IMAMATTA 21:10 - WUKE SUSI WATTI'U AL᷊AL᷊USASSA

¹⁰ Imam Bahewalla buatte nitenega ringannu nallal᷊innu lanan lal᷊aghu su wowon puane wuṛṛu ringannu nalluṛṛen laubbu imam bahewalla si tou. Ana waugu udde i tou tawe wotongnge mamalan utangnge naal᷊impusutta ara'e manggesa'a laungnge maola'a tatiala lullal᷊o.

IMAMATTA 21:10 Iomraidhean Croise

PANDARIADDI 37:34

I Yakub nanggesa'a laungnge ana waugu massusa wuṛṛu nalluṛṛen laubbu lalal᷊o. Aroddi al᷊annune i tou lulluain anangnge udde.

2 SAMUEL 15:30

Wua'udde i Daud nalluatta sapatune. I tou suadio'a ringannu mallal᷊aṛenggenne sinumaate Wuiddu Zaitun lapiddu lulluai ringannu pua paporonganna tatialan massusa.

ESTER 6:12

Wua'udde Mordekhai nabbelengke watukku ngaran wal᷊en araratuanna. Arawe Haman nasasaṛṛawutta napul᷊e. I tou maddiri asiloannu taumata ana waugu i tou tumamiten massili, ne i tou nanaappa hatine.

AYUB 1:20

Ana see i Ayub dirumarisikke wuṛṛu nanggesa'a laungnge tatialan massusa. I tou nallunggukka puane, ana see niumal᷊intudda

DARALO 133:2

Udde naal᷊ihidda lana mawangngi maarega apan nilal᷊inna su puan Harun, ana see nangelekka su karaken laungnge.

SASABANGNGA 29:7

Ana see panganute lana ipangal᷊amatta, lal᷊ina'a su wowon puane wuṛṛu lanaite i tou.

YEHEZKIEL 24:17

Arie ma'oman sara lal᷊uainu aringiṛṛanna. Arie umamatta tawe tatindungu pua, arie tawe apampakku ledda, ere taumata apan lullal᷊o. Arie lai hatinu taapanna, wuṛṛu arie umanna rotin lal᷊al᷊o.”

IMAMATTA 13:45

Sangkatou apan uapendamma radda'a pisi apan ma'ata'utta, ṛinone malluṛṛen laubba nahahesa'a wuṛṛu mamalan utangnge nassal᷊iwukka. I tou ṛinone mallindumma hatine al᷊iu wowane wuṛṛu mangngintul᷊i, “Ma'arantinna! Ma'arantinna!”

IMAMATTA 16:32

Imam Rahewalla, apan buatte nitenega wuṛṛu niṛṛae hunan Duata ipallol᷊ossa iamangnge, ṛinone mapaamattu lal᷊aghu pamamaresi udde. I tou ṛinone mappaattu laubba al᷊aṛṛaene,

IMAMATTA 4:3

Amungkangngu na'ola'a rosa udde Imam Bahewalla, na'oman sara balahannu Israel nassal᷊ate lai, i tou ṛinone mangonggolu sambau sapi esakka saṛṛen tumuwo apan tawe angngone su saruannu Mawu tadea'u manga rosane ampunganna.

IMAMATTA 8:12

Wua'udde i Musa nanenegi Harun ringannu nallal᷊innu addio'a lanan lal᷊aghu su puane.

REENGANNA 35:25

Ammul᷊annu ṛuanganna ṛinone manamba'a taumata apan buatte namate ringannu tawe nipattatudda su saruannu wawansagu manga tuṛṛangngu apan nipate. Taumata udde ṛinone iapidda apia watukku soa pattillindumanne, su tampa i tou tinumal᷊angngu watanganne. I tou ṛinone matanaa isudde ma'oman sara taumata apan su tempo udde nabbal᷊i Imam Bahewalla natete; wua'udde i tou wotongngete mapul᷊e watukku ampungnga atatanaanne. Arawe amungkangngu i tou nate su soa pattillindumanna su tampa i tou tinumal᷊angngu watanganne, ana see niasangkal᷊anna wuṛṛu nipaten tuṛṛangngu taumata apan natete, ne ola'u pabbawal᷊issa udde wal᷊inewe pamamate.

MATIUS 26:65

Ne imam bahewa udde nanggesa'a laungnge, wuṛṛu nabbisara, “I tou mangngaddio'a Ruata! Tawe gunane lai madea'a sakassi. I yamiu sarangkanambone suete naaringikka sassane manga wisara apan ipangngaddio'a Ruata.