IMAMATTA 2:1 - WUKE SUSI WATTI'U AL᷊AL᷊USASSA

¹ Amungkangngu pia sangkatou mangonggolu sasamba ia'imbe su Mawu, sasamba udde ṛinone taponna apan apianne apan nilal᷊inannu lanan zaitun wuṛṛu niandangannu amania su wowone.

IMAMATTA 2:1 Iomraidhean Croise

SASABANGNGA 29:2

Wuassu taponna apan apianne, luaṛṛa'e ringannu tawe mappaattu ragine. Sangkawageanganna taponna niluakka udde ṛinone olaanna roti ringannu lanan zaitun, sangkawageanganna lai tawe mappaattu lana, wuṛṛu lambene olaanna kukisse apan wuṛṛannu lana.

YESAYA 43:23

I'o tawe nangapiddu domba maola'a sasambanu itattambunna, tate mangaddatta si Ya'u ringannu sasambanu. Sumbal᷊i i Ya'u tawe nangonggollu winabbawa si'o su ola'u sasamba, ara'e napaasusanu ringannu maddea'a amania.

YESAYA 66:20

Wuassu manga wanua udde i mangitou sarun mangapidda apia manga tuṛṛangngi yamiu sambalahanna maola'a aonggolla si Ya'u. I mangitou sarun mangapiddu manga taumata udde su wui-U apan susi su Yerusalem ringannu uasa'e awal᷊o, keledai wuṛṛu unta, wuṛṛu ringannu kereta see roda, ere inanaramannu taumatan Israel mangngapidda su Wal᷊en Mawu sasamba gandumma sulal᷊ummu tampane apan baresi.

YEHEZKIEL 46:20

wuṛṛu nabbisara, “Su tampa indi manga imam ṛinone mallaha sasamba ipamappassa rosa wuṛṛu sasamba wawaekka arugianna see mallaha sasamba gandumma, tadea'u saran addio'a wuassu sasamba apan susi udde tawe iapidda su rallakku liudde ma'oman sara maasilaka tumanangnge.”

YOEL 1:9

Gandumma wuṛṛu anggore nawul᷊ite wuassu Wal᷊en Mawu. Ne nilumal᷊ote manga imam, apan satia mangngimbe Mawu.

YOEL 2:14

Asinungka Mawu Ruatanu mawal᷊u ṛingiranna, wuṛṛu mangal᷊amatta si yamiu ringannu nilumambalanna. Na'oman sara i yamiu wotongnge mangonggollu sasamba sasamba anggore wuṛṛu gandumma su Mawu, Ruatanu.

IMAMATTA 14:10

Su allo aual᷊une taumata udde ṛinone mangapiddu darua ana'u domba esakka wuṛṛu sambau ana'u domba wawine uukke santonna, apan sambau-sambau tawe sangkulle. Wal᷊ine wua'isudde lai tatallu su kilone taponna apan buatte nilo'annu lanan zaitun wuṛṛu sepertiga su literene lanan zaitun.

IMAMATTA 24:7

Addoa'e amania tutune suapan al᷊isansunnu roti ipattiala manungku roti udde sasamba anna su Mawu.

IMAMATTA 5:11

Amungkangngu taumata nassal᷊a tawe maasaddia sampare manu'a bakiangnga ara'e manu'a merpati olaanna sasamba ipangampunga rosa, i tou ṛinone mangapiddu taponna sangkilo. Taponna udde tawe wotongnge lo'annu lanan zaitun ara'e lal᷊o'annu amania, ana sasamba uddewe sasamba aampungnga rosa wuṛṛu wal᷊ine sasamba ia'imbe.

IMAMATTA 6:7

Imam mangonggolu sasamba ipangampunga rosan taumata udde, ne i tou sarun ampungannu Mawu.

IMAMATTA 9:17

Wua'udde i tou nangonggolu sasamba ia'imbe; i tou nanganu taponna sangkangkumma, wuṛṛu nitambunni tou su wowon mezbah. Udde tatambane su sasamba itattambunna mamiallo.

IMAMATTA 9:4

Doloṛṛa'e lai i mangitou mangonggolu sambau sapi esakka wuṛṛu sambau ambinga esakka maola'a sasamban paddarame. Sarangkanambone udde ṛinone ionggoli mangitou su Mawu suadio'a ringannu sasamba ia'imbe apan pia lanane, ana waugu allo indi Mawu nirumanta ringanni mangitou.”

MALEAKHI 1:11

I Ya'u aaddatannu manga walahanna su ahewallu runia. Suapan tampa itattambunna amania iapangaddatta arang-Ku wuṛṛu nionggolla manga sasamba apan suṛṛinone, ana waugu anambon balahanna mangngaddatta si Ya'u!

REENGANNA 18:9

Wuassu manga aonggola apan lembon na'ukkassa apan tawe itambunna su wowon mezbah, apan manansunna indi eteudde wageangngu: Sasamba ia'imbe, sasamba ipangampungnga rosa wuṛṛu sasamba lal᷊anna'a arugianna. Sarangkanambone udde sasamba na'ukkassa apan maola'a wageangngu wuṛṛu al᷊aṛṛanangngu.

REENGANNA 28:5

Suadio'a ringannu ana'u domba udde ṛinone ionggola sangkilo taponna lal᷊o'annu sanlitere lanan zaitun apan apianne.

REENGANNA 29:18

Onggol᷊a'e lai suadio'a ringannu udde anambon sasamba waine ere lai pappandumanna su allo paarorone.

REENGANNA 8:8

Ana see i mangitou doloṛṛa'a mangal᷊appa sambau sapi esakka saṛṛen tumuwo ringannu sasamba ia'imbe wuassu taponna apan nilo'annu lana. Ana see i'o ṛinone manganu sapi esakka waine maola'a sasamba ipangampungnga rosa.

YOHANES 6:35

“Ete i Ya'u roti apan mangonggolu wiakka,” unni Mawu Yesus si mangitou. “Taumata apan rumanta ringang-Ku tawe amal᷊unusanna sarangkal᷊o'engnge. Wuṛṛu taumata apan mangngimanna si ya'u tawe marou lai sarangkal᷊o'engnge.”

1 YOHANES 2:20

Arawe i yamiu suete nanengkamma Ghaṛṛahon Duata apan niwobboki Yesus Kristus wuṛṛu ana waugu udde i yamiu sarangkanambone maaillal᷊a al᷊aṛṛa'a apan naṛṛino udde.

1 YOHANES 2:27

Arawe su ola'i yamiu sassane, Kristus suete namobboku Ghaṛṛaho-Ne si yamiu. Wuṛṛu sulal᷊ummu Ghaṛṛaho-Ne ta'e ringanni yamiu, arie pia taumata waine mangaṛṛa'a si yamiu. Ana waugu Ghaṛṛaho-Ne mangngaṛṛa'a si yamiu su ola'u al᷊awo'a; wuṛṛu apa apan ia'aṛṛa-Nge udde atonna, wal᷊ine wahia. Ana waugu udde, ṛinone i yamiu tumuṛṛutta apa apan niaṛṛa'u Ghaṛṛaho udde, wuṛṛu ṛinone i yamiu sidutu mabbiakka uaaukka ringanni Kristus.

YUDAS 1:20

Arawe i yamiu manga tuṛṛangku, paddul᷊ianete siddutu wiakku sulal᷊ummu pangangimannu si Yesus Kristus. Pangangimannu udde lembon susi. Tantal᷊anna udde aal᷊iomante ringannu Taṛṛinon Ghaṛṛahon Duata,

SONDAPPA 8:3

Sangkatou mala'ekatta waine, apan uaapiddu sambau pananutunganna amania wul᷊awanna, nirumanta wuṛṛu dirumarisikka su saruannu meddan sasamba. Si tou nionggol᷊annu manambo amania ipanguntudu manga aal᷊iomannu anambon walahannu Ruata wuṛṛu iaddo su meddan sasamba wul᷊awanna apan uaraddo su saruannu adderan araratuanna.