IMAMATTA 23:5 - WUKE SUSI WATTI'U AL᷊AL᷊USASSA

⁵ Allo Wahewan Paskah apan iramea ipangaddatta Mawu, manattakka wuassu tempo matannallo umattuppa su allo appul᷊one appata wul᷊anna paarorone.

IMAMATTA 23:5 Iomraidhean Croise

SASABANGNGA 23:15

Sulal᷊ummu wul᷊anna Abib, su allo apan buatte tinantunna, i yamiu ṛinone maddamean Andeangngu Roti Tawe Ragine ringannu tul᷊adane apan Ta'u niparenta si yamiu, ana waugu sulal᷊ummu wul᷊anna udde i yamiu nanantangngu Mesir. Imbaṛṛangnga umanna roti apan niola'a nappaatu ragi sulal᷊ummu ramea pitu allo udde. Suapan i yamiu rumanta mattaṛṛamawu si Ya'u, i yamiu ṛinone mangapiddu aonggolla.

YEHEZKIEL 45:21

Su allo mapul᷊o appatta wul᷊anna paarorone, i yamiu ṛinone mallaghun Andeangngu Paskah. Pitu allo al᷊annune anambon taumata ṛinone umanna roti apan tawe ragine.

MATIUS 26:17

Su allo paarorone su Allo Wahewan Roti Tawe Ragine, manga mallal᷊aṛṛenggennu Mawu Yesus nirumanta ringanni Tou. I mangitou naiwal᷊o, “Suapa tampane ipaapulun Iamangnga i yami manaddia annu Paskah Iamangnga?”

MARKUS 14:12

Su allo paarorone wuassu Allo Wahewan Roti Tawe Ragine – su tempo taumata mammototta domban Paskah – mallal᷊aṛṛenggennu Mawu Yesus naiwal᷊o si Tou, “Suapa tampa ipa'apulun Iamangnga yami manaddia annu Paskah su Iamangnga?”

LUKAS 22:7

Na'omate allone Ramean Roti Tawe Ragine, manungku domba annu Paskah pototante.

YOSUA 5:10

Tantal᷊anna maddasanna su Gilgal su leta'a ratakke maranin Yerikho, ṛuangannu Israel nallaghun Paskah su allo wawallo eteudde allo appul᷊one appata wul᷊anna udde.