IMAMATTA 2:2 - WUKE SUSI WATTI'U AL᷊AL᷊USASSA

² I tou ṛinone mangapidda su manga imam papapulunni Harun. Imam apan mammanara ṛinone manganu sangkangkumma taponna udde ringannu lanan zaitun wuṛṛu anambon amaniane, ana see itambunna su wowon mezbah maola'a tatiala manungku sarangkanambone buatte nionggola su Mawu. Hal᷊uṛṛun sasamba anna udde ma'al᷊uassa naungngu Mawu.

IMAMATTA 2:2 Iomraidhean Croise

NEHEMIA 13:14

Oh Ruata'u, naungete al᷊awo'a apan buatte ta'u niola'a hunan Wal᷊en-Nu wuṛṛu pangangangimbene.

NEHEMIA 13:22

Wua'udde manga taumatan Lewi ta'u nirolokka mapaamattu lal᷊aghun pamamaresi watanganne wuṛṛu mandiagga manga ngara wahewalla ipallu'adda tadea'u manga taumata mangaddatta allon Sabat. I ya'u niumal᷊iomanna, “Oh Ruata, naungewe i ya'u ana waugu olangnge udde lai, wuṛṛu akkanaawe i ya'u uasul᷊ungngu ringannu darangngu-Nu apan wahewalla.”

SASABANGNGA 30:16

Dorongete roitta udde su walahannu Israel, wuṛṛu paata'e su patataṛṛamawu sulal᷊ummu Rasang-Ku. Sarangkanambone udde eteudde roitta tatubussu watanganni mangitou, wuṛṛu i Ya'u sidutu uaanaungnga wuṛṛu ual᷊u'adda si mangitou.”

YESAYA 66:3

Arawe walahanna udde ma'ola'a walate apulu mangitou; i mangitou mal᷊uassa mattaṛṛamawu ringannu atokke apan ma'arantinna. Si mangitou tawe paddaṛṛalanne: mangngonggollu sapi esakka wuṛṛu mangngonggollu taumata, mangngonggollu ana'u domba wuṛṛu mammaddi ullekkan asu; mangngonggollu gandumma wuṛṛu mangngonggollu daṛṛan bawi, mannambunnu amania wuṛṛu massubba pa'al᷊uanna.

IMAMATTA 1:13

Ana see taumata udde ṛinone mangukkassa tinaine wuṛṛu palangngu winatangnga udde. Wua'udde manga imam ṛinone mangonggolu sarangkanambone su Mawu, wuṛṛu manambunna su wowon mezbah. Hal᷊urun sasamba itattambunna udde ma'al᷊uassa naungngu Mawu.

IMAMATTA 1:17

Wua'udde manu'u winalanganna udde ṛinone latto'anna su punnu papaidde, arawe papaidde tawe wotongnge mabassutta. Ana see manu'a udde ṛinone itambunna su wowon mezbah. Hal᷊urun sasamba itattambunna udde ma'al᷊uassa naungngu Mawu.

IMAMATTA 1:9

Ana see taumata udde ṛinone mangukkasa tinaine see palangngu sapi udde, wuṛṛu imam apan uamanara ṛinone manambunnu sarangkanambone. Hal᷊urun sasamba itattambunna udde ma'al᷊uassa naungngu Mawu.

IMAMATTA 2:16

Imam ṛinone manambunnu sambageanganna wuassu gandumma wuṛṛu lana udde see lai anambon amania, maola'a tatiala manungku sarangkanambone buatte nionggola su Mawu.

IMAMATTA 2:9

Imam manganu sambageanganna wuassu roti ana see itambunni tou su wowon mezbah maola'a tatiala manungku sarangkanambone buatte nionggola su Mawu. Hal᷊urune ma'al᷊uassa naungngu Mawu.

IMAMATTA 24:7

Addoa'e amania tutune suapan al᷊isansunnu roti ipattiala manungku roti udde sasamba anna su Mawu.

IMAMATTA 4:31

Anambon tawan binatangnga udde ṛinone anuanna naal᷊ihidda su sasamban paddarame. Tawane udde ṛinone itambunnu manga imam su wowon mezbah, tadea'u hal᷊urune ma'al᷊uassa naungngu Mawu. Etearoddi olangnge imam mangngonggolu sasamba ipangampunganga rosan tumana'u soa, ne taumata udde sarun ampungannu Mawu.

IMAMATTA 5:11

Amungkangngu taumata nassal᷊a tawe maasaddia sampare manu'a bakiangnga ara'e manu'a merpati olaanna sasamba ipangampunga rosa, i tou ṛinone mangapiddu taponna sangkilo. Taponna udde tawe wotongnge lo'annu lanan zaitun ara'e lal᷊o'annu amania, ana sasamba uddewe sasamba aampungnga rosa wuṛṛu wal᷊ine sasamba ia'imbe.

IMAMATTA 5:12

Taponna ṛinone iapidda ringannu imam. Imam ṛinone manganu sangkangkumma wuassu taponna udde maola'a tatiala manungku sarangkanambone buatte nionggola su Mawu. Taponna sangkangkumma udde ṛinone itambunna su wowon mezbah maola'a anna. Eteudde sasambane ipangampungnga rosa.

IMAMATTA 6:15

I tou ṛinone manganu sangkangkumma taponna al᷊ussa wuṛṛu lana ringannu amania, ana see itambunna su wowon mezbah maola'a tatiala manungku sasamba sarangkanambone udde nionggola su Mawu. Hal᷊urun sasamba udde ma'al᷊uassa naungngu Mawu.

REENGANNA 5:18

Wua'udde i tou ṛinone mamu'a uta'u wawine udde, wuṛṛu mantaṛṛo taponna sasamba pallal᷊u'adda su limane, wuṛṛu lai imam sassane uaagassa ua'e mapetta apan mandatan awawontoga.

REENGANNA 5:26

Ana see i tou ṛinone manganu sangkangkumma taponna maola'a tatialane manungku anambon taponna buatte nionggola, ana i tou nanambuna su mezbah. Panginsueanne ua'e udde niapa'inumma su wawine udde.

WATTI'U MANGA RASUL 10:4

I Kornelius nanutuda mala'ekatta udde ringannu atata'utta see nabbisara, “Pia apa Mawu?” Mala'ekatta udde sinumimbakka, “Aal᷊iomannu wuṛṛu asasaṛṛionto'u naungngu sinengkampen Ruata wuṛṛu Ruata mannaungnga si'o.