IMAMATTA 19:5 - WUKE SUSI WATTI'U AL᷊AL᷊USASSA

⁵ Amungkangngu i yamiu mangonggolu binatangnga maola'a sasamban paddarame, tuṛṛutte manga atoranna apan Ta'u ionggola, tadea'u sasamba udde Ta'u sengkamanna.

IMAMATTA 19:5 Iomraidhean Croise

2 TAWARIKH 31:2

I Ratu Hizkia nangatokku apia manga ammul᷊annu manga imam wuṛṛu taumatan Lewi tumuṛṛuttu tahia manaran mangitou. Manga manara eteudde: mangonggolu sasamba itattambunna wuṛṛu sasamban paddarame, mangangimben lal᷊aghu patataṛṛamawu su Mawu su al᷊awo'u tampa su Wal᷊en Mawu.

SASABANGNGA 24:5

Ana see i Musa nandolokku manga pira umbasanna, wuṛṛu i mangitou nangongolu sasamba itattambunna su Mawu wuṛṛu namototta manga pira sapi maola'a sasamban paddarame.

YEHEZKIEL 46:12

Amungkangngu tembonanne mappulu mangonggollu aonggolla apulun naungnga su Mawu, mawae ete sasamba itattambunna aroddi lai sasamban paddarame, ne sasuttanna ra'i apan mabbatukku rallakku lal᷊umme ṛinone wu'anna si tou. I tou ṛinone mangonggollu sasamba udde ringannu olangnge apan uasul᷊ungnga ere apan niolangnge su allon Sabat, arawe napawe i tou mapul᷊ete, sasuttanna udde iṛṛuuda apia.”

YEHEZKIEL 46:2

Su manga allo udde tembonanne ṛinone sumutta wuassu rallakku liudde umamattu panumbal᷊e wahewalla ana see dumarisikka su sandiṛṛannu diṛṛin sasutanna, tantal᷊anna manga imam mangngonggollu sasamba itattambunna wuṛṛu sasamban paddarame wuassu tembonanne. Su ngara pasallanganna udde i tou ṛinone umal᷊intudda wuṛṛu massubba Mawu, see inaite. Wua'udde maddatingngu ṛabbi, sasuttanna udde tawe wotongnge iṛṛuudda.

IMAMATTA 1:3

Amungkangngu nionggola udde sambau sapi, winatangnga udde ṛinone esakka wuṛṛu tawe sangkulle. Sapi udde ṛinone iapiddi tou watukku ngaran Dasannu Mawu, tadea'u Mawu mal᷊uassa su taumata udde.

IMAMATTA 19:4

Imbaṛṛangnga massubba monganna. Imbaṛṛangnga ma'ola'a paal᷊uanna wuassu atta'a wuṛṛu massubba si tou. Ete i Ya'u Ruatanu.

IMAMATTA 19:6

Ṛemenne ṛinone inasanna su allon binatangnga udde pototanna ara'e su allo tiṛṛabine. Ṛemessa apan nallambe su allo atallune ṛinone tutunganna abbi,

IMAMATTA 22:21

Amungkangngu sangkatou mangonggolla su Mawu sasamban paddarame ipamaekka riandine ara'e sasamba tawe niwata'a, winatangnga udde imbaṛṛangnga pia sangkulle, tadea'u wotongnge sengkamanna.

IMAMATTA 22:23

Su sasamba walate apulu i yamiu wotongnge mangonggolu winatangnga apan tawe natipussa wadangnge; arawe su ipamaekka riandi, winatangnga aroddi tawe sengkamanna.

IMAMATTA 22:29

Amungkangngu i yamiu mangonggolu sasamba aadiangkamanna su Mawu, ola'e udde tumuṛṛuttu atoranna, tadea'u sasambanu sengkamanna.

IMAMATTA 7:16

Amungkangngu pia sangkatou uaapiddu sasamban paddarame ipanipussa riandine, ara'e maola'a sasamban apulun naungnge sassane, salaiwe tawe inasanna allo udde abbi. Lambene wotongnge inasanna tiṛṛabine.

IMAMATTA 7:18

Arawe amungkangngu su allo atallune ṛemessa udde inasanna lai, ne sasamba udde tawe sengkamanna wuṛṛu tawe mapangapiddu al᷊amatta su taumata udde, ewe'e lai maola'a ipappalli. Taumata apan niuminassa nassal᷊a wuṛṛu ṛinone mamasanna pangillul᷊eanne.