IMAMATTA 2:10 - WUKE SUSI WATTI'U AL᷊AL᷊USASSA

¹⁰ Lambene udde wuattu manga imam. Roti udde lembon susi ana waugu nianu wuassu anna apan buatte nionggola su Mawu.

IMAMATTA 2:10 Iomraidhean Croise

2 TAWARIKH 31:14

Kore ana'i Yimna, sangkatou taumatan Lewi apan naola'a tembonannu mandariaga su Ngara Wahewallu Ra'i su Wal᷊en Mawu, tinantil᷊annu manara mannengkamma manga aonggola apan ia'onggola su Mawu ana see i tou lai nattahiate.

EZRA 2:63

Gubernuren wageangngu leta'u Yehuda naningaddi mangitou umanna anna apan niola'a sasamba su Ruata, na'oman sara pia sangkatou imam apan wotongnge maddorongnga tatantiro ringannu nappaattu Urim wuṛṛu Tumim.

YEHEZKIEL 44:29

I mangitou ṛinone mabbiakka wuassu aonggolla gandumma, sasamba papappassa rosa, wuṛṛu manga sasamba wawaekka arugianna; wuṛṛu manga al᷊awo'a apan buatte niṛṛae si Ya'u, ṛinone ionggolla si mangitou.

YEHEZKIEL 46:20

wuṛṛu nabbisara, “Su tampa indi manga imam ṛinone mallaha sasamba ipamappassa rosa wuṛṛu sasamba wawaekka arugianna see mallaha sasamba gandumma, tadea'u saran addio'a wuassu sasamba apan susi udde tawe iapidda su rallakku liudde ma'oman sara maasilaka tumanangnge.”

IMAMATTA 10:12

I Musa nabbisara si Harun wuṛṛu su anangnge darua, i Eleazar wuṛṛu i Itamar, “Panganute gandumma lambene wuassu anna apan nionggola su Mawu. Wuassu taponna udde ola'e roti apan tawe ragine, ana see ante su sandiṛṛannu mezbah, ana waugu sasamba udde lembon susi.

IMAMATTA 14:13

Ana'u domba udde ṛinone pototanni tou su tampa apan buatte niṛṛae pamototanna winatangnga maola'a sasamba aampungnga rosa wuṛṛu sasamba itattambunna. Domba udde ṛinone pototanna isudde ana waugu sasamba lal᷊anna'a arugianna wuṛṛu sasamba aampungnga rosa uddewe lembon susi wuṛṛu udde maola'a wageangngu imam.

IMAMATTA 2:3

Anna ia imbe lambene ionggola su manga imam. Sasamba udde tumaniten susi ana waugu buatte nianu wuassu anna apan buatte nionggola su Mawu.

IMAMATTA 21:22

Arawe i tou wotongnge umanna anna apan nionggola, mawae ete sasamba anna apan susi aroddi lai sasamba anna apan lembon susi.

IMAMATTA 5:13

Etearoddi olangnge imam mangngonggolu sasamba ipangampunga rosan taumata udde, ne i tou sarun ampungannu Mawu. Taponna lambene udde maola'e wageangngu imam, ere lai su aonggola gandumma.

IMAMATTA 6:16

Taponna lambene ṛinone olaanna roti tawe ragine wuṛṛu annanannu manga imam su tampa apan buatte niṛṛae, eteudde su rallaku Rasannu Mawu. Eteudde wageangngu manga imam apan nionggolu Mawu si mangitou wuassu sasamba anna. Anna udde lembon susi, ere sasamba ipangampunga rosa wuṛṛu sasamba ipallanna'a arugianna.

IMAMATTA 6:23

Suapan sasamba ia'imbe apan ionggolu imam ṛinone sarangkahewalle itambunna, saran addio'a imbaṛṛangnga annananna.

IMAMATTA 6:9

niapaonggola si Harun wuṛṛu manga anangnge manga atoranna indi su ola'u sasamba apan sarangkanambone itattambunna. Imam ṛinone mangandangngu sasamba itattambunna su wowon mezbah wuṛṛu niwala isudde su al᷊o'engngu ṛabbi, wuṛṛu putungnge sidutu luṛṛenggamma.

IMAMATTA 7:7

Su sasamba ipangampunga rosa wuṛṛu sasamba ipallanna'a arugianna iappaatta atoranna apan uasul᷊ungnga, eteudde; Ṛemessu binatangnga apan nionggola sasamba maola'a wageangngu imam nangonggollu sasamba udde.

REENGANNA 18:9

Wuassu manga aonggola apan lembon na'ukkassa apan tawe itambunna su wowon mezbah, apan manansunna indi eteudde wageangngu: Sasamba ia'imbe, sasamba ipangampungnga rosa wuṛṛu sasamba lal᷊anna'a arugianna. Sarangkanambone udde sasamba na'ukkassa apan maola'a wageangngu wuṛṛu al᷊aṛṛanangngu.

1 SAMUEL 2:28

Wuassu anambon walahannu Israel buatte Ta'u nipile amonanne maola'a imam mangimbe si ya'u su mezbah, manambunnu amania, wuṛṛu malluṛṛen laubba efod napawe maggahatto-U. Wuṛṛu si mangitou see lai su papapulunni mangitou buatte Ta'u nionggol᷊annu taṛṛino manganu sambageanganna wuassu sasamba aongolla apan itattambunna su mezbah.