IMAMATTA 26:13 - WUKE SUSI WATTI'U AL᷊AL᷊USASSA

¹³ I Ya'u, Ruatanu, apan nangapiddi yamiu sinumabbangnga wuassu Mesir tadea'u i yamiu tawe mabbal᷊i allangnga apia. Taṛṛino apan uaumpisanna si yamiu buatte Ta'u nipaddi, wuṛṛu i yamiu Ta'u niola'a taumata apan napallosse.”

IMAMATTA 26:13 Iomraidhean Croise

DARALO 116:16

I ya'u indi allang-Ngu, oh Mawu, ere inangku, i ya'u lai mattaṛṛamawu Si'o I'o buatte napasabbangku wuassu tattupanna.

SASABANGNGA 14:8

Atonna Mawu na'ola'a ratu naungnge maattikka, na'oman sara i tou nangenggenna taumatan Israel tatantal᷊anna sulal᷊ummu amatanna manantangngu wanua udde sulal᷊ummu lu'addu Mawu.

SASABANGNGA 20:2

“Ete i Ya'u Ruatanu apan nangapiddi yamiu sinumabbangnga wuassu Mesir su tampa i yamiu niallangnga.

SASABANGNGA 6:7

I yamiu sarun Ta'u iapidda watukku wanua apan buatte nipa'ire-U ringannu sasalu si Abraham, i Ishak wuṛṛu i Yakub; leta'a udde Ta'u ionggola si yamiu maola'a pussaanu sassane. Ete i Ya'u Mawu.”

YESAYA 51:23

Asasusa udde Ta'u nionggolla su mangangallangu, apan buatte nandolokku niapaatiilla su leta'a, wua'udde nakkinda si yamiu, ere ola'u i yamiu lal᷊anna apan a'amatannu taumata.”

YESAYA 9:3

I'o buatte nanaṛṛia'u winabbawane apan mawakkatta wuṛṛu alu papasanna wuassu wambangnge. I'o namaddon walahanna mangngallanga udde apan mammaṛṛangnga uman-Nu. Ere lai sutempo apan nanangkal᷊iu sutempo I'o namaddon tantaran Midian.

YEREMIA 2:20

Mawu nabbisara, “Mal᷊annute i'o maddiri mattaṛṛamawu si Ya'u; maddiri tumuṛṛutta ara'e massubba si Ya'u. Su wowon suapan buidda apan matanggakka wuṛṛu su al᷊ungngu manga a'aluanna apan masindumunna i'o massubba manga mongannu asasuwukka.

YEREMIA 28:2

manungku Mawu Apan Lembontaṛṛino, Ruatan Israel, nabbisara arendi, “Atatohassi ratun Babel buatte Ta'u niapaallome.

YEREMIA 28:4

I Ya'u lai sarun mangapidda apia i Yoyakhin ana'i Yoyakim ratun Yehuda suadio'a ringannu anambon tumana'u Yehuda apan buatte niapidda su Babel. Atonna, i Ya'u sarun mapaallomen atatohassu Babel. I Ya'u, Mawu, buatte nabbisara.”

YEHEZKIEL 30:18

Sutempo i Ya'u manginsue awawantugu Mesir wuṛṛu manganu taṛṛinone apan ipammungane, Tahpanhes sarun oopannu ararandumma wuṛṛu manga wawinene sarun sametanna.

YEHEZKIEL 34:27

Manga aaluanna sarun mabbua, manga wawail᷊anna sarun mangongollu hessine, wuṛṛu anambon taumata sarun matana'a ringannu matammuda su letangnge sassane. Amulangngu ṛate laṛṛapussa uma-U buatte Ta'u niwassutta wuṛṛu i mangitou buatte Ta'u nipallossa wuassu manga taumata apan mangngallanga si mangitou, ne i mangitou masingkatte manungku ete i Ya'u Mawu.

HOSEA 11:4

Ringannu al᷊awo'u darangngu-U, i Tou Ta'u niundani ringang-Ku. Al᷊awo'u asasusane Ta'u niapaṛṛanna, wuṛṛu ringannu awawawon naungngi tou Ta'u nionggol᷊annu anna.

IMAMATTA 25:38

Eteudde parentan Duatanu apan buatte nangapiddi yamiu sinumabbangnga wuassu Mesir wuṛṛu nangonggolu wanua Kanaan si yamiu, tadea'u i Tou mabbal᷊i Ruatanu.

IMAMATTA 25:42

Taumatan Israel uddewe manga allangngu Mawu; ete i Tou apan nangapiddi mangitou sinumabbangnga wuassu Mesir, wuṛṛu ana waugu udde i mangitou tawe wotongnge iwal᷊u'a maola'a allangnga.

IMAMATTA 25:55

Sangkatou Israel tawe wotongnge maola'a allangnga su al᷊o'engngu pabbiaṛṛanne ana waugu walahannu Israel uddewe manga allangngu Mawu. Ete Mawu apan nangapiddi mangitou sinumabbangnga wuassu Mesir. Ete i Tou Ruatan mangitou.

NAHUM 1:13

Orassa indi Ta'u insueanna taṛṛinon Asyur si yamiu, wuṛṛu Ta'u wassutanna ṛate apan uaṛṛapussa si yamiu.”