dumanta mamaddon kamiu wuṛṛu manginsue sinuanannu.

IMAMATTA 26:16 Iomraidhean Croise

1 MARARATU 8:37

Amungkangngu wanua indi naṛṛiaannu ṛutumma ara'e al᷊aṛṛussa'itta, wuṛṛu manga sasuanna naṛṛangu su anginna mal᷊oso, radda'a ara'e niinassu taṛṛangassa, ara'e amungkangngu uman-Nu pangaloannu seetta, ara'e nirumadda'a,

AYUB 18:11

Taumata lal᷊eo niṛṛumoron atata'utta wuassu al᷊awo'u pappi'uanne; atata'utta uatantalongnga su manga lempangnga.

AYUB 20:25

I tou naṛṛinoannu anaanna, na'oman sara nal᷊essa; pentakku anaanna apan mal᷊endappa nallappassa su waddangnge, ne atata'utta namene naungnge.

AYUB 31:8

ne wala'e taumata waine umanna anna apan ta'u niasi'a, wuṛṛu anambon inasaharangku maṛṛimunsa'a.

DARALO 109:6

Pilete sangkatou taumata lal᷊eo iapaṛṛuungnga si tou, wala'e i tou iala'e manga ro'amme.

DARALO 73:19

Tumba'u sulal᷊ummu sangkaṛondappa i mangitou nate, panginsuenni mangitou tumaniten maata'utta.

DARALO 78:33

Ne Ruata nanginsue wiakki mangitou naal᷊ihidda sasangngo, manga tonna ipabbiakki mangitou nasue sulal᷊ummu atata'utta.

SASABANGNGA 15:26

Unnu Mawu, “Paatuṛṛutte si Ya'u ringannu atonna-tonna, wuṛṛu pa'ola'e apa apan aellehang-Ku mapia; paatuṛṛutte anambon parenta-U. Amungkangngu i yamiu ma'ola'a aroddi, yamiu tawe Ta'u iṛṛuumanna ringannu manga radda'a apan Ta'u niaparanta su taumata Mesir. Ete i Ya'u Mawu apan nangapia si yamiu.”

AMSAL 3:33

Mawu mamontoga wal᷊en taumata lal᷊eo, arawe mangngal᷊amatta wal᷊en taumata apan matuṛṛutta si Tou.

YESAYA 10:4

Pal᷊addu pabbiaṛṛannu tumba'u pateanna sulal᷊ummu pangalo ara'e ehetanna maola'a taumata niatawanna. Arawe Mawu ta'e sidutu massa'u wuṛṛu ta'e makkuumanna.

YESAYA 62:8

Mawu buatte na'ire ringannu sasalu wuṛṛu sarun mapaamatta ringannu taṛṛino-Ne: “I ya'u tate lai mangonggollu gandummi yamiu su seetta; taumata raho tate lai ma'inumma anggori yamiu apan nireaanni yamiu ringannu mattinsahadda.

YESAYA 7:2

Napawe ratun Yehuda naaringikka manungku tantaran Siria sinumuttate su wageangngu Israel narambauten Israel, i tou wuṛṛu pabbawalage mangke matta'utta, na'oman sara i mangitou mangngiladda naal᷊ihidda punnu alu apan ia'io'u anginna.

YEREMIA 12:13

Walahang-Ku mangngasi'u ganduma, arawe ete ṛoa'a apan niitingnga. I mangitou mattinsahadda arawe sahadde udde tawe gessine. I Ya'u tumaniten nasa'u na'oman sara pangitinganni mangitou tawe loṛṛone.”

YEREMIA 15:3

I Ya'u, Mawu, buatte nanantunna manungku appatta ṛuumanna apan ma'ata'utta sarun mariaddi si mangitou: i mangitou sarun mate sulal᷊ummu pangalo, winal᷊unanni mangitou sarun wol᷊engannu asu, inasannu manu'u winalanganna, wuṛṛu insueannu winatangnga mal᷊aṛṛaga.

YEREMIA 15:8

Wanuanu sarun mapenen inawal᷊uanna, lumebbe wuassu anne su apanne anambone. Manga taumata sarun Ta'u pateanna sutempo ta'e umbasanna na'oman sara inangngi mangitou massusa. Sutempo allo i Ya'u mandanta sangkatou taṛṛa pate si mangitou ma'oman sara i mangitou maapendamma atata'utta wuṛṛu ussinggawangnga.

YEREMIA 20:4

Mawu sassane nabbisara, ‘I'o sarun Ta'u olaanna pangalo su watangannu sassane wuṛṛu su manga hawenu. I'o sarun maasilo i mangitou pateannu seetti mangitou. Anambon taumatan Yehuda sarun Ta'u iwala tataṛṛinoannu ratun Babel; sambageanganna wuassi mangitou sarun iapidde maola'a tawananna watukku Babel, wuṛṛu lambene sarun pateanna.

YEREMIA 5:17

I mangitou sarun manginsue hessin leta'a wuṛṛu annu see lai mamate manga anangngu. Sapi wuṛṛu dombanu sarun ṛatanni mangitou, wuṛṛu manga waillu anggore see manga alun aranu sarun paddaṛṛanni mangitou. Manga soa pia tanda batune apan ia'asakki yamiu sarun ihohakki mangitou.

YEHEZKIEL 24:23

I yamiu sarun tawe umamatta ringannu tawe tatindungu pua ara'e apampakku ledda, tawe lumallu ara'e lumuai. I yamiu sarun lembon maṛṛasa ana waugu manga rosanu; i yamiu sarun sumal᷊iomanna sangkatou ringannu waine.

YEHEZKIEL 33:10

Mawu nabbisara si ya'u, “Ei taumata apan mattate, sul᷊ea'a su taumatan Israel wisaram mangitou indi, ‘I yami maṛṛasa ana waugu uapasanna rosa wuṛṛu al᷊al᷊eong kami. Ereapa i yami wotongne mabbiakka?’

AMOS 5:11

I yamiu mangngallanga taumata asiangnga wuṛṛu gandumme niaṛṛon kamiu. Ana waugu udde i yamiu sarun tawe maatana'a sulal᷊ummu manga wal᷊enu apan mapia, apan buatte niapararisikki yamiu udde. I yamiu sarun tawe ma'inumma anggore wuassu manga wawail᷊annu anggore apan nisuanni yamiu.

MIKHA 6:15

I yamiu sarun mangasi'u gandumma, arawe tawe mangitingnga wuane. I yamiu sarun manaṛṛitta lana wuassuwuan zaitun, arawe tawe mapapaattu lanane. I yamiu sarun mamakkan anggore, arawe tawe mappa'inumma.

HAGAI 1:6

I yamiu buatte nangasi'u manambo wualanna, arawe pangitingannu addio'a. I yamiu pia anna, arawe tawe mattiudda ipallaidda tiannu. I yamiu uatahuanna anggore, arawe tawe maawusaingnga naungngu. I yamiu uatahuanna laubba, arawe tawe mapanal᷊ihangnga waddangngu. Wuṛṛu lal᷊antakka apan nitarimmatu manga lal᷊ebbone tawe mattiudda ipanampa'a pabbiaṛṛanni mangitou.

ZAKARIA 14:12

Mawu sarun mandantan al᷊aṛṛusa'itta apan maata'utta su anambon balahanna apan buatte napapangalo nando'appa Yerusalem. Mata wuṛṛu lila mangitou, ewe'e lai ahewallu watanganni mangitou sarun mawukku'a tantal᷊anna i mangitou ta'e wiakka.

MALEAKHI 2:3

Manga anangngu sarun Ta'u iṛṛuumanna, wuṛṛu hatinu Ta'u wuṛṛannu tain binatangnga apan niola'i yamiu sasamba, wuṛṛu i yamiu sarun wol᷊enganna su ombon sapadda.

TAHIUL᷊E 28:51

I mangitou sarun manginsue winatangnga papadul᷊ianannu wuṛṛu hessin letangngu, wuṛṛu tawe manantangngu gandumma si yamiu, ua'e anggore, lanan zaitun ara'e sapi wuṛṛu ambingnga dombanu ma'oman sara i yamiu mate amal᷊unusanna.

TAHIUL᷊E 32:25

Pangalo sarun mangapiddu papate su manga lal᷊anna; atata'utta sarun maṛṛia'a su manga taumata su wal᷊en. Umbasanna wuṛṛu maṛṛuala sarun pateanna, wuṛṛu lai ana'a maradio'a see lai taumata timmadete.

IBRANI 10:31

Asasusa eteapa amungkangu manawo su lima Ruata Apan Wiakka!

MAL᷊AṚṚUUNGNGA 6:11

Su allo sambau mala'ekattu Mawu nirumanta su soa Ofra, ana see niuma'ianna su al᷊ungngu alu terpentin, pussa'an Yoas, sangkatou wuassu Amonanni Abiezer. Anangnge aranne i Gideon, tantal᷊anna mattappa gandumma sutampa pamakkannu anggore. I tou mammanara udde ringannu ma'imbuni tadea'u tawe asiloannu taumatan Midian.

1 SAMUEL 2:33

Arawe, sangkatou wuassu papapulunnu sarun Ta'u iwala wiakka wuṛṛu mangimbe si Ya'u maola'a sangkatou imam. Arawe i tou sarun mawuta matane wuṛṛu mabbiakka ringannu tawe antimma. Anambon papapulunne waine sarun iapate.