IMAMATTA 19:3 - WUKE SUSI WATTI'U AL᷊AL᷊USASSA

³ Suapan taumata ṛinone mangaddata iamangnge wuṛṛu inangnge wuṛṛu maddamean alloun Sabat ere buatte Ta'u nirolokka. Ete i Ya'u Ruatanu.

IMAMATTA 19:3 Iomraidhean Croise

PANDARIADDI 48:12

Wua'udde i Yusuf nanal᷊uru sitarua wuassu ṛiwan Yakub, wuṛṛu ana see i tou niumal᷊intudda su saruannu iamangnge.

NEHEMIA 9:14

Allon Sabat apan na'ukkassa ṛinone ilaghu mangitou, wuṛṛu wuassi Musa Tita-Nu I'o nangonggolla.

SASABANGNGA 16:29

Paanaungete manung-Ku i Ya'u nangonggola si yamiu allo massalo ipangillol᷊o. Ana waugu udde su allo aiannume i Ya'u nangonggolu anna apan uatimu su rua allo. Su allo appitune suapan taumata ṛinone matana'a su wal᷊en, wuṛṛu tawe wotongnge sumabbanga.”

SASABANGNGA 20:12

Pangaddata iamangngu wuṛṛu inangngu, tadea'u i yamiu mabbiaka su lal᷊umanna'a wuṛṛu mabbiakka malannu su wanua apan sarun Ta'u ionggolla si yamiu.

SASABANGNGA 20:8

Laghua'awe allon Sabat wuṛṛu addate allo udde maola'a allo apan na'ukkassa.

SASABANGNGA 21:15

Isai apan namuulla iamangnge ara'e inangnge ṛinone iṛṛuumanna pateanna.

SASABANGNGA 21:17

Isai apan mammontoga iamangnge ara'e inangnge, ṛinone iṛṛuumanna pateanna.

AMSAL 1:8

Panutukke apa apan iwabbisaran iamangngu wuṛṛu inangngu si'o, ana'u,

AMSAL 23:22

Paatuṛṛutte iamangngu; ana waugu, tawe i tou, i'o tawe baddi'a su runia. Amungkangngu inangngu timmadete, paelleha'a manungku i'o mangngaddatta si tou.

AMSAL 30:11

Pia taumata apan massalun iamangnge wuṛṛu tawe mangareggan inangngene.

AMSAL 30:17

Taumata apan mangngal᷊uandaga iamangnge ara'e inangngene apan timmadete, ṛinone iramme su liudde tadea'u matane tembonannu manu'a gagak wuṛṛu winal᷊unanne inasannu manu'a a'a.

YESAYA 58:13

Mawu nabbisara, “Pangaddatte allon Sabatta maola'a allo huna Mawu. Imbaṛṛangnga mammanara hausannu sassane su allo udde. Laghua'e allo udde maola'a allo al᷊al᷊uassa; Pangaddatte allon Mawu ringannu tawe sumal᷊ele; arie lai mammanara ara'e mabbisara wisara apan tawe gunane.

YEHEZKIEL 20:12

I mangitou Ta'u nirolokka mamantuga allon Sabat maola'a sambau tialan paaire-Ku si mangitou, tadea'u mapanaungnga si mangitou manungku i Ya'u Mawu, buatte naṛṛae mangitou si Ya'u.

IMAMATTA 11:44

Ete i Ya'u Mawu Ruatanu, ana waugu udde paariagaite tadea'u i yamiu sidutu susi, ana waugu i Ya'u susi.

IMAMATTA 19:25

Su tonna al᷊imane wakkute udde i yamiu wotongnge umanna wuane. Amungkangngu i yamiu mappaamattu anambon atoranna udde, manga aaluanna pia buane sarun mabbua lembon anamboanne lai. Ete i Ya'u Ruatanu.

IMAMATTA 19:30

Ramea'e allon Sabat wuṛṛu pangaddate tampa apan niṛṛae ipassubba si Ya'u. Ete i Ya'u Mawu.

IMAMATTA 19:31

Imbaṛṛangnga i yamiu maddorongnga tatantiro su tonaassa apan pia paa'ukke ringannu manga niawan taumata nate. Amungkangngu i yamiu ma'ola'a udde i yamiu mabbal᷊i ma'arantinna. Ete i Ya'u Ruatanu.

IMAMATTA 19:34

Ola'ewe i mangitou ere lai yamiu ma'ola'a manga taumata sambalahannu wuṛṛu pandangngute si mangitou ere lai yamiu mandangngu watangannu sassane. Paanaunge manungku i yamiu lai buatte nabbiakka ere taumata raho su Mesir. Ete i Ya'u Ruatanu.

IMAMATTA 23:3

Pia annummu allo ipammanara, arawe allo appitune, allon Sabat, eteudde allo pangillol᷊oanna apan niṛṛaen Mawu. Su allo udde ṛinone i yamiu ma'ola'a ammul᷊annu patataṛṛamawu wuṛṛu imbaṛṛangnga mammanara.

IMAMATTA 26:2

Ramea'e manga allon Sabat wuṛṛu manga allo wahewan agama wuṛṛu pangaddate tampa apan niṛṛae passubbanna si Ya'u. Ete i Ya'u Mawu.

MALEAKHI 1:6

Mawu Apan Lembontaṛṛino nabbisara su manga imam, “Sangkatou ana'a mangngaddatta iamangnge, wuṛṛu sangkatou mangangimbe mangngaddatta mawune. I Ya'u indi Iamangngu; anio i yamiu tawe mangaddatta si Ya'u? I Ya'u indi Tuangngu; anio i yamiu tawe mata'u-U? I yamiu mallobbossa si Ya'u, arawe i yamiu ma'iwal᷊o, ‘Ringannu olangnge ereapa i yami mallobbossa Si'o?’

TAHIUL᷊E 27:16

‘Niawontohante taumata apan tawe mangaddata hagurangnge wuṛṛu namalan mangitou tawe padul᷊iananna.’ ‘Amin!’

TAHIUL᷊E 5:16

Pangaddata wuṛṛu pamadul᷊ite iamangngu wuṛṛu inangngu; uddewe parenta-U, Mawu Ruatanu, tadea'u i yamiu su lal᷊umanna'a wuṛṛu tatuwone iapal᷊o'e su wanua apan Ta'u ionggola si yamiu.

IBRANI 12:9

I ite pia iamangnga su runia. I Tou mangngaṛṛa'a si ite, wuṛṛu i ite mangngaddatta si tou. Ne, nangillembo su saruannu Iamangngi ite su surga, natantuna i ite lembon matuṛṛuta si Tou tadea'u i ite wiakka.