IMAMATTA 2:11 - WUKE SUSI WATTI'U AL᷊AL᷊USASSA

¹¹ Sasamba ia'imbe su Mawu tawe wotongnge lo'annu pul᷊a ara'e ragi, ana waugu pul᷊a wuṛṛu ragi tawe wotongnge itambunna olaanna sasamba su Mawu.

IMAMATTA 2:11 Iomraidhean Croise

SASABANGNGA 23:18

Imbaṛṛangnga mangonggolu roti apan pia ragine su tempo i yamiu mangonggolu sasamba winatangnga si Ya'u. Tawan binatangnga apan niola'a sasamba nionggola si Ya'u su tempo manga ramea udde tawe wotongnge itantangnga ma'oman sara tiṛṛabbi rua'allone.

SASABANGNGA 29:25

Ana see anute roti udde wuassi mangitou wuṛṛu tambuna'e su wowon mezbah, su wowon aonggolla itattambunna udde. Hal᷊urun sasamba udde ma'al᷊uassa naung-Ku.

SASABANGNGA 34:25

Su tempo i yamiu mangonggolu sasamba niṛṛata, imbaṛṛangnga mangonggolu saranapa apan niola'a nappaattu ragi. Winatangnga apan niṛṛata maola'a sasamba su ramean Paskah ṛinone insueanna ṛabbi udde lai; tawe wotongnge pia lambene ma'oman sara tiṛṛabbine marua allo.

AMSAL 24:13

Ana'u, pa'inumpe pul᷊a, ana waugu udde mapia. Su ereapa pul᷊a wuassu sal᷊akku langone, matemangnga inumanna,

AMSAL 25:16

Arie pa'inumma pul᷊a manambo-nambo; takkude i'o mawusaingnga.

AMSAL 25:27

Lal᷊eo ma'inumma pul᷊a apan nilumebbe, aroddi lai lal᷊eo tumaniten manambo maddalo.

IMAMATTA 1:13

Ana see taumata udde ṛinone mangukkassa tinaine wuṛṛu palangngu winatangnga udde. Wua'udde manga imam ṛinone mangonggolu sarangkanambone su Mawu, wuṛṛu manambunna su wowon mezbah. Hal᷊urun sasamba itattambunna udde ma'al᷊uassa naungngu Mawu.

IMAMATTA 6:10

Napawe sasamba udde nabbal᷊ite awu, imam malluṛṛen sal᷊ana maautta wuṛṛu jubah wuassu linen, ṛinone maṛṛootta awu apan pia tawane wuassu wowon mezbah wuṛṛu iaddo su sandiṛṛannu mezbah.

MATIUS 16:6

Mawu Yesus nabbisara si mangitou, “Paariaga su ragin taumatan Farisi wuṛṛu Saduki.”

MARKUS 8:15

“Paatehamma su ragi manga taumatan Farisi wuṛṛu ragin Herodes,” unnu Mawu Yesus si mangitou.

LUKAS 12:1

Su ṛiwune taumata mangke uasaseppe'a na'oman sara piaddu niaṛṛindanna leddane. Tantal᷊anna manga taumata udde uaṛṛimpulunna, Mawu Yesus nabbisara su manga mallal᷊aṛṛenggen-Ne, “Paatehamma su ragin taumata Farisi, pandumang-Ku, lilangkamal᷊e'i mangitou.

LUKAS 21:34

“Paariagai wadangngu, arie ma'oman sara i yamiu tumanite manambo ma'ola'a andeangnga wuṛṛu ma'inumma ua'e ma'awu'anna, ara'e tumanite maṛṛingiddu al᷊awo'u hattom biakki yamiu, na'oman sara i yamiu tawe naasaddia napawe allo udde nirumanta ringannu awagananna.

WATTI'U MANGA RASUL 14:22

Su manga soa udde i mangitou mannohassa naungngu mallal᷊aṛṛenggennu Mawu Yesus wuṛṛu mannantiro mallal᷊aṛṛenggenna udde tadea'u sidutu mangngimanna Mawu Yesus. “I ite ṛinone matataṛṛangnga rorone, wakkute udde i ite wotongnge mamendamma al᷊al᷊uassa su Runian Wakku Ruata,” aroddi manga rasul udde mangngaṛṛa'a manga mallal᷊aṛṛenggennu Mawu Yesus su soa udde.

GALATIA 5:9

“Ragi addio'a sarun mapaatuwon anambon taponna niluakka,” unnu taumata.

1 PETRUS 4:2

Ana waugu udde, ṛinone i yamiu sidutu mabbiakka su runia indi tuttuṛṛuta apulun Duata, wuṛṛu wal᷊ine tuttuṛṛuta apulun taumata.