IMAMATTA 20:3 - WUKE SUSI WATTI'U AL᷊AL᷊USASSA

³ Taumata apan nangonggolu sasamba anangnge si Molokh, napaarantinnu Rasang-Ku wuṛṛu mallobbossa arang-Ku apan susi. I tou sarun Ta'u iṛṛuumanna wuṛṛu tate lai mareengnga al᷊aṛṛana-U.

IMAMATTA 20:3 Iomraidhean Croise

SASABANGNGA 30:33

Taumata apan na'ola'a lana ereudde, ara'e mappaatta su taumata apan bal᷊ine imam, tate lai mareengnga al᷊aṛṛana-U.”

YEHEZKIEL 20:39

Mawu Apan Atanggaṛṛanne nabbisara, “Ei manga taumatan Israel, orassa indi walate i'o. Asal᷊a'e ma'ola'a rosa ringannu massubba manga paal᷊uannu! Arawe paanaungete manungku wua'udde i yamiu ṛinone tumuṛṛutta si Ya'u wuṛṛu tate lai mallobbossa arang-Ku apan na'ukkassa ringannu mangngapiddu sasamba su manga paal᷊uannu udde.

YEHEZKIEL 5:11

I Ya'u uddewe Ruata apan biakka, Mawu Apan Atanggaṛṛanne, wuṛṛu indiwe wisara-U: Ana waugu i'o buatte nandal᷊eo Wal᷊e-U ringannu al᷊awo'u inolaannu apan dal᷊eo wuṛṛu maarantinna, i Ya'u sarun makkimunsa'a si'o ringannu tawe ampunge.

IMAMATTA 15:31

Mawu nandolokki Musa mapaanaungnga walahannu Israel tadea'u manutukka su tempo ereapa i mangitou ma'arantinna wuṛṛu su tempo ereapa tawe, tadea'u i mangitou tawe ma'arantinna Rasanna Mawu apan addone su pattangngannu paddasananni mangitou. Amungkangngu i mangitou na'ola'a Rasanna udde ma'arantinna, ne i mangitou sarun mate.

IMAMATTA 17:10

Amungkangngu sangkatou taumatan Israel ara'e sangkatou taumata raho apan uatana'a namanua su wallatu taumatan Israel na'inumma daṛṛa, i tou sarun iṛṛuumannu Mawu wuṛṛu tate lai mareengnga ere al᷊aṛṛanang-Nge.

IMAMATTA 18:21

Imbaṛṛangnga manantillu wuassu sangkatou anangngu olaanna sasamba ipassubba si Molokh, ana waugu pallal᷊aghu udde mallobbossa arannu Ruata, Mawunu.

IMAMATTA 19:12

Imbaṛṛangnga ma'ire ringannu arang-Ku amungkangngu i yamiu tawe maatipussa pa'aire udde, ana waugu ringannu udde mallobbossa arang-Ku. Ete i Ya'u Ruatanu.

IMAMATTA 20:4

Amungkangngu tumana'u soa nanutubbu mata su inolaannu taumata udde wuṛṛu tawe mapaamattu ṛuumanna pateanna su taumata udde,

IMAMATTA 21:6

I tou pussaa-U apan niṛṛae wuṛṛu tawe wotongnge mandal᷊eo arang-Ku. I tou mangonggolu sasamba anna si Ya'u, nariaddi i tou ṛinone susi.

IMAMATTA 7:20

Amungkangngu taumata uminassa ṛemessa udde su tempo i tou tantal᷊anna nassal᷊a, i tou tate lai mareengnga al᷊aṛṛana'u Ruata.

IMAMATTA 7:21

Amungkangngu sangkatou uminassa ṛemessu sasamba udde napawe i tou buatte nangeṛṛetta saranapa apan ipappalli, mawae udde wuassu taumata ara'e lai wuassu binatangnga, i tou tate lai mareengnga al᷊aṛṛana'u Ruata.

REENGANNA 19:13

Taumata apan naeṛṛetannu asuangnga wuṛṛu tawe mamaresi watanganne uddewe ma'arantinna, ana waugu i tou taambe niwokkannu ua'e lal᷊aghu. I tou na'ola'a Rasannu Mawu ma'arantinna wuṛṛu ana waugu udde i tou tate mareengnga su al᷊aṛṛana'u Ruata.

REENGANNA 19:20

Taumata apan nabbal᷊i ma'arantinna wuṛṛu tawe mallaghu pangangukkassa watanganne, sidutu ma'arantinna ana waugu taambe niwokkannu ua'e lal᷊aghu. I tou nanapadda Rasannu Mawu, wuṛṛu tate mareengnga al᷊aṛṛana'u Ruata.

2 KORINTUS 6:16

Apa sul᷊ungnge Wal᷊e Mawu wuṛṛu wal᷊em paal᷊uanna? I ite indi Wal᷊en Mawu, eteudde Ruata apan wiakka. Ruata sassane nabbisara, “I Ya'u sarun matana'a su pattangnganni mangitou, wuṛṛu mabbiakka suadio'a ringanni mangitou. I Ya'u sarun maola'a Ruata mangitou wuṛṛu i mangitou sarun maola'a al᷊aṛṛana-U.

1 PETRUS 3:12

Ana waugu Mawu sidutu ma'ellega manga taumata apan tuttuṛṛutta apulu-Ne, wuṛṛu Mawu sidutu maddaringikka manga aal᷊iomanni mangitou; arawe Mawu lullawangnga manga taumata apan ma'ola'a al᷊al᷊eo.”